Abi respeki gi Jehovah, na so na boekoe Numeri e gi wi tranga

JEHOVAH GADO ferdini foe kisi na respeki di e komoto ini na ati foe en anbegiman. Den moe gi en jesi èn wroko makandra loyaal nanga en dinari. O boen, krakti e poti na tapoe disi ini na boekoe Numeri!

Na nen „Numeri” komoto foe na Latijnse Vulgaat èn abi foe doe nanga den toe teri foe na pipel foe den Israëlsma, soleki den skrifi na ini den kapitel 1 te nanga 4 nanga 26. Mozes ben skrifi na ini 1473 bifo G.T. Numeri tapoe den lagipresi foe Moab èn Numeri e go moro foeroe foe wan pisiten foe 38 jari nanga 9 moen, te wi bigin teri en foe sensi 1512 bifi G.T. — Numeri 1:1; Deuteronomium 1:3.

Den tori foe Numeri prati na ini dri pisi: sani di ben psa na a bergi Sinaï (1:1–10:10), bakaten na ini na gran Sabana (10:11–21:35) èn na tapoe den lagipresi foe Moab (22:1–36:13). Ma san den sani disi kan leri wi? Gronprakseri de foe feni na ini Numeri di kan tjari winimarki gi Jehovah Kotoigi na a ten disi?

Den tori foe Numeri e meki respeki kon gi Jehovah Gado

Den Israëlsma ben de so wan jari na a foetoe foe na bergi Sinaï di Jehovah ben gi Mozes komando foe go teri na pipel. Boiti den Levietsma, dan ala mansma foe twenti jari èn moro owroe e skrifi poti èn a nomroe foe den de 603.550. Na ini a presi foe den fosi geborewan Gado e teki den Levietsma gi na dienst na ini na tabernakel. Wet e gi foe a fasi fa den moe tanapoe foe waka gwe, pe Juda a lo di abi moro foeroe sma, moe teki fesi. Tapoe a komando foe Gado dan den Levietsma ben moesoe skrifi den nen poti èn den e kisi santawroko. — Numeri 1:1–4:49.

Baka den gebod foe Jehovah foe poti sma aparti ini wan presi, bepaalde wet ben e kon soleki di foe djaroesoe ini a tori foe ontrow foe wan trow-oema èn foe pramisi foe nazirésma. Moro fara wantoe fini tori e taki foe na dienst na ini na tabernakel. Di na tabernakel ben opo èn na wije di den ben wije na altari dan den granman foe den lo ben tjari ofrandi. Mozes ben meki den meki wan lampoe na a model di Jehovah ben gi en na ini wan visioen. Di den lampoe ben leti èn den levietsma ben wasi kon krin, den ben kan bigin nanga na dienst foe den. — Numeri 5:1–8:26.

A boekoe e loekoe ete wan tron den wet di ben abi foe doe nanga na Pascha. Wan wondroe wolkoe de tapoe na tabernakel e seti na opo èn na broko foe na kampoe. „Tapoe na orde foe Gado” a pipel e opo den kampoe èn e broko den kampoe. Den moe gebroiki toe solfroe trompeti foe kari na kon makandrakon na wan èn gi tra afersi. — Numeri 9:1–10:10.

Na tapoe na di foe twenti dé foe na di foe toe moen na ini a di foe toe jari baka di den ben gwe libi Egypte na wolkoe e komoto tapoe na tabernakel foe na fosi tron èn Israël e opo waka. Sani e psa foe a kragi foe sma na wan onregtvaardikifasi. Wan foe den sani disi de a aksi foe meti, ma te Jehovah e gi kwartels (wan sortoe fowroe) dan foeroe sma nanga gridi e fadon a tapoe den. Mirjam nanga Aäron e kragi tége den brada Mozes, èn leki strafoe Mirjam e kisi gwasi foe wan pisiten. Disi séker moe meki wi sori respeki gi na makti di Gado wi kan gi son sma! — Numeri 10:11–12:16.

Twarfoe man ben seni leki spion go na a pramisi kondre èn baka 40 dé den e drai kon baka nanga switi froktoe. Ma tin spion e meki so wan drukte foe a bigi di den sma bigi èn foe den tranga foto foe den dati den Israëlsma di lasi ati wani drai go baka na Egypte kondre. Foe soso den getrow man, Jozua nanga Kaleb ben gi den dek’ati foe sori fertrow na ini Jehovah. Te na pipel e taki foe ston Mozes, Aäron, Jozua nanga Kaleb, Gado e taki taki a sa naki èn drifi gwe na heri naatsi. Ma Mozes e begi foe na boen foe Israël èn Jehovah e teki na bosroiti taki a pipel moe waka lontoe fotenti jari na ini na gran sabana, te leki ala Israëlsma foe twenti jari èn moro owroe dede. Den wan enkri wan di disi no sa miti den de Jozua, Kaleb nanga na lo foe Levi. Dan den Israëlsma e proeberi foe fadon go ini na Pramisi Kondre, ma den e kisi wan lasi di e meki den lasi ati. — Numeri 13:1–14:45.

