Relisi nanga nascisme

„Hitler . . . ben abi wan katolik leki wan vice-kanselier, èn fu sensi na fosi dey fu na tiri Franz von Papen ben tron a sma di ben musu wiki den katoliki partèy fu hori baka gi a nyun Reich. Ini ibri pisi fu na Reich sma ben kan yere Von Papen e gi tranga na den kotrow-wan fu gi yesi nomo na Adolf Hitler.”

„Ini na bigin fu 1933 na grupu fu katolik handri nanga denki na ini Doysrikondre, na ini na ten dati ondro na tiri fu [Franz] von Papen, ben meki san e kon now bekènti: ’Wi Doysri katolik, sa tanapu nanga wi heri sili nanga wi heri overtoygi na baka Adolf Hitler nanga en tiri. Wi e fruwondru gi en lobi gi na kondre fu wi tta, gi en krakti èn en koni fu tiri kondre. . .. Na Doysri katolik bribi . . . musu teki prati faya faya na a bow fu na di fu Dri Reich.’”

Franz von Papen ben prey wan prenspari ròl ini na kon fu wan frubontu a mindri na nazi-tiri, di a ben dini na ini Doysrikondre, nanga na Vaticaan na ini Rome. Den ben skrifi den nen na ondro na frubontu tapu 20 yuli 1933. Wan spesrutu papira ben fruteri taki: „Kardinaal nanga Staatssekretarsi Pacelli [na sma di ben tron bakaten pawsu Pius XII] ben gi tide vice-kanselier Von Papen na Bigikroysi fu na Piusorde. . . Na vice-kanselier Von Papen ben pristeri na kardinaal-staatssekretarsi wan presenti fu na Tiri fu na kondre wan Miariyapopki fu weti Meissner posren. . . Ala presenti ben abi den wortu na tapu fu: ’Wan memento fu na Kondre frubontu 1933.’” — Ala wortu teki puru fu Franz von Papen — His life and Times, fu na anu fu H.W. Blood-Ryan.