Disi na a pisi foe bijbel di moe lési na a theocratis skoro leki lezing nomroe toe (2)

NA INI A WIKI FOE 8 APRIL: Leviticus 5:1-13.

1 Efoe wan sili now sondoe foe di a ben jere wan floekoe di ben taki na publiki èn a de kotoigi ofoe a ben si en ofoe a kon sabi foe en, a moesoe, efoe a no go ferteri foe en, tjari na frantwortoe foe en fowtoe denki. 2 Ofoe te wan sili fasi wan sani di no krin, ofoe a de a dede skin foe wan werder meti di no krin, noso a dede skin foe wan osometi di no krin, noso na dede skin foe wan mekisani di na ipi-ipi e bewégi ensrefi èn di no de krin, awinsi a ben kibri gi en ai, dan tokoe a fowtoe. 3 Noso a fasi a sani di no de krin foe wan man na ini a tori foe iniwan sani foe en di no de krin nanga san a no kon de krin, dan a fowtoe. 4 Noso efoe wan sili e sweri so dati a e taki nanga en mofoboeba sondro foe denki foe doe ogri, noso foe doe boen, na ini a tori pe a sma ben sa man foe taki wan sweri sondro foe denki awinsi a ben kibri gi en ai, èn tokoe ensrefi ben kon sabi dati dan a fowtoe na ini wan foe den sani disi, dan a moesoe taki na ini sortoe fasi a sondoe. 6 Èn a ben moesoe tjari en sondoe ofrandi gi Jehovah foe en sondoe di a ben doe, namkoe wan oema wan foe den pikin meti, wan oema skapoe noso wan pikin krabita, leki wan sondoe-ofrandi; èn a priester moesoe doe verzoening gi en sondoe. Efoe a no sa man foe tjari nofo kon na wan foe wan skapoe, dan a moesoe tjari foe a fowtoe ofrandi foe a sondoe di a ben doe toe stondoifi ofoe toe mandoifi gi Jehovah, a wan leki wan sondoe-ofrandi èn a trawan leki wan bron-ofrandi. 8 Èn a moesoe tjari den go na a priester, den moesoe pristeri a foswan gi na sondoe-ofrandi, èn den moe pingi na ede poeroe te na a fesisé foe na neki, ma a no moesoe koti en poeroe. 9 Èn a moesoe natinati a sé foe na ark nanga pikinso foe na broedoe foe na sondoe-ofrandi ma na broedoe san libi abra sa kwinsi na a foetoe foe na altari. A de wan sondoe-ofrandi. 10 Èn nanga a trawan a sa handri leki wan bron-ofrandi ini akroederi nanga na fasi fa skrifi taki den afersi disi moe waka; èn a priester moesoe doe verzoening gi en foe en sondoe di a ben doe, èn na sofasi a moe kisi pardon. A no moesoe poti oli a tapoe èn a no moesoe poti wierook a tapoe, bikasi a de wan sondoe-ofrandi. 11 Efoe now a no abi den sani di de fanowdoe foe toe stondoifi ofoe toe mandoifi dan a moesoe tjari leki en ofrandi presenti gi a sondoe di a ben doe wan di foe tin pisi foe wan efa fini blon leki sondoe-ofrandi. 12 Èn a moesoe tjari en go na a priester, èn a priester moesoe teki wan foeroe anoe foe dati leki wan pisi foe en foe memre èn a moesoe meki dati tron smoko na tapoe na altari na tapoe Jehovah faja-ofrandi. A de wan sondoe-ofrandi. 13 Èn a priester moesoe doe verzoening gi en sondoe di a ben doe a no abi trobi sortoe wan foe den sondoe disi èn a so fasi a moesoe kisi pardon; èn a moesoe de gi a priester, neleki wan siri-ofrandi.

NA INI NA WIKI FOE 15 APRIL: Leviticus 10:1-11.

