Biginwortu fu pisi 7

A pisi disi e taki fu a libi fu Kownu Saul nanga Kownu David. Yu o leisi fu sani di pasa na ini sowan 80 yari. Na a bigin, Saul ben abi sakafasi èn a ben e lespeki Gado. Ma bakaten a kenki èn a no ben e du san Yehovah taki. Dati meki Yehovah no ben wani en moro leki kownu èn a taigi Samuel fu salfu David leki a nyun kownu fu Israel. Fu di Saul ben e dyarusu tapu David, meki a pruberi omeni leisi fu kiri en. Ma noiti David suku fu du en ogri baka. Yonatan, a manpikin fu Saul ben sabi taki na Yehovah teki David leki kownu èn dati meki a horibaka gi en. David du wan tu seryusu sondu, ma ala ten a teki a piri-ai di Yehovah gi en. Efu yu abi pikin, dan yepi den fu si o prenspari a de fu gi yesi ala ten na den sma di Yehovah poti fu teki fesi.