Yehovah gi wi wan Frulusuman

29 A fosi yeye di Gado meki, ben de a fosi manpikin fu en.

Gado lobi en srefisrefi èn a o gebroiki en fu kiri ogrisma èn fu frulusu sma di e gi yesi na en.—Yohanes 3:16, 36

30 Yehovah ben seni en Manpikin fu gebore na grontapu. Den ben kari en Yesus. En mama ben nen Maria.—Lukas 1:30-35

31 Di Yesus kon bigi, a ben leri sma furu bun sani. A ben leri sma taki Yehovah wawan na a tru Gado.—Markus 12:29, 30

Yesus ben taki dati wi musu anbegi Yehovah wawan.—Mateyus 4:10; Yohanes 4:23, 24

A ben leri sma tu fu a kownukondre fu Yehovah.—Lukas 17:20, 21

32 Yesus meki sikisma kon betre èn a du furu bun sani. A no ben du ogri sani.—Tori fu den Apostel 10:38; 1 Petrus 2:21, 22

Ma fa a o frulusu wi fu sondu nanga dede?

33 A ben musu gi Gado wan ofrandi fu frulusu bun sma. Na ini owruten, Gado ben taigi sma fu tyari meti leki ofrandi gi den sondu fu den.—Hebrewsma 7:25, 27

34 Yesus no ben gi meti leki ofrandi. A ben gi ensrefi leki wan ofrandi fu a bun fu wi.—Mateyus 20:28; Hebrewsma 10:12

Yu sabi fu san ede?