Dan difrenti wet e gi di abi foe doe nanga ofrandi, na psa foe a sabbat, na gebroiki foe den franja na den krosi. Bakadati Korach, Dathan, Abiram, On nanga 250 granman e taki fa den e feni fowtoe na Mozes nanga Aäron. San na a bakapisi foe na gro foe mankeri foe respeki. Jehovah e kiri Korach nanga den 250 man nanga faja, aladi den tra oproeroe man e dede te na gron opo ensrefi èn swari den, nanga den osofamiri, nanga den goedoe foe den. A dé a baka kaba den Israëlsma e kroetoe Mozes nanga Aäron èn foe na mankeri disi foe respeki meki 14.700 foe den e dede leki wan bakapisi foe na krawasi foe Jehovah. Foe meki wan kaba kon na a knoroe èn foe sori taki a ben teki Aäron foe na lo foe Levi, meki Gado meki na tiki foe Aäron gi bromki. Tapoe dati wet e kon di abi foe doe nanga den wroko foe den priester nanga Levietsma nanga a krin foe na pipel. — Numeri 15:1–19:22.

Na ini Kades den ben aksi foe watra. Foe di Mozes nanga Aäron no e gl grani na Jehovah leki na sma di e sorgoe tapoe wan wondroe fasi foe a watra, meki den e kisi foe jere taki den no sa go ini na Pramisi Kondre. Baka di den ben hari go na Kades , dan na pipel e kon na Hor, pe Aäron e dede èn en manpikin Eleazar e tron Hépriester. Den Israëlsma e wini now na kownoe foe Arad. Bakaten den e feni fowtoe na tapoe Gado nanga Mozes èn a tron disi Jehovah e seni leki wan strafoe ogrisneki a mindri den. Den sma di meti e beti, kan kon betre wawan te den loekoe na wan koprosneki di Mozes tapoe na komando foe Gado ben meki èn poti na wan paal. Bakadati Israël e wini na Amorit kownoe Sihon nanga Og, na kownoe foe Basan, èn e teki a kondre foe den. — Numeri 20:1–21:35.

Dan wi e kisi foe jere foe tori di e psa na tapoe den lagipresi foe Moab. Na Moabiti kownoe Balak e joeroe Bileam foe floekoe den Israëlsma, ma a presi foe dati, Bileame ségi den dri tron. Nanga jepi foe Bileam den oema di e anbegi Baäl e tjari Israël go so fara foe doe hoeroedoe nanga afkodré. Jehovah e kiri 24.000 foe den sma di psa en wet bifo Pinehas tjari wan kaba kon na a plaag foe di a e kiri wan hoeroeman foe Israël nanga wan Midianiet oema. — Numeri 22:1–25:18; 31:15, 16.

Baka di wan teri foe a pipel hori agen èn wan problema ben kon tapoe na tori foe den erf-reti foe oemapikin, dan Mozes e loekoe na pramisi Kondre èn a e poti Jozua leki a sma di o teki en presi. Wet e gi foe aladé. ala wiki, ala moen nanga ala jari ofrandi èn ooktoe foe na doe foe pramisi. Dan refensi e teki tapoe den Midiansma foe na prati di den ben abi na ini foe meki den Israëlsma sondoe na Gado. — Numeri 26:1–31:54.

Den lo foe Ruben, Gad nanga Manasse e kisi wan famiri goedoe na a oostsé foe na Jordaan, ma nanga na kondisi taki den moe jepi na ini na wini foe na kondre na a westsé foe na liba dati. Dan den e kari den foeroe presi pe Israël ben opo kampoe, foe sensi Egypte te na den lagipresi foe Moab. Den Israëlsma e kisi dan komando ini a teri foe den tan na ini na Pramisi kondre. Wan foe den sani de taki ala sani di abi foe doe nanga falsi fasi foe anbegi moe pori èn den moe poeroe den sma di e libi drape. Den grens foe na kondre e poti, èn den e poti granman foe jepi Jozua nanga Eleazar foe prati na kondre èn 48 foto den Levietsma e kisi. Siksi foto foe lon go kibri na ini den e sori èn order e gi foe na handri foe geval pe no foe espresi wan sma kiri wan trawan ofoe pe wan dede psa. Te foe kaba wet e gi ini a tori foe trow foe oemasma erfgenaam. — Numeri 32:1–35:13.

Te joe e lési Numeri, dan a sa ferwondroe joe foe si fa krakti e poti na a boekoe disi a tapoe na sori foe respeki gi Jehovah èn gi den sma di a ben poti foe tjari frantwortoe na mindri en pipel. Ma kande joe no sa ferstan son punt so boen. Foe dat’ede meki den aksi nanga piki di e kon now kande sa de wan jepi gi joe.

