Disi na a pisi foe bijbel di moe lési na a theokratisskoro leki lezing nomroe toe na ini a wiki foe:
28 januari 1985: Kroetoebakra 11:28-40
28 Èn a kownoe foe den manpikin foe Ammon no ben arki na den wortoe foe Jefta di a ben seni gi en.
29 Now a jeje foe Jehovah ben kon tapoe Jefta, èn a ben hari go psa Gilead nanga Manasse èn baka dati psa Mizpe ini Gilead, èn foe Mizpe ini Gilead a ben e hari go moro fara na den manpikin foe Ammon. 30 Ne Jefta ben doe wan pramisi na Jehovah èn ben taki: „Efoe joe gi den manpikin foe Ammon sondro foe misi na ini mi anoe, 31 dan a moe psa ooktoe so, taki a sma di e kon na dorosé, di e kon miti mi komoto foe den doro foe mi oso, te mi e drai kon baka ini vréde foe den manpikin foe Ammon, dan sa tron foe Jehovah, èn mi moesoe tjari a sma dati leki wan bron-ofrandi.”
32 Jefta dan ben hari go na den manpikin foe Ammon foe feti nanga den, èn Jehovah ben bigin gi den ini en anoe. 33 Èn dan a ben go naki den komoto foe Aroër langalanga te na Minnith — toetenti foto — èn te go miti Abel-Keramim, wan toemsi bigi srakti. Na so den manpikin foe Ammon ben poti go na ondro na fesi foe den manpikin foe Israël.
34 Te foe kaba Jefta ben kon na Mizpa, na en oso, èn loekoe! drape en oemapikin ben e kon waka miti en, nanga na pré foe tamboerijn nanga dansi! A ben de now soso na wan enkri pikin. Boiti en a no ben abi nowan manpikin noso oemapikin. 35 Èn a ben psa now dati so esi leki a ben si en, a ben priti en krosi èn taki: „Ke, mi oemapikin! Joe boigi mi foe troe go na ondro, èn joe tron a sma tapoe soema mi tjari na banfloekoe kon. Èn mi — mi ben opo mi mofo na fesi foe Jehovah, èn mi no man drai baka.”
36 Ma en ben taigi en: „Mi papa, efoe joe ben opo joe mofo na fesi Jehovah, doe dan nanga mi soleki fa ben komoto foe joe mofo, foe di Jehovah ben teki wraak tapoe joe féjanti, den manpikin foe Ammon.” 37 Èn a ben taki moro fara gi en papa: „Meki mi go mi pasi ini disi: Libi mi toe moen langa nanga rostoe, èn meki mi go, èn mi wani saka go na den bergi èn meki mi go kré foe mi jongoewenkefasi na tapoe den bergi.”
39 Now a ben psa na a kaba foe den toe moen, dati a ben go baka na en papa, na baka san a ben meki en pramisi di a meki tapoe en kontroe. Foe na sé foe en, noiti a ben libi nanga wan man, èn a ben kon tron wan gebod ini Israël: 40 Jari foe jari den oemapikin foe Israël ben abi a gwenti foe go prijse fo dé ini a jari na oemapikin foe na Gileadiet Jefta.