Meki pikin na wan frantwortufasi ini a ten disi fu na kaba
„Teki fesi tapu pikin tapu wan tumsi moi fasi.” — 1 TIMÓTHEUS 3:12.
1. San de gi a moro bigi pisi fu den uma wan natuurlijk lostu, èn fa disi de fu si kaba ini den yongu yari?
NA prisiri fu de wan papa nanga mama de wan sani di no kan poti na wan sei. Na firi fu de wan mama e kon fu sensi a gebore, aladi a de moro tranga ooktu na son uma leki na trawan. Ini furu westerse kondre pikin boi abi moro belangstelling fu prei nanga preisani di de machien sani, aladi pikin meisje ini algemeen lobi moro popki di den fabriek di e meki preisani e pruberi fu meki so tru tru leki a kan. Furu meisje e libi gewoon fu a dei dati den no sa kan prei nanga wan popki, ma sa prei nanga den eigi libi baby di waran èn di o bar’krei.
Prisiri nanga frantwortu
2. Fa papa nanga mama mu si wan baby di gebore pas, èn tapu san den musu de srekasreka?
2 Meki pikin na wan frantwortu fasi e aksi fu papa nanga mama dati den no si wan baby di gebore pas soso leki wan pisi prei-sani, ma leki wan mekisani di den mu gi frantwortu na a Mekiman fu a libi èn tamara fu en. Efi papa nanga mama e meki wan pikin dan den mu de srekasreka fu teki wan hebi frantwortu a den tapu èn akruderi nanga dati fu tyari kenki kon na ini den libi. Den e bigin na wan programma fu twenti yari fu gi nyanyan, krosi, sorgu fu sikiwan èn kweki, nanga wan bakapisi di den no kan taki a fesi.
3. Fu san-ede Odo 23:24, 25 kan tyari kon tapu kristen papa nanga mama?
3 Koloku dati bun furu kristen papa nanga mama meki pikin di de getrow dienstknegti fu Yehovah di gi densrefi abra na Gado. Sonwan ben ondrofeni dati den pikin fu den di ben gro kon ben go ini na furutendienst èn ben tron pionier, zendeling ofu memre fu na Bethelfamiri. Fu den sortu papa nanga mama disi nanga leti yu kan taki: „Na papa fu wan regtvaardikiwan sondro mankeri sa breiti; a sma di tron papa fu wan koniwan, sa prisiri ooktu fu en. Yu papa èn yu mama sa prisiri èn en di ben meki yu sa breiti.” — Odo 23:24, 25.
Pen na ati gi papa nanga mama
4, 5. (a) San na wan bijbel vereiste gi owruman nanga dinari ini na diniwroko di abi pikin? (b) Fa son pikin ben wani taki „rampu” gi den papa fu den?
4 Ma disi no de alaten a geval, srefi gi owruman nanga pikin. Na apostel Paulus ben skrifi: „Na opziener mu de fu dat’ede sondro fowtu, na man fu wán uma . . . wan sma di tapu wan tumsi moi fasi abi na tiri tapu en eigi osofamiri, di abi pikin nanga ala seryusu fasi na en ondro (bika, efu wan sma no sabi tiri en eigi osofamiri, fa a sa man sorgu dan gi na gemeente?).” Paulus e taki a tapu fu disi: „Dinari ini a diniwroko mu de man fu wán uma èn tapu wan tumsi moi fasi e teki fesi tapu pikin nanga den eigi osofamiri.” — 1 Timotéus 3:2-5, 12.
5 A no de fu taki dati kristen owruman nanga dinari ini a diniwroko no kan tyari na frantwortu fu na fasi fu den pikin fu den di de meerderjarig te den disi e weigri fu dini Yehovah moro langa ete. Ma den de wel frantwortu fu den minderjarig pikin fu den èn fu owru pikin di de ete e libi ondro a dak fu den. Owruman nanga dinari na ini a diniwroko lasi diri dienstgrani fudi den kon de nanga mi-no-ke-fasi ofu den misi na wan seryusu fasi fu doro na bijbel vereiste „tapu wan tumsi moi fasi fu teki fesi tapu den pikin èn den eigi osofamiri”. Ini den geval disi, èn furu trawan moro ete dan pikin ben tyari moro sari leki prisiri kon. Fa na odo ben sori taki a tru furutron: „Wan manpikin sondro frustan wani taki rampu gi en papa”! — Odo 19:13.
Frantwortu leki wan papa
6. Sortu aksi kristen trowmasra mu aksi densrefi?
6 Ala kristen trow masra efu den de now nanga frantwortu ina a gemeente ofu no musu luku ooktu sortu krakti na sorgu fu yongu pikin abi tapu na yeyefasi fu na uma fu den. Efu wan trow wefi no de tranga na yeyefasi, sortu krakti wan baby, ofu wan lo baby sa abi dan tapu en persoonlek studi èn en mogelekheid fu teki prati na a preikiwroko?
7. San psa nanga son kristen trow-wefi, èn san de nofotron na oorzaak fu sowan situwasi?
7 Trowmasra e frustan alaten dati den uma fu den nanga na sorgu fu wan baby ofu wan yongu pikin furutron e skotu fu nyan bun doro doro fu wan gemeente bukustudi, den komakandra ini na Kownukondrezaal èn kring nanga districtskomakandra? Sowan situwasi kan tan mun èn srefi yari te baby e waka es’esi baka makandra kon. Soleki fa sani seti dan na hebi ini na tori disi e kon rostu moro furu tapu na mama na presi fu tapu na papa. Sma ben si sontron dati aladi son kristen man ini yeye fasi e go na fesi srefi ini a marki dati den e kisi grani ini a gemeente, den uma fu den e kon de swaki na yeye fasi. Fa dati e du kon? Fudi fu den yongu pikin fu en ede a de furutron moro muilek gi en fu poti ala en prakseri a den komakandra, fu studeri a bijbel finifu ofu na wan moro bigi pisi teki prati na a preikiwroko. Wi kan taki dati a de fu wan papa de wan frantwortu sani efu a e tyari den sortu situwasi disi kon?
8. Fa furu papa e teki prati ini a tyari fu na hebi di na sorgu fu pikin e tyari kon nanga en, nanga sortu winimarki gi na uma fu den?
8 Koloku dati disi no de alaten so. Furu kristen papa e du ala den muiti fu yepi tyari den lai, di na sorgu fu pikin e tyari nanga en. Den e luku net so bun a tapu dati den pikin fu den e tan rustig ini a ten fu gomeente komakandra. Efu a baby fu den e bigin krei ofu a pikin fu den e bari krei, dan fu den sei den e go ooktu na dorosei fu gi a pikin tranga leri di fiti. Fu san-ede na mama mu de alaten a sma di e misi wan pisi fu na komakandra? Trowmasra di e e hori den uma na prakseri, e yepi den na oso nanga pikin wroko èn fu den pikin go na bedi sodati man nanga uma baka dati ini ala rostu kan poti den prakseri tapu yeye afersi.
9. San e bewijsi dati pikin no de alaten wan muilekheid?
9 Te ini wan gemeente yoisti sani seti fu disi dan yongu mama san abi wan baby kan abi wan prati na a yepi-pionierdienst. Sonwan fu den de srefi gewone pionier. Pikinnengre sobun no afu de alaten wan muilekheid. Furu kristen mama nanga papa e sori wan tumsi moi pionier yeye.
Sondro pikin ma koloku
10. San son trowpaar ben teki leki bosroiti, èn fa den kisi blesi?
10 Son yongu trowpaar ben teki a bosroiti fu de sondro pikin. Aladi den trow wefi ben abi densrefi tranga firi fu wan mama leki tra uma toku nanga takmakandra nanga den masra fu den den teki bosroiti fu no abi pikin fu kan dini Yehovah ala den ten fu den. Furu fu den ben dini leki pionier ofu zendeling. Now nanga tangi fu ati den kan luku go baka tapu den yari di psa. A de tru dati den no meki pikin na skinfasi. Ma wel den meki nyun disipel di e tan dini Yehovah getrow. Den ’trutru pikin disi ini bribi’ no sa frigiti noiti suma ben yepi den fu tyari „a wortu fu na waarheid” kon na den. — 1 Timotéus 1:2; Efese 1:13; teki gersi nanga 1 Korinte 4:14, 17; 1 Yohannes 2:1.
