Disi na a pisi foe lési leki lezing nomroe 2 tapoe na theokratis diniwrokoskoro
25 november: 1 Kronieken 7:1-12
Den manpikin foe Issaschar now ben de Tola nanga Pua, Jasub nanga Simron, fo. 2 Èn den manpikin foe Tola ben de Uzzi nanga Refaja nanga Jeriël nanga Jahmai nanga Jibsam nanga Samuël, edeman foe na oso foe den fosten tata. Dek’ati tranga man ben de foe Tola, akroederi a roetoe foe den. A nomroe foe den ben de ini den dé foe David twenti-na-toe doesoen siksihondro. 3 Èn den manpikin foe Uzzi ben de: Jizrahja; èn den manpikin foe Jizrahja ben de Michaël nanga Obadja nanga Joël, Jissía, féfi, alamala edeman. 4 Èn na den ben de akroederi a roetoe foe den, na a oso foe den fosten tata foe den, legretroepoe foe na oorlokoe, dritenti-na-siksi doesoen [man], bikasi den ben abi foeroe oema nanga manpikin. 5 Èn den brada foe den foe ala famiri foe Issaschar ben de dek’ati tranga man, aiti tenti-na-sébi doesoen akroederi ala den nen foe den di ben skrifi na ini a geslagti-Register.
6 [Den mnpikin foe] Benjamin ben de Bela nanga Becher nanga Jediaël, dri. 7 Èn den manpikin foe Bela ben de Ezbon nanga Uzzi nanga Uzziël nanga Jerimoth nanga Iri, féfi, edeman foe na oso foe den fosten tata, dek’ati, tranga man; èn na skrifi foe den nen na ini na geslagti-Register ben de twenti-na-toe doesoen dritenti na fo. 8 Èn den manpikin foe Becher ben de Zemira nanga Joas nanga Eliëzer nanga Eljoënai nanga Omri nanga Jeremoth nanga Abía nanga Anathot nanga Alemeth; ala den disi ben de den manpikin foe Becher. 9 Èn na skrifi foe den nen na ini na geslagti-Register ben de kroederi a roetoe foe den, san abi foe doe nanga den edeman foe na oso foe den fosten tata, dek’ati, tranga man twenti doesoen toe hondro. 10 Èn den manpikin foe Jediaël: Bilhan; èn den manpikin foe Bilban Jeüs nanga Benjamin nanga Ehud nanga Kenaäna nanga Zethan nanga Tarsis nanga Ahisahar. 11 Ala den disi ben de den manpikin foe Jediaël, akroederi den edeman foe den fosten tata, dek’ati tranga man, sébitenti doesoen-toehondro, di ben hari go feti ini a legre. 12 Èn na Suppim nanga Huppim ben de den manpikin foe Ir; na Husim ben de den manpikin foe Her.