Fu san-ede someni ogridu de?
„MORO furu fu den ogri e du na gudu di sma abi”, na so wan brochure fu na lanti fu Ingrisi kondre e taki. Toku den e kari den ogridu di e du na sma na ini na kondre „na moro esi vorm fu ogridu”, aladi den de soso 5 procent fu ala ogri.
Na situwâsi disi de wan spigri fu na ogridu di e kon dey fu dey moro furu na a heