A ben jepi den foe tapoe nanga smoko

Wan jongoe skoroboi ini Belgia ben tapoe nanga smoko. Di na okasi ben de foe dati, dan a ben tjari kon na krin gi den tra skoro-mati foe en foe sanede a ben doe dati. A ben sori den san na boekoe „Meki joe jongoe jari de wan winimarki” e taki foe dati èn a ben prati wan toe foe a boekoe gi den.

Wan foe den skoroboi ben tapoe nanga smoko, baka di a ben lési na boekoe. A mama foe wan tra skoroboi ben lési a boekoe èn a ben tapoe en manpikin foe go doro nanga smoko. Wan tra mama ben aksi moro boekoe. Na driktoro foe na skoro ben skreki foe san ben e pasa èn ensrefi ben kisi gridi foe den boekoe foe Jehovah Kotoigi. Ala nanga ala 30 boekoe ben prati.

A boekoe disi no wawan e taki foe smoko, ma sosrefi toe foe na kebroiki foe drug nanga sopi èn foeroe tra afersi di abi foe doe nanga jongoe sma, soleki sport, pokoe, dansi, na meki foe mofo.