Psalm

105 Un taki Yehovah tangi. Kari en nen.+

Meki sma kon sabi san a du.+

 2 Singi gi en. Prei poku gi en.+

Poti prakseri na ala den tumusi moi sani di a du.+

 3 Meki bigi gi a santa nen fu en.+

Meki na ati fu den wan di e suku Yehovah, firi prisiri.+

 4 Suku Yehovah èn a krakti fu en.+

Tan suku yepi na en.+

 5 Memre den tumusi moi sani di a du,+

Den wondru fu en nanga den wèt di a gi unu,+

 6 Iya, unu di de bakapikin fu en futuboi Abraham,+

Unu di de manpikin fu Yakob èn di a teki puru na mindri trawan.+

 7 En na Yehovah wi Gado.+

Na heri grontapu, sma sabi den wèt fu en.+

 8 Ala ten a e memre a frubontu fu en.+

Fu têgo a e memre den sani di a taki.+

 9 Na a frubontu dati a ben meki nanga Abraham+

Èn a ben sweri gi Isak taki a ben o hori a frubontu.+

10 A srefi sweri disi a ben poti leki wèt gi Yakob,

Leki wan frubontu di a ben meki nanga Israel fu ala ten.+

11 A ben taigi en: „Na yu mi o gi a kondre Kanan.+

A o de wan famirigudu gi unu.”+

12 Na a ten dati den no ben de nanga furu sma.+

Iya, den ben de nanga wan tu sma nomo èn den ben e libi na ini a kondre leki trakondre sma.+

13 Na so den waka fu a wan kondre go na a trawan,+

Fu a wan kownukondre go na a trawan.+

14 A no meki nowan libisma du ogri nanga den.+

Ma fu den ede, meki a piri-ai gi kownu.+

15 A ben taki: „Un no musu fasi den salfuwan fu mi+

Èn un no musu du nowan ogri nanga den profeiti fu mi.”+

16 Ne a meki angriten kon na ini a kondre.+

A broko ala den tiki pe sma ben gwenti anga lingakuku.+

17 A seni wan man go na fesi a pipel.

A man disi ben de Yosef, di den ben seri leki srafu.+

18 Den fasi en futu nanga bui.+

Den tai en nanga isri keti.+

19 Yehovah taki sani di meki Yosef kon krin+

Teleki a ten doro taki den sani di Gado ben pramisi en kon tru.+

20 Sobun, a kownu seni sma fu go puru en na strafu-oso.+

Iya, a tiriman fu a pipel meki sma lusu en.

21 A gi Yosef a frantwortu fu na osofamiri fu en+

Èn a poti en leki fesiman fu luku ala den gudu fu en.+

22 A ben kisi a reti tu fu tiri den heihei man fu Kownu+

Èn srefi den man di ben kon grani kaba, a ben e leri koni sani.+

23 Ne Israel kon na Egepte.+

Na so Yakob kon tan leki wan trakondre sma na ini a kondre fu Kam.+

24 Gado tan meki a pipel fu en kisi furu pikin.+

Safrisafri a ben e meki den kon moro bigi leki den feanti fu den.+

25 A gi pasi taki na ati fu den feanti kon kenki, so taki den kisi bita-ati gi en pipel.+

Na so den bigin seti sani fu bedrigi den futuboi fu en.+

26 Ne Gado seni en futuboi Moses go drape.+

A seni Aron go tu, di a ben teki fu go nanga en.+

27 Den ben sori den Egeptesma den bigi sani fu Gado+

Èn den ben e du wondru na ini a kondre fu Kam.+

28 A seni dungru kon, so taki a ben kon dungru na ala sei.+

Den man disi no ben trangayesi Gado.+

29 Gado kenki a watra kon tron brudu+

Èn a kiri den fisi.+

30 Todo ben kon lai na ini a kondre.+

Den todo ben de te na ini den sribikamra fu den kownu fu den.

31 Ne a taki dati kawfrei ben musu kon na ini a kondre.+

Na ala den kontren fu den, maskita ben de tu.+

32 Na presi fu alen, a meki pisipisi ijs fadon komoto na hemel.+

Iya, a faya di e koti na hemel ben de fu si na ini a kondre fu den.+

33 Na so a kiri den droifibon nanga den figabon.

Na ini a heri kondre a broko den bon trowe.+

34 Dan a meki sprenka kon na ini a kondre.+

Iya, yongu sprenka di ben furu so te, taki sma no ben man teri den.+

35 Ne den sprenka nyan ala sani di ben e gro na ini a kondre.+

Den nyan ala sani tu di sma ben prani na den gron fu den.

36 Dan Gado kiri ala den fosi pikin fu den libisma nanga den meti na ini a kondre.+

Iya, a kiri ala den fosi pikin di ben kon gebore.+

37 Baka dati Gado meki den Israelsma komoto na ini a kondre nanga solfru èn nanga gowtu.+

Nowan sma na ini den lo fu en ben naki futu.

38 Den sma fu Egepte prisiri di den Israelsma gowe,

Bika den ben kon frede den Israelsma.+

39 Gado bradi wan wolku fu tapu den+

Èn a gi den wan faya di ben e bron, so taki leti ben kan skèin gi den na neti.+

40 Di den aksi en meti fu nyan, a gi den tokoro-fowru.*+

A gi den brede fu hemel, so taki den ben kan nyan den bere furu.+

41 A priti wan bigi ston opo èn watra bigin lon komoto na ini.+

Leki wan liba, a watra disi ben e lon pasa na ini kontren pe watra no de.+

43 Sobun, Gado puru en pipel na ini a kondre. Den ben e prisiri srefisrefi.+

Den sma di a ben teki leki en futuboi ben e bari fu prisiri.+

44 Safrisafri a meki den teki den kontren fu den trakondre sma abra.+

San den sma fu den difrenti kondre ben wroko tranga fu prani, na dati den Israelsma ben e teki.+

45 Gado du disi, so taki den ben kan gi yesi na den komando fu en+

Èn so taki den ben kan hori den wèt fu en.+

Prèise Yah, un pipel!+