11. (a) Pe furu trowpaar di de sondro pikin e dini Yehovah èn fu san-ede den no abi speiti fu na bosroiti fu den? (b) Sortu tekst kan tyari kon tapu ala trowpaar di tan sondro pikin „fu na bun fu na kownukondre”?
11 Furu trowpaar ini na heri grontapu di ben teki bosroiti fu no abi den prisiri fu a de fu wan papa ofu mama, ben kan ini Yehovah ini na kringwroko, districtswroko ofo na Bethel. Ooktu den disi nanga satisfaksi e luku go baka na den di den ben gebroiki fu dini Yehovah nanga den brada nanga sisa fu den ini na spesrutu bigi dienstwroko disi. Den no e sari fu a bosroiti fu den. Aladi den no ben abi na prisiri fu meki pikin dan tog tapu difrenti kontren fu activiteit fu den den ben abi wan tumsi prenspari prati fu meki den Kownukondrebelang go na fesi. Tapu ala den trowpaar disi di „fu na bun fu na Kownukondre” ben tan sondro fu abi pikin seiker na tekst de pe e taki: „Gado no de onregtvaardiki sodati a sa frigiti na wroko fu yu èn a lobi di yu ben sori gi en nen di yu ben dini den santawan èn e tan dini den.” — Mattéus 19:12; Hebrewsma 6:10.
Wan persoonlek afersi
12. (a) Fu san-ede na meki fu pikin de wan grani di de aparti? (b) Ini sortu pisiten na meki fu pikin ben de wan wroko di Gado ben gi?
12 Soleki un ben si na a bigin fu na takmakandra disi dan a meki fu pikin de wan presenti fu Gado (Psalm 127:3). A de wan grani di de aparti di Yehovah yeye mekisani no abi (Mattéus 22:30). Ten ben de di na meki fu pikin ben de wan pisi fu a wroko di Yehovah ben gi en dienstknegti na grontapu. Disi ben de so nanga Adam èn Eva (Genesis 1:28). A ben de so ooktu nanga den wan di ben psa a Frudu libilibi (Genesis 9:1). Yehovah ben wani dati den manpikin fu Israël ben sa kon furu nanga na meki fu pikin. — Genesis 46:1-3; Exodus 1:7, 20; Deuteronomium 1:10.
13, 14. (a) San wi kan taki ini a ten disi fu na meki fu pikin, èn sortu fowtu di e feni no ben sa de yoisti? (b) Sortu rai e gi, aladi na meki ofu no meki fu pikin ini a ten disi fu na kaba de wan persoonlek afersi?
13 Ini a ten disi na meki fu pikin no de wan spesrutu pisi fu na wroko di Yehovah gi en pipel toku a de te now ete wan grani di a e gi na trowpaar efu den wani disi. Kristen trowpaar fu dat’ede sma no mu feni fowtu a den tapu efu den teki a bosroiti fu abi wan osofamiri; ooktu fowtu no mag feni a tapu trowpaar di teki a bosroiti fu tan de sondro pikin.
14 Na abi fu pikin ofu no na ini a ten disi fu na kaba de fu dat’ede wan persoonlek afersi na ini san ibri trowpaar mu teki densrefi wan bosroiti. Ma fu di ’na ten di tan abra de syatu’, meki trowpaar e du bun fu wegi go wegi kon na ini begi den winimarki èn den lasimarki fu na meki fu pikin na ini a ten disi (1 Korinte 7:29). Den sma di trutru wani pikin, musu frustan dorodoro dati na meki fu pikin no wawan e tyari prisiri kon nanga en ma ooktu e go nanga frantwortu èn dati problema kan kon gi den èn gi den pikin di den e meki.
