Disi na a pisi foe bijbel di moe lési na a theokratis skoro leki lezing nomroe toe (2) na ini a wiki foe
28 oktober: Deuteronomium 30:8-20
8 Foé a sé foe oenoe, oen sa drai baka èn arki séker na a sten foe Jehovah èn oen sa doe ala en komando, di mi e taigi oen now foe doe. 9 Èn Jehovah, oen Gado, sa meki troetroe, dati oen sa abi moro leki nofo foe ala na wroko foe oen anoe, ini na froktoe foe oen bere èn a froktoe foe oen osometi èn a froktoe foe oen bodem, nanga kolokoe leki bakapisi; bikasi nanga boen Jehovah sa abi bigi prisiri nanga oenoe, joisti soleki fa a ben abi bigi prisiri nanga oen fostentata; 10 bikasi oen sa arki na a sten foe Jehovah, oen Gado, foe ondrow den komando foe en nanga den wet foe en, di tanapoe na ini na wet boekoe disi sodati oen sa drai baka nanga oen heri ati èn oen heri sili go na Jehovah, oen Gado. 11 Bikasi na komando disi, di mi e gi joe now, no moeilek toemsi gi oen, noso no de farawe. 12 A no de ini hemel, sodati oen moesoe taki: ’Soema sa kren go gi oenoe te na hemel èn go teki en gi oenoe, sodati a kan meki oenoe jere en sodati oen kan ori en?’ 13 Ooktoe a no de na a tra sé foe a se, sodati den kan taki: ’Soema sa koti abra gi oenoe na a tra sé foe na se èn go teki en gi oenoe, sodati a kan meki oen jere en sodati oenoe kan doe en. 14 Bikasi a Wortoe de krosbé foe oen, ini oen mofo, èn ini oen ati, sodati oen kan doe en. 15 Loekoe tide mi e poti na oen fesi libi nanga boen, èn dede nanga ogri. 16 Efoe oenoe sa arki den komando foe Jehovah, oen Gado, di mi e komanderi oenoe tide, foe di oen lobi Jehovah, oen Gado, foe waka en pasi èn foe ondrow en komando èn den wet foe en nanga den kroetoe-bosroiti, dan oen sa tan libi séker èn kon moro foeroe, èn Jehovah, oen Gado, moesoe blesi oen na ini na kondre pe oen e go foe kan teki en abra.
17 Ma efoe oen ati drai baka èn oen no arki, èn den kori oen troetroe èn oen go boigi gi tra gado èn dini den, 18 Foe troe, mi taigi oen tide taki oenoe sa pori sondro pardon. Oen no sa meki den dé foe oenoe moro langa tapoe na bodem na abrasé foe na Jordaan di oen e go teki abra. 19 Foe troe, mi e teki hemel nanga grontapoe tége oen leki kotoigi, dati mi ben poti libi nanga dede na oen fesi, blesi èn floekoe; èn oen moesoe teki libi, sodati oen kan tan libi, oen nanga oen bakapikin, 20 foe di oen abi lobi gi Jehovah foe arki en sten èn foe tan ori en; bikasi en na oen libi èn a langa foe den dé foe oenoe, sodati oen kan libi na tapoe na bodem di Jehovah ben pramisi ondro sweri foe gi oen fostentata Abraham, Izaäk èn Jakob.”
11 november: Deuteronomium 32:1-14
1 „Poti jesi, o hemel, èn meki mi taki;
Èn meki na grontapoe jere den wortoe foe mi mofo.
2 Mi leri sa dropoe leki alen,
Mi réde sa dropoe leki na dow,
Leki safri alen na tapoe na grasi
Èn leki foerfoeroe alen tapoe den sani di e gro.
3 Bikasi mi sa meki na nen foe Jehovah bekenti.
Gi biginen na oen Gado!
4 Na Stonbergi, volmaakti ini en wroko
Bikasi ala en pasi de geregtigheid.
Wan Gado foe getrowfasi di kroektoedoe no de na en;
A de regtvaardiki èn opregti.
5 Foe den sé den ben handri takroe;
Den no de en pikin, na fowtoe didon na densrefi.
Wan kron èn frekti geslagti!
6 Oen e tan handri só nanga Jehovah,
O pipel sondro ferstan èn don?
En no de oen Tata, di ben meki oen doe kon,
Èn di meki oen èn di gi oen moro fara stabiliteit?
7 Prakseri den dé foe owroeten.
LOEKOE den jari foe fosten foe geslagti te geslagti;
Aksi oen tata, èn en kan ferteri oen;
Den owroe sma foe oen èn den kan taigi dati na oenoe.
8 Di na Moro héwan ben gi den naatsi wan pisi goedoe,
Di a ben prati den manpikin foe Adam.
Ne a ben poti den grens foe den pipel,
aladi a ben de e ori ini prakseri a nomroe foe den manpikin foe Israël.
9 Bikasi na pisi foe Jehovah de en pipel;
Jakob na a goedoe di a kisi.
10 En now ben feni en na ini wan légi kondre,
Èn ini wan tiri sabana di e kré.
A ben bigin lontoe en èn a ben e sorgoe en,
Ben e kibri en leki na popki foe en ai.
11 Joisti soleki fa wan Aka e wiki en nesi,
E tan swéf tapoesé foe en jongoewan.
E bradi en fré, e teki den,
e tjari den tapoe en fré.
12 A so Jehovah wawan tan tjari en,
èn no wan gado foe dorosé kondre ben de nanga en,
13 A ben e meki a tan rij abra den hé presi foe grontapoe,
Sodati a ben njan a froktoe foe a gron,
Èn a ben tan meki a soigi oni foe wan let’opoe stonbergi,
Èn oli foe wan stonbergi foe fajaston;
14 Botro foe den kaw èn merki foe den pikinmeti
Nanga a fatoe foe manskapoe,
Èn pikin manskapoe, foe a ras foe Basan èn bokoboko
Makandra nanga a nirifatoe foe tarwe;