Yob
6 Dan Yob taki:
2 „Mi winsi taki wan sma ben kan wegi a pina+ fu mi,
Iya, mi winsi taki wan sma ben kan poti den problema fu mi na tapu wan wegi!
4 Den peiri fu na Almakti Gado sutu mi.+
Mi e firi fa a vergif fu den e go na ini mi skin.+
Gado e feti nanga mi, èn dati meki mi e frede srefisrefi.+
6 Efu wan sani no abi tesi, yu o nyan en sondro sowtu?
A weti fu wan eksi no abi tesi, a no so?
7 Mi no wani fasi nowan fu den sani dati.
Den de leki nyanyan di e meki mi kon siki.
8 Mi winsi taki mi ben o kisi san mi aksi,
Èn taki Gado ben o gi mi san mi wani!
10 Dati srefi ben o de wan trowstu gi mi.
Mi ben o dyompo fu prisiri,+ aladi mi abi hebi pen.
Awinsi Gado no ben o abi sari-ati nanga mi, toku mi ben o tan taki fu den sani di a Santawan+ taki.+
11 Omeni krakti mi abi, taki mi ben sa wani wakti go doro?+
Sortu howpu mi abi, taki mi ben sa wani libi go doro?
12 Mi tranga leki ston?
Mi skin de fu kopro?
13 Na yepi mi no man yepi misrefi?
Na wroko mi no man wroko bun?
15 Mi eigi brada bedrigi mi.+ Den de leki wan liba di abi watra na a kowru ten fu a yari,
Ma di e kon drei bakaten.
16 Na ijs di e smèlter na ini a liba e meki a kon dungru.
A snew e kibri na ini a liba.
18 A drai go na wan tra sei.
A go na ini a sabana èn a lon drei.
19 Wan grupu sma fu Teima+ di e waka fu a wan presi go na a trawan, suku watra.
Den Sabeisma+ di no e tan na wan presi nomo, wakti fu a watra kon.
20 Ma den kisi syen, fu di den ben de seiker taki den ben o feni watra.
Den kon te na a presi pe a liba de, ma toku den no feni san den ben suku.+
22 Unu e frede fu di mi aksi unu: ’Gi mi wan sani,
Noso gi wan sma wan sani, so taki a kan yepi mi?’
26 Unu e suku fu piri-ai gi mi, fu di unu denki taki mi taki sani di no bun?
Te wan sma e bruya,+ a e taki dondon sani di de leki winti.+
27 Iya, unu ben o iti lòt srefi fu luku san fu du nanga wan pikin di no abi papa.+
Unu ben o seri un mati,+ efu unu ben o man kisi wini fu dati!
29 Grantangi, kenki un denki, bika unu no e du bun.
Iya, kenki un denki, bika te now ete mi na wan reti-ati sma.+
30 Unu denki taki mi e taki sani di no bun?
Unu denki taki mi no sabi taki wan sani no bun?