Wan bere di plan no ben meki fu en
15, 16. (a) Sortu fasi fu si sani wi mu poti fara fu wi te wan onfruwakti bere kon èn fu san-ede? (b) Fa wi musu si ibri wan pikin, èn sortu frantwortu disi e tyari kon nanga en?
15 Son sma e taki kande: ’A bun, ma efu a kon fu sowan pikin no ben de kwetkweti wan sani di yu ben meki plan fu en?’ Disi psa nanga furu trowpaar di ben de sabisabi dati a ten disi a no wan bun ten fu meki pikin. Sonwan fu den ben de yari kaba na ini a furuten dienst. Fa den musu si na kon fu sowan nyunwan di den no ben fruwakti?
16 Dyaso a de fu wan papa nanga mama na wan frantwortu fasi e kon na fesi. A de tru dati wan uma kan hori bere sondro fu fruwakti, ma na pikin di de fu kon kristen papa nanga mama no mag si leki wan sani di den no ben wani. Sortu kenki a kon fu en ooktu mag tyari kon ini den libi, seiker den no mag firi ogri-ati. Te yu luku en bun dan a ben de dati den ben de frantwortu dati a uma ben hori bere. Now di a pikin de, dan den mu teki na situwasi di kenki ini na frustan dati ala sma tapu wan ofu tra fasi e kisi fu du nanga „ten nanga sani di o psa di yu no e si na fesi” (Preikiman 9:11). Efu den wani disi now ofu no den ben teki prati na wan du fu meki pikin kon fu san Yehovah Gado de a Mekiman. Den musu teki a pikin fu den leki wan santa panti èn tapu lobifasi den mu teki na frantwortu fu den leki „papa nanga mama ini wanfasi nanga Masra”. — Efese 6:1.
Du ala sani ini na nen fu Masra
17. Sortu rai Paulus ben gi na den Kolossesma, èn fa wi kan waka now na baka a rai disi?
17 Let’bifo na apostel Paulus ben gi rai fu osofamiri afersi, a ben skrifi: „San yu e du ooktu ini wortu ofu ini wroko, du ala sani ini nen fu Masra Yesus aladi yu e gi Gado na Tata, tangi nanga yepi fu en” (Kolosse 3:17-21). Ini sortu toestand wan kristen mag kon de ooktu, a mu de grantangi na Yehovah èn gebroiki en situwasi fu du ’ala sani na ini nen fu Masra’.
18, 19. (a) Fa kristen di no trow èn trowpaar di de sondro pikin ’kan du ala sani ini a nen fu Masra’? (b) Fa kristen papa nanga mama musu si den pikin fu den, èn sortu marki den mu poti a den fesi?
18 Wan kristen di ben teki fu libi sondro fu trow, no sa gebroiki en fri fu na bun fu ensrefi, ma nanga ala san de na ini en fu „wroko leki gi Yehovah” efu a kan ini wan ofu tra vorm fu furuten dienst (Kolosse 3:23; 1 Korinte 7:32). Tapu wan srefi fasi wan trowpaar di teki a bosroiti fu tan sondro pikin, no sa ’meki gebroiki dorodoro fu na grontapu’ ma gi na Kownukondredienst na moro bigi presi di de ini den libi. — 1 Korinte 7:29-31.
