Pe Jehovah Kotoigi e feni a moni foe doe a wroko foe den?

Foeroe sma e aksi a sani disi. Den e ferwondroe dati Jehovah Kotoigi di e kon a den doro, no e kon foe aksi moni. Tra sma ooktoe e ferwondroe te foe na fositron den kon na wan bigi komakandra foe kotoigi ofoe e fisiti wan kownoekondre zaal èn e si dati noiti den e waka piki moni. Pe Jehovah Kotoigi e feni a moni foe doe a kotoigiwroko foe den? Na piki de: Nanga jepi foe friwani bijdrage foe den sma di wani gi Jehovah grani nanga den warti sani foe den. Djaso wantoe fasi de fa disi kan psa.

PRESENTI: Presenti na ini moni kan seni go langalanga na a Watchtower Bible & Tract So. of Pennsylvania, 25 Columbia Heights, Brooklyn, New York 11201 (Amerkankondre), ofoe ini tra kondre na a bijkantoro foe a Genootschap ini a presi dati. Den bijdrage disi moe go makandra nanga wan sjatoe bribi pe a tanapoe taki a de wan presenti. Ooktoe goedoe wan tra ma kan gi.

A GI FOE WAN GOEDOE NANGA WAN KONDISI: Moni, aandeel, obligatie, nanga goedoe kan gi na a Genootschap nanga na kondisi dati efoe a sma abi en fanowdoe a kan drai kon baka na en. Na seti disi e djaranti dati a sma di gi a sani efoe a kon foe dede wantewante, dan a Genootschap abi a goedoe kaba efoe na mogelekheid de dati en pikin bakaten te a kon dede nanga jepi foe wan kroetoebangi wani feti na joisti fasi foe na gi foe a goedoe disi.

VERZEKERING: Na Wachttoren Genootschap nen kan kari na ini den papira foe wan verzekering leki a sma di kan kisi a moni foe a verzekering èn a Genootschap moe sabi a sani dati. Ooktoe na hori foe moni di wan sma abi na bank kan gi abra na a Genootschap.

TESTAMENT: Goedoe ofoe moni kan skrifi tapoe a nen foe na Wachttorengenootschap nanga jepi foe wan testamenti di abi krakti na lanti. Wan afschrift foe wan testamenti disi moesoe seni go na a Genootschap. Efi i wani sabi moro, skrifi go na a bijkantoro.