Psalm
Gi a fesiman fu den pokuman: A musu prei leki a poku di nen „No kiri mi”. Wan singi fu Asaf.
75 Wi e taki yu tangi, Gado, iya, wi e taki yu tangi.
Yu de nanga wi
èn sma e taki fu den bigi sani di yu e du.
3 Di grontapu nanga ala den sma di e libi na tapu ben e beifi,*
dan na mi ben hori den pilari fu grontapu tnapu steifi.” (Sela)
4 Mi taigi den sma di e dyaf: „No dyaf moro.”
Mi taigi den ogrisma: „No meki bigi taki unu tranga.*
6 A sma di o gi unu glori no o kmoto
fu owstusei, west-sei noso zuidsei.
7 Bika Gado na Krutuman.
A e lagi suma a wani èn a e hei suma a wani.
8 Yehovah e hori wan kan na ini en anu.
A kan abi win na ini di abi skuma èn di kan drungu sma.
A o kanti a win gi ala den ogrisma na grontapu
èn a o meki den dringi, iya, a o meki den dringi a sakasaka srefi.”