Psalm

106 Prèise Yah, un pipel!+

Un taki Yehovah tangi, bika a bun.+

En bun-ati de fu têgo.+

 2 Suma kan taki fu den bigi sani di Yehovah du?+

Noso suma man prèise Gado trutru gi ala den sani di a du?+

 3 Koloku fu den sma di e koti krutu na wan reti fasi+

Èn di e du san reti ala ten.+

 4 Yehovah, mi e begi yu, memre mi èn du bun gi mi leki fa yu e du bun gi yu pipel.+

Sorgu gi mi èn frulusu mi,+

 5 So taki mi kan si fa yu e du bun gi den wan di yu teki puru na mindri trawan.+

Dan mi kan prisiri na a srefi fasi fa yu pipel e prisiri+

Èn makandra nanga den wan di yu teki leki a gudu fu yu, mi kan meki bigi.+

 6 Wi sondu, neleki den afo fu wi.+

Wi du sani di no bun. Na soso ogri wi du.+

 7 Di den afo fu wi ben de na Egepte,

Den no ben frustan san den bigi sani di yu du wani taki.+

Den frigiti taki yu ben sori den bun-ati pasa marki.+

Ma di den ben de na a se, iya, na a Redi Se, den trangayesi yu.+

 8 Toku Gado frulusu den, so taki en nen ben kan kisi glori.+

Na so fasi ala sma ben kan kon sabi a bigi makti fu en.+

 9 Ne a bari a Redi Se èn safrisafri a watra drei gowe.+

Dan a meki den waka pasa na ini a dipi watra dati, neleki na waka den ben e waka na ini wan drei sabana.+

10 Na so a frulusu den puru na a anu fu a sma di ben abi bita-ati gi den.+

A fri den puru na a anu fu a feanti fu den.+

11 Ne a watra sungu den feanti fu den.+

Nowan fu den tan na libi.+

12 Na a ten dati den ben e bribi den sani di Gado ben e taigi den.+

Den bigin singi prèisesingi gi en.+

13 Ma heri esi den frigiti den sani di Gado du.+

Den no wakti Gado fu a gi den rai.+

14 Na ini a sabana den poti prakseri nomo na den eigi lostu.+

Na so den bigin tesi Gado na ini a drei sabana.+

15 Ne a gi den san den aksi en+

Èn a meki den kisi wan takru siki di ben meki taki den ben e mangri gowe.+

16 Now den sma na ini a kampu bigin dyarusu na tapu Moses.+

Den ben e dyarusu srefi na tapu Aron, a santawan fu Yehovah.+

17 Ne a gron opo en mofo, dan a swari Datan.+

A gron tapu ala den sma di ben de makandra nanga Abiram.+

18 Dan wan faya bron den sma di ben kon makandra nanga den.+

A faya bron ala den ogri sma di ben de drape.+

19 Wan tra leisi a pipel meki wan pikin kaw na Horeb.+

Den boigi gi wan popki di libisma ben meki.+

20 Na so den teki wan popki fu wan mankaw, wan meti di e nyan grasi,+

Dan den bigin gi a popki dati glori na presi fu mi.+

21 Den frigiti Gado, a Frulusuman fu den.+

Iya, den frigiti a sma di du bigi sani na ini Egepte.+

22 Den frigiti den bigi sani di a du na ini a kondre fu Kam.+

Iya, den sani di a du na a Redi Se, ben meki taki sma kisi bigi lespeki gi en.+

23 A ben de fu gi a komando fu kiri den alamala.+

Ma Moses, a futuboi di a ben teki puru na mindri trawan,

Teki a deki-ati fu opo taki gi den na fesi Gado.+

Na so fasi na atibron fu Gado kon saka, so taki a no kiri den.+

24 Den wisiwasi a bun kondre.+

Den no ben e bribi den sani di Gado ben e taigi den.+

25 Doronomo den ben e krutukrutu na ini den tenti fu den.+

Den no ben e gi yesi na san Yehovah ben taki.+

26 Ne a opo en anu èn a sweri gi den+

Taki a ben o meki den dede na ini a sabana.+

27 A sweri taki a ben o meki den bakapikin fu den fadon dede na mindri den trakondre sma+

Èn taki a ben o panya den go na difrenti kondre.+

28 Boiti dati, den go anbegi Bâal fu Peor+

Èn den go nyan den sani di sma ben gi leki ofrandi na den dede gado.+

29 Fu di den ben e hati Gado nanga den sani di den ben e du,+

Meki a strafu den nanga wan siki.+

30 Di Pinehas opo du wan sani,+

Dan Gado no strafu den go doro.

31 Sensi a ten dati, Gado si Pinehas leki wan reti-ati sma

Fu ala ten, iya, fu têgo.+

32 Wan tra leisi baka, den meki Moses ati kon bron nanga den na Meriba pe watra de,+

So taki fu den ede sani no waka bun gi Moses.+

33 Den meki Moses ati kon bron srefisrefi,

So taki a bigin taki dondon sani nanga en mofo.+

34 Den no kiri ala den trakondre sma,+

Soleki fa Yehovah ben taigi den fu du.+

35 Den go moksi nanga den trakondre sma+

Èn den bigin teki den gwenti fu den.+

36 Den ben e dini den falsi gado fu den trakondre sma.+

Den gado disi ben kon de wan trapu gi den.+

37 Den ben e gi den manpikin+

Nanga den umapikin fu den leki ofrandi na den ogri yeye.+

38 Na so den trowe a brudu fu sma di no du nowan ogri.+

Iya, den trowe a brudu fu den manpikin nanga den umapikin fu den.

Den ben e gi den leki ofrandi na den gado fu den Kanansma.+

Na so a kondre kon doti nanga a kiri di sma ben e kiri trawan.+

39 Den sani di den ben e du, meki taki den tron sma di no krin.+

Doronomo den ben gowe libi mi fu go huru* nanga tra gado.+

40 Ne Yehovah ati kon bron srefisrefi nanga a pipel fu en+

Èn a bigin tegu gi den sma di a ben teki leki a gudu fu en.+

41 Ibri tron baka a ben e gi den abra na den trakondre sma,+

So taki den wan di ben abi bita-ati gi den ben kan basi den.+

42 Na so fasi den feanti fu den ben kan pina den

Èn den ben kan abi makti na den tapu.+

43 Someni leisi a frulusu den,+

Ma doronomo den ben e opo densrefi teige en èn den ben e trangayesi en.+

Na fu den fowtu disi ede, meki a lagi den.+

44 Toku a ben e poti prakseri na a nowtu fu den+

Te den ben e bari suku yepi na en.+

45 Ibri tron baka a ben e prakseri a frubontu di a ben meki nanga den+

Èn a ben e sari den, fu di a ben abi bun-ati pasa marki.+

46 Fu dati ede a ben e meki den sma di ben hori den na ini katibo,

Firi sari nanga den.+

47 Ke, Yehovah wi Gado, frulusu wi.+

Tyari wi kon na wán fu puru wi na ini den kondre pe wi de,+

So taki wi kan gi yu santa nen glori+

Èn taki wi kan prèise yu nanga bigi prisiri.+

48 Prèise Yehovah, a Gado fu Israel,+

Fu ala ten, iya, fu têgo.

Ala den sma musu taki: Amen.+

Prèise Yah, un pipel!+