Psalm
Gi a fesiman fu den pokuman. Wan psalm fu David. Wan singi.
139 Yehovah, yu ondrosuku mi èn yu sabi mi dorodoro.+
2 Yu sabi o ten mi e saka sidon èn o ten mi e opo baka.+
Yu de farawe, ma toku yu sabi fa mi e prakseri.+
3 Yu e luku te mi e waka fu a wan presi go na a trawan èn te mi e go didon.+
Yu kon sabi ala san mi e du.+
5 Yu tapu mi lontu na ala sei.
Yu poti yu anu na mi tapu.
8 Efu mi ben o opo go na hemel, yu ben o de drape.+
Efu mi ben o seti mi bedi na ini Grebi,* dan yu ben o de drape tu.+
11 Awinsi mi ben o taki: „Dungru o tapu mi esi-esi”,+
Dan toku a ben o de leki mi de na ini leti na neti.+
12 Awinsi a ben o dungru pikapika, toku a no ben o dungru tumusi gi yu.+
Ma neti srefi ben o krin leki dei.+
Dungru ben o de leki deiten.+
14 Mi o prèise yu, fu di yu meki mi na wan tumusi wondru fasi di e meki mi kisi bigi lespeki gi yu.+
Den sani di yu du, bigi srefisrefi.+
15 Den bonyo fu mi no ben kibri gi yu+
Di yu meki mi sondro fu tra sma sabi.+
Yu brei mi leki wan krosi na ini den moro dipi presi+ fu grontapu.
16 Yu ai ben si mi di mi ben de na ini mi mama bere.+
Srefi di nowan pisi fu mi skin ben de ete,
Yu ben skrifi kaba na ini a buku fu yu+
Taki ala den difrenti pisi fu mi skin ben o kon de.
18 Efu mi ben o pruberi fu teri den, dan den ben o furu moro leki santi.+
Te mi ben o wiki mamanten, mi ben o teri den ete.+
19 Mi Gado, mi winsi taki yu kiri den sma di e du ogri.+
Dan den wan di abi brudu-paiman+ o komoto na mi tapu.
20 Den e taki ogri fu yu nanga takru prakseri.+
Den taki fu yu nen na wan fasi di no fiti.+ Den na yu feanti.+