Bonu Nanga Obiawroko Na Takru Sani

Satan wani meki yu go du bonu. Furu sma e òfer sani gi den afo noso den yeye so taki ogri no e pasa nanga den sma disi. Den e du dati fu di den frede a makti fu den yeye. Den e weri bonulinga noso bonubui. Den e dringi „dresi” noso den e lobi den skin nanga disi fu di den e denki taki a abi a makti fu du bonu. Son sma e kibri sani na ini na oso fu den noso na ini gron, fu di den denki taki den sani disi kan meki taki ogri no e miti den. Tra sma e gebroiki ’bonudresi’ fu di den bribi taki a sa meki sani waka bun gi den na ini bisnis, te den musu meki eksâme na skoro noso te den e hori nanga wan sma.

A moro bun fasi fu meki taki Satan no e du yu ogri, na fu abi Yehovah leki yu mati. Yehovah Gado nanga den engel fu en tranga moro Satan nanga den ogri yeye fu en (Yakobus 2:19; Openbaring 12:9). Yehovah trutru wani sori a krakti fu en gi a bun fu den mati fu en. Den na den sma di de loyaal na en dorodoro.​—2 Kroniki 16:9.

Gado Wortu e taki: „Unu no musu du bonu”. Yehovah e krutu bonu nanga obiawroko fu di den sani dati kan tyari sma kon langalanga ini a makti fu Satan Didibri.​—Lefitikus 19:26.