1 Bakaten den manpikin foe Aäron Nadab nanga Abihu ben teki èn tjari ibriwan en fajapotoe èn ben poti faja na ini den èn ben poti wierook a tapoe, èn den ben bigin foe offer a fesi foe Jehovah faja di ben de kontrari a wet, san en no ben taigi den foe doe. 2 Nanga disi wan faja ben komoto foe na fesi foe Jehovah èn ben bron den krinkrin, sodati den ben dede na fesi foe Jehovah. 3 Dan Mozes ben taigi Aäron: „Disi na san Jehovah ben ferteri, taki: ’Meki mi kon santa a mindri den di de krosbé foe mi èn meki mi kisi grani na fesi foe a heri pipel.’” Èn Aäron ben tan tiri. 4 Mozes dan ben karl Misaël nanga Elsafan, manpikin foe Uzziël Aäron omoe, èn a taigi den: „Kon krosbé tjari den brada foe oen komoto foe fesi na santa presi go te na dorosé foe na kampoe.” 5 A so den ben kon krosbe èn tjari den ini den langa krosi foe den te go na dorosé foe na kampoe, joisti soleki fa Mozes ben taki. 6 Baka dati Mozes ben taigi Aäron nanga Eleazar nanga Ithamar, den tra manpikin foe en: „Oen no moesoe libi joe ede-wiwiri sondro foe sorgoe en èn oen no moe priti oen krosi, sodati oenoe no dede èn sodati en ati no bron na tapoe na heri komakandra; ma oen brada foe na heri oso foe Israël sa kré foe na faja, di Jehovah ben meki bron. 7 Èn oen no moesoe komoto foe na mofodoro foe na tenti foe na komakandra, sodati oen no dede, bikasi na salfoe oli foe Jehoveh de na oen tapoe”. Den dan ben doe na a wortoe foe Mozes. 8 Moro fara Jehovah ben taigi Aron taki: 9 „No dringi win ofoe dringi di e droengoe joe, joe èn so toe joe manpikin nanga joe te joe e kon na ini na tenti foe komakandra sodati oen no dede, a de wan wet foe ten di no abi marki gi den geslagti foe joe, 10 sodati wan difrenti meki a mindri na santa sani nanga san no de santa èn a mindri na sani di de krin, 11 foe kan leri den manpikin foe Israël den wet foe Jehovah di a ben taigi den nanga jepi foe Mozes.”

A WIKI FOE 22 APRIL: Leviticus 11:1-12, 46, 47.

1 Moro fara Jehovah ben taki nanga Mozes èn Aäron, èn taigi den, 2 „Taki nanga den manpikin foe Israël, taki disi na a libi mekisani di joe mag njan foe ala fo-foetoemeti di de na grontapoe. 3 Ala mekisani a mindri den fo-foetoemeti di en ondrofoetoe priti èn foe san den ondrofoetoe e sori wan priti dorodoro èn di e kaw njanjan baka a mindri den meti, a den dati joe mag njan. 4 Soso den nen di e kari now joe no mag njan a mindri den meti di e kaw den njan baka nanga den meti di ondrofoetoe priti: a kameel, bikasi a dati e kaw njanjan baka, ma en ondrofoetoe no pritl. A no de krin gi joe. 5 Sosrefi toe a klipdas, bikasi a e kaw njanjan baka ma en ondrofoetoe no priti. A no de krin gi joe. 6 Sosrefi toe na hé bikasi a e kaw njanjan baka, ma en ondrofoetoe no priti. A node-krin gi joe. 7 Sosrefi toe na agoe, bikasi en ondrofoetoe priti èn den e sori wan priti dorodoro ma a no e kaw njanjan baka. A no de krin gi joe. 9 Disi na san joe mag njan foe ala sani di de ini den watra: Ala sani san abi vin nanga boeba na ini den watra, ini den se èn na ini den liba — den dati joe mag njan. 10 Èn ala san de na ini den se nanga ini den liba di no abi vin nanga boeba, ibri meksani foe na watra di na ipi-ipi e boewégi densrefi èn foe ala libi sili di de na ini watra den de wan tegoe sani gi joe. 11 Ija, den sa tron wan tegoe sani gi joe. Foe den meti joe no moesoe njan èn joe moesoe fisti gi den dedeskin foe den. 12 Ala san de ini watra di abi vin nanga boeba moesoe de wan tegoe sani gi joe. 46 Disi na a wet foe den fo-foetoe meti èn den meti di e fré èn ala den libi sani di e bewégi densrefi na ipi-ipi na tapoe grontapoe, 47 foe meki wan difrenti san no de krin nanga san de krin èn a mindri na libi mekisani di sma sa njan nanga na libi mekisani di sma no mag foe njan.”