19 Èn den kristen di abi pikin, mu teki na de di den de papa nanga mama tapu wan rantwortu fasi. Fara fu luku en dati den pikin fu den de leki wan skotu gi den ini a dini fu Gado, den mu si den leki wan spesrutu wroko. San na wroko disi e tyari kon nanga en? Efu wan kristen gi ensrefi abra na Gado e miti wan sma di a sori belangstelling gi a waarheid, dan a sa bigin wan geregelde osobijbelstudi nanga so wan sma. Te a Kotoigi bigin a studi disi, dan a sa hori ensrefi getrow na dati netleki wan plekti èn wiki baka wiki kon baka fu yepi na sma di abi belangstelling na yeyefasi. Ini a geval fu den pikin fu den pikin fu wan kristen seiker no moro mendri sorgu mu sori. Wan geregelde bijbelstudi di yu e denki dipi fu en, èn di yu e bigin nanga en tapu sowan biten libiyari leki a kan èn di e hori a tapu wan geregelde basis, de fanowdu fu yepi a pikin gro na yeyefasi èn fu leri fu lobi en Mekiman (2 Timotèus 3:14, 15). Boiti fu dati papa nanga mama sa mu luku a tapu dati den gi na oso net so wan bun eksempre fu kristen waka nanga libi leki ini a Kownukondrezaal. Èn pe a de mogelek den sa teki a frantwortu na den tapu fu lei den pikin fu den op ini na velddienst. Na so den papa nanga mama, boiti dati den sa preiki gi tra bigisma, nanga na yepi fu Yehovah sa feti a baka fu ’meki disipel’ fu den eigi pikin. — Mattéus 28:19.
Pikin na ini a ten fu na „bigi benawtu”
20. (a) San didon na fesi wi èn fu sortu muilekheid Yesus ben warskow? (b) Fa den wortu fu Yesus abi fu du nanga na kwekifu pikin ini a ten fu a kaba?
20 Na un fesi na bigi benawtu didon, wan „benawtu . . . soleki sensi a bigin fu grontapu te leki now no ben kon, nono, èn ooktu no sa kon moro” (Mattéus 24:21). A sa de gi bigisma èn pikinnengre wan muilek ten. Ini en profeititori fu na bosroiti fu na disi ten seti fu sani Yesus ben taki a fesi dati na kristen waarheid ben sa tyari prati kon ini osofamiri. A ben taki: „Moro fara na wan brada sa gi a trawan abra fu den kiri, èn wan papa wan pikin èn wan pikin sa opo tanapu teige en papa nanga mama èn meki den kiri den” (Markus 13:12). A kweki fu pikin ini a ten disi fu na kaba te yu luku en bun no ben kan de alaten soso prisiri. A ben sa tyari hebi sari, mandi èn srefi kefar nanga en, soleki Yesus wortu dya na tapsei e sori.
21. (a) Fu san-ede papa nanga mama no afu de tumsi ongorostu, sondro fu den lasi na luku fu den fa sani de trutru ini a tori fu san di e kon? (b) Tapu san den kan howpu, gi densrefi èn gi den pikin fu den?
21 Na aladi wi mu si den muilekheid di e wakti wi tapu wan fasi leki a den de, toku den sna di abi yongu pikin no mu meki densrefi ongerostu fu a ten di e kon. Efu densrefi tan fertrow èn efu ala den muiti fu kweki den pikin ’ini a tranga leri èn seryusu fermane fu Yehovah’, den den kan abi na fertrow dati den pikin fu den di e gi yesi sa kisi bunati (Efese 6:4; teki gersi nanga 1 Korinte 7:14). pisi fu na „bigi ipi” dan den nanga den yongu pikin fu den mag howpu fu psa „na bigi benawtu” libilibi. Efu den sortu pikin disi ben gro kon tron getrow dienstknegti fu Yehovah, dan den sa de den fu tego tangi dati den ben abi papa nanga mama nanga a frustan fu den frantwortu fu den. — Openbaring 7:9, 14.
Aksi fu luku san un ben leri
◻ Sortu plan fu furu yari na gebortu fu wan pikin e tyari kon nanga en?
◻ Fu san-ede son owruman nanga dinari na ini a diniwroko ben lasi den grani fu den?
◻ Sortu factor wan kristen trowmasra mu teki na prakseri ini a tori fu bere fu en uma?
◻ San e bewijsi dati wan kristen trowpaar toku kan de koloku aladi den de sondro pikin?
◻ Fa papa nanga mama musu si na gebortu fu wan pikin, èn fu san-ede den no afu de tumsi ongerostu fu a ten di e kon?
[Prenki na tapu bladzijde 7]
Papa kan teki prati ini na frantwortu fu hori den pikin rustig na a ten fu den komakandra