Sani di psa na a bergi Sinaï

• 5:11-31 — San ben psa te joe loekoe en boen nanga wan trow-oema di ben meki a fowtoe foe doe soetadoe?

A watra srefi no ben de troetroe. Ma a ben moe dringi en na fesi foe Jehovah, di ben sabi efoe na oema ben meki a fowtoe foe doe soetadoe. Efoe disi ben sa de so, dan a ben sa meki na bere foe en sweri èn meki en bowtoe kon mangri. A de krin taki na bowtoe e gebroiki dja na so wan fasi foe sori tapoe na sjenpresi. (Teki gersi Genesis 46:26.) „Kon mangri” e sori a tapoe, dati den sjenpresi disi ben sa kon hari, san ben sa meki dati a oema noiti ben kan hori bere. Disi ben sa kroederi nanga a troe tori dati efoe na oema no ben meki fowtoe, a man foe en ben moe meki a de nanga bere.

• 8:25, 26 — Na wet di ben bepaal taki den Levietsma te den ben doro wan bepaalde libimarki den ben moe hari densrefi poeroe foe na dinigroepoe abi te joe loekoe na gronprakseri ooktoe foe doe nanga Jehovah pipel na ini a ten disi?

Den priester ben kisi jepi foe ala mannegre foe den dri bigi Leviet geslagti di ben kon ini aanmerking foe dati. Baka wan pisiten den Levietsma ben kon foeroe, aladi na nomroe foe dienst-okasi na a santa presi ben sa de pikinso. Foe dat’ede Jehovah ben poti no wawan foe hori na libimarki foe wan sma na ini prakseri ma ooktoe foe meki dati a no psa taki toemsi sma ben sa de foe doe den sortoe wroko disi, dati Levietsma di ben de mannengre di ben doro na libimarki foe 50 jari, ben moe kisi pensioen foe na ferplekti dienst, aladi nanga den friwani den ben kan gi jepi ete. Ma nanga disi wan wet no e poti gi den jeje Israëlsma nanga den mati foe den, foe di den no tanapoe na ondro na wet (Romeini 6:14; Efesesma 2:11-16). Efoe grani ben sa meki wan kristen no boen moro foe wan bepaalde frantwortoe, dan wan bepaalde wroko ben sa kan gi na en di a ben sa kan doe wel. A no de wan sani di kan na Jehovah Kotoigi foe go nanga pensioen foe na prékiwroko foe na boen njoensoe foe na Kownoekondre.

Den waka lontoe na ini na gran sabana

• 12:1 — Foe san-ede meki Mirjam nanga Aäron ben e feni fowtoe foe broko Mozes saka foe na Kuschitis oema foe en ede?

Moro ben de ini a tori disi leki den de tége na oema foe Mozes. Na troetroe boewégi foe ati ben de wan angri foe kisi moro makti, spesroetoe foe na sé foe Mirjam. Na oema foe Mozes Zippora ben gwe, ma ben kon baka na en, èn Mirjam ben frede taki a ben sa troesoe poti na wan sé leki na moro prenspari oema ini na kampoe (Exodus 18:1-5). Foe dat’ede meki a ben tjari Aäron go so fara foe kon na en sé ini a feni foe fowtoe tapoe Mozes ini a tori foe na trow foe en nanga wan Kuschitis oema èn foe opo feti Mozes aparti presi na fesi foe Gado. Na foe a réde disi meki Jehovah ben gi Mirjam èn Aäron wán pir’ai, ma taki Mirjam wawan ben kisi gwasi ben sa kan sori a tapoe dati en ben de na sma di ben soetoe faja. Na joisti fasi foe doe foe Aäron ben kon a fesi na ini na erken foe fowtoe èn en taki foe boen foe Mirjam di ben kisi gwasi (Numeri 12:10-13). Foe taki foe Zippora, en ben de na oemapikin foe na Midianiet Rehuël (Genesis 25:1, 2; Numeri 10:29). Na ini Habakuk 3:7 „na kondre Midian” ben de na ini na srefi lin leki Kushan, di sondro degedege ben de wan tra nen gi Midian ofoe ben abi foe doe nanga wan tra kondre. Boiti foe dati a ben de so dati bepaalde Arabis lo den ben kari Kusi ofoe Kuschim. Soboen a gersi dati no wawan den bakapikin foe Cham ben kon via Kusch ma ooktoe son sma foe Midian den ben kari Kuschietsma. Foe dat’ede dati Zippora den ben kari wan Kuschitis oema.

• 21:14, 15 — San ben de „a boekoe foe den feti foe Jehovah”?

