Tafereel fu na Pramisi Kondre
Yerusalem — Centrum fu sani di psa na ini beybri
ALA DI moro furu nâsi abi wan mamafoto, wan prenspari foto pe na tiri de dan beybri ondrosukuman e si kande Yerusalem leki wan mamafoto ini na heri libisma famiri. Disi e kon fu di den sani di psa drape di warti fu wi memre de prenspari gi wi alamala.
Dya na tapsey yu kan si sortu luku yu ben sa kisi efu yu ben sa tanapu na zuid-sey fu Yerusalem tapu wan moro hey punt.a Tu lagipresi e kon makandra ongeveer tapu a presi fu na dungru pisi presi pe wan grupu bon de fu si. Na Kidronlagipresi e waka fu leti-anu sey go na ondro; na a westsey ofu kruktu anusey na lagipresi fu Hinnom didon, di a beybri nen Gehenna kon fu en (Mattéus 10:28; 23:33). A mindri dati (a de fu si pe a son e skijn na fesi den disiten skotu) na presi pe na owru foto fu David ben bow. Baka den skotu tu karakteristik moslim oso de tapu wan historiya presi. Moro krosbey na a skotu wan sma e si na koepel fu wan moslimkerki èn baka dati na moro bigi gowtu koepel de fu si fu na bowwroko di sma sabi leki na Koepel fu na ston bergi.
Ma fu san-ede Yerusalem, èn spesrutu na kontren di meki gelijk èn pe now den tu koepelmoskey de, ben sa de prenspari gi yu? We na prenki e meki yu denki na sortu beybritori fu wan manskapu di ben fasi na ini wan bontaki? Kande na di fu Abraham. Iya, a ben de Abraham, di nanga en manpikin Isaäk ben de a pasi e go na a bergi Moriya, a de krin taki a de na hey stonpresi pe wi e si den tu koepel ofu krosbey fu drape. Na ini bribi Abraham ben de klari fu ofer en lobi manpikin, na wan engel ben hori en anu. Ne Abraham ben si „wan manskapu di nanga en tutu ben fasi na ini na busibusi” èn a ben òfer disi na ini a presi fu en manpikin. Te yu e si Yerusalem, dan na drama sani disi di psa sa kon kande ini yu prakseri. — Genesis 22:1-13.
Di Salomo bakaten tapu wan kontren di ben meki gelijk, ongeveer pe now ete den koepel-oso tanapu, ben bow wan moi tempel gi Yehovah, dan tra srakti-ofrandi ben teki wan prenspari presi (2 Kronieken 3:1). Pruberi fu tyari kon na yu fesi taki Israëlsma fu ala pisi fu a kondre nanga den meti srakti-ofrandi fu den ben kon dyaso fu na hori fu den ala yari fesa. Na moro moywan fu dati ben de na verzoendey. Tapu na dey dati den ben teki wan bokoboko di den ben seni go na ini a sabana ’gi Azazel’, kande via na lagipresi fu Kidron èn dan na ini zuid-oost sey go na a sabana fu Yudeya. Wan tra Bokoboko èn wan kaw den ben srakti èn na brudu fu den ben gebroyki na tapu na òfer altari fu du verzoening gi den pristri èn gi na pipri. Pikinso fu na brudu srefi ben tyari go baka na garden na ini a moro santa pisi fu na tempel. Nanga ala disi ini prakseri yu kan luku sobun na prenki fu na foto. — Leviticus 16:1-34.
Ala den ofrandi disi na ini Yerusalem e sori na fesi go na a volmaakti ofrandi fu Yeyses Krestes. Ma a yuru ten fu na kriboy neti di a ben de na grontapu, èn dati ben de na a ten di a ben de furu mun, Yeyses nanga en apostel ben de makandra fu nyan na kriboy Pascha di ben abi krakti. Disi ben psa na tapu wan so di leki fa sma prakseri ben de ini a moro hey pisi fu na foto na kruktu anusey (westsey) fu na tempel kontren. Baka di Yeyses ben poti na Avondmaal fu Masra, dan a ben teki den apostel go na a Olijfbergi, di de Oostsey (leti-anusey fu na tempel), abrasey fu na lagipresi fu Kidron. — Lukas 22:14-39.
Luku leki wan yepi fu meki yu si disi a yu fesi pikinso na fowtow di stanpu dya na ondro, di den meki fu wan presi ini Yerusalem kande ongeveer komoto fu na presi pe Yeyses ben nyan na Avondmaal fu Masra, Oostsey. Komoto fu dya wi e si kruktu anu sey go na ondro sey na koepel fu na moskey, tapu na Tempelbergi. Moro fara Oostsey na lagipresi fu Kidron didon (a didon tumsi lagi fu kan si en) èn drape na baka den bon fu na dyari fu Getseymaney de fu si. Moro hey na reti anu sey na Olijfbergi didon.
Na munkenki kande ooktu ongeveer furu tapu 22 maart 1989, efu den gemeente fu Yehovah Kotoygi ala pe na grontapu (baka te son dongo) sa komakandra gi na Avondmaal fu Masra, memre na ofrandi dede fa Yeyses.b Teki na bosroyti fu de drape. Tapu a dey dati kande yu sa wani prakseri ooktu fu wantu fu den fosten sani di ben psa èn di ben psa na ini ofu lontu Yerusalem di Yeyses ben kanti en sili trowe na ini dede. Na so fasi Yeyses ben meki Yehovah geregtigheid kon a krin èn a ben bai na bribi libisma famiri kon fri fu na sondu èn na dede. — 1 Korintesma 11:23-26; Hebrewsma 9:11-28.
[Futuwortu]
a Na kalender fu Yehovah Kotoygi fu 1980 abi na prenki disi moro bigi èn na ini kloru
b Luku blz. 25 fu a Wachttoren disi.
[Sma di abi a reti fu a prenki na tapu bladzijde 26]
Pictorial Archive (Near Eastern History) Est.
Pictorial Archive (Near Eastern History) Est.