Disi na a pisi foe bijbel foe lési lezing nomroe toe tapoe na theokratis diniwrokoskoro

27 januari: 2 Kronieken 34:22-33.

Foe dat’ede meki Hilkia ben go nanga den sma di a kownoe [ben sori] na a oema-proféti Hulda, na oema foe Sallum, a manpikin foe Tikva. a manpikin foe Harhas, a kibriman foe krosi — en now ben e libi na ini Jeruzalem, na ini a di foe toe pisi foe a foto — èn na so den ben taki moro fara nanga en. 23 En foe en sé a ben taigi den: „Disi Jehovah, a Gado foe Israël ben taki: „’Taigi a man di ben seni joe kon na mi: 24 ”Disi Jehovah ben taki: „Loekoe, mi e tjari rampoe kon tapoe a presi disi nanga den sma di e libi na en ini, ala den floekoe di ben skrifi na ini a boekoe di den ben lési gi na kownoe foe Juda, 25 foe di den ben libi mi èn go tjari ofrandismoko gi tra gado, foe afrontoe mi nanga ala den wroko foe den anoe èn sodati mi atibron kan kanti tapoe a presi disi èn no kowroe.” 26 Èn gi na kownoe foe Juda, di e seni joe foe kon aksi rai na Jehovah: disi joe moe taigi en: „Disi Jehovah, a Gado foe Israël ben taki: ’Foe taki foe den wortoe di joe jere, 27 foe di joe ati ben kon safoe sodati joe ben saka joesrefi foe Gado ede tapoe a jere foe den wortoe di e go foe a presi disi èn den sma di e libi na en ini èn joe ben saka joesrefi na mi fesi èn joe priti joe krosi èn ben kré na mi fesi, meki mi, ija mi, ben jere, na so Jehovah taki. 28 Loekoe, mi e tjari joe kon makandra nanga joe fosten tata, èn séker ini vréde joe sa kon makandra na joe berpe, èn joe ai no sa si ala den rampoe di mi sa tjari kon tapoe a presi disi nanga den sma di e libi na ini.’”’”

Ne den ben tjari na piki gl na kownoe. 29 A kownoe now ben meki ala owroeman foe Juda èn foe Jeruzalem kon na wan. 30 Moro fara a kownoe ben opo go na na oso foe Jehovah nanga ala den man foe Juda nanga den sma di e libi na Jeruzalem èn den priester nanga den leviet èn a heri pipel, bigi nanga pikin; èn dan a ben lési sodati ibriwan foe den ben kan jere ala den wortoe foe a boekoe foe a ferbontoe, di ben feni na ini na oso foe Jehovah. 31 Èn a kownoe ben tan tanapoe tapoe en presi èn ne a ben sroto a ferbontoe na fesi foe Jehovah foe waka now a baka Jehovah èn foe hori en gebod èn en kotoigi èn en order nanga en heri ati èn nanga en heri sili, èn foe doe den wortoe foe a ferbontoe di tanapoe ini a boekoe disi. 32 Na tapoe foe dati, a ben meki ala sma di ben de ini Jeruzalem nanga Benjamin ben teki den bosroiti [foe ori a ferbontoe disi]. Èn den sm di e libi ini Jeruzalem ben handri moro fara ini akroederi nanga a ferbontoe foe Gado, a Gado foe den fosten tata. 33 Baka dati Josia ben poeroe ala tegoe sani foe ala kontren foe a kondre di ben de foe den manpikin foe Israël, èn a ben meki ala den di ben de ini Israël doe wroko, foe dini Jehovah, den Gado. Ini ala den dé foe en den no ben libi Jehovah, a Gado foe den fosten tata foe waka na en baka.