Sondro degedege a ben de so dati disi ben de wan betrouwbaar historia skrifi foe den feti foe Jehovah pipel. A ben sa kan bigin nanga a skrifi tapoe papira foe na feti foe Abraham di ben waka boen tége den fo kownoe di ben kisi Lot nanga en osofamiri (Genesis 14:1-6). Na ini na bijbel den e sori tapoe difrenti boekoe di no ben skrifi nanga santa jeje, di ini son geval bijbelskrifiman di ben abi na jeje foe Jehovah Gado ben gebroiki leki a presi pe den ben feni materiaal. — Jozua 4:12, 13; 1 Kownoe 11:41; 14:19, 29.

Na tapoe den lagipresi foe Moab

• 22:20-22 — Foe san-ede meki Jehovah ati ben bron di Bileam ben go nanga den man foe Balak ala di A ben komanderi Bileam no foe go nanga den man disi?

Jehovah ben taigi Bileam taki a no ben kan floekoe den Israëlsma, ma na gridifasi proféti ben waka go nanga na prakseri foe doe disi tog foe ben kisi wan paiman foe na Moabitis kownoe Balak (2 Petrus 2:15, 16; Judas 11). Foe na réde dati meki Gado ati ben kon bron nanga Bileam. Jehovah a no de foe taki no ben feni en boen dati Israël a wans fa no fa ben kisi floekoe. Ma neleki Kaïn na so Bileam nanga tranga ede poti na wani foe Gado na wan sé (Genesis 4:6-8). Baka di Jehovah ben kenki ibri floekoe kon ini wan blesi, na porifasi foe Bileam ben tjari en go so fara foe gi Balak na rai foe gebroiki Moabitis nanga Midianistis oema foe kori den Israëlsma èn foe tjari den go na ini Baäl anbegi (Deuteronomium 23:5; Numeri 31:15, 16; Openbaring 2:14). Disi ben tjari na atibron foe Gado kon na tapoe Israël èn a ben abi leki bakapisi a dede foe 24.000 Israëlsma. Bakaten na gridifasi Bileam ben dede nanga anoe foe den sma di a ben wani floekoe (Numeri 25:1-9; 31:8). Fa disi de wan warskow gi gridifasi!

• 25:10-13 — Fa a pramisi disi di abi foe doe nanga na priesterwroko ben kontroe?

Na hépriesterwroko gersi taki a ben tan na ini na famirilin foe Pinehas te na a ten foe na hépriester Eli wan bakapikin foe Ithamar. Na kenki disi ben kon na krin foe di foe wan pisiten a famiri lin foe Pinehas no ben boen moro. Ma kownoe Salomo ben poti na ini na presi foe na bakapikin foe Ithamar, Abjathar na hépriester Zadok di ben komoto na a famiri foe Pinehas (1 Kownoe 1:1-14; 2:26, 27, 35). Foe so fara na historia skrifitori e sori disi, dan a de krin dati na hépriesterwroko bakadati ben tan jari baka makandra na ini na famirilin foe Pinehas.

• 30:6-8 — Na man foe wan kristen oema kan poeroe na pramisi foe na oema?

Nono, bika den bakaman foe Jezus no de na ondro na wet, Jehovah e handri now ini a tori foe pramisi, tapoe na fundamenti foe aparti sma, èn wan kristen man no abi na makti foe poeroe den ofoe tapoe den. A no de foe taki taki wan kristen trow-oema no sa teki wan pramisi di de kontrari a Wortoe foe Gado ofoe kontrari na bijbel-ferplekti di a abi na fesi foe a man. — Prékiman 5:2-6.

A abi bigi waarde wi

A boekoe Numeri de wan warti sani ini na tori di ben tjari wi go na na opo foe Gado Kownoekondre. A e sori ooktoe na tapoe Jezus Kristus. Den ofrandi di ben meki nanga na gebroiki foe na asisi foe na redi kaw ben sori foe eksempre na fesi na tapoe na moro bigi seti foe krin sani nanga jepi foe Jezus srakti-ofrandi (Numeri 19:2-9; Hebrewsma 9:13, 14). Na tori di ben abi foe doe nanga na kopro sneki e prenki na toemsi bigi seti foe Jehovah foe tégo libi nanga jepi foe En Kristus. — Numeri 21:8, 9; Johannes 3:14, 15.

Na boekoe Numeri e jepi wi foe tan farawe foe na anbegi foe kroektoe gado èn seks hoeroedoe. A e poti wi prakseri na tapoe o kefarlek a de foe knoroe tége Gado, den sma di a ben poti èn en seti. Èn na span tori disi séker moe boewégi oenoe foe sori toemsi bigi respeki gi a lobi Gado foe wi Jehovah.

[Prenki na tapoe bladzijde 11]

Fa na strafoe foe Mirjam moe wroko tapoe na fasi fa wi e loekoe makti di Gado gi na wan sma?