Fu san a tijdschrift e taki
12 Sani di e yepi wan osofamiri fu de koloku
Furu tron wi e yere fu sani di no e go bun na ini son osofamiri. Ma meki wi go luku fu san ede sani e go bun na ini tra osofamiri.
Na a pisi ten fu 1990 te go miti 2015, a nomru fu sma di broko trow na ini Amerika de tu tron so furu na mindri sma di pasa 50 yari, èn gi sma di pasa 65 yari a de dri tron moro furu.
Papa nanga mama no sabi san fu du. Son sabiman e taki dati den musu preise den pikin doronomo, aladi trawan e taki dati den musu de moro strak.
Yonguwan e kon bigi sondro taki den abi den fasi di de fanowdu fu abi wan bun libi.
Ma tog son osofamiri man de koloku . . .
Den man abi wan bun trowlibi pe masra nanga wefi man de koloku.
Den man kweki den pikin fu den nanga lobi.
Den man leri den pikin fu den fu tyari frantwortu.
San e yepi den? Na Ontwaakt! disi e taki fu 12 prenspari sani di kan meki osofamiri de koloku.