„Mi wani de wan kristen di no e libi san mi e bribi”

Baka na lési foe wan boekoe nanga na nen „Joe kownoekondre moe kon” èn di na Wachttorengenootscnap ben meki, wan jongoe man ini Zimbabwe ben kon so fara foe skrifi san e kon now:

„Den jari di psa mi ben si dati dja ini Zimbabwe den sma foe joe, Jehovah Kotoigi de den sma di troetroe e proberi foe waka baka na eksempre foe Kristus. Mi de wan memre foe a sébidé-advent kerki, ma a gersi leki a kerki foe mi ini a kondre disi lasi na krakti foe na santa jeje. Wi e libi san wi e bribi èn e teki afoe foe na grontapoe. Wi e bribi netleki joe dati Kristus no ben gebore tapoe 25 december, èn tokoe ete de leriman foe wi e ferteri wi dati wi mag njan Kresneti solanga wi e tan prakseri dati Kristus ben dede foe wi sondoe ete. . . .

Mi foe mi sé e tegoe foe en foe taki mi de wan kristen, aladi mi fasi foe libi de kontrari na eksempre foe Jezus. Mi wani de wan kristen di no e libi san mi e bribi . . . Te nanga now joe de na wan enkri groepoe di tjari en so fara foe overtoigi mi foe a libi foe Gado èn foe na krakti foe na evangelium, èn no nanga soso wortoe di taki ofoe nanga boekoe. Joe e préki na evangelium èn joe e libi akroederi en, aladi boen foeroe sma e préki wel na evangelium, ma no e libi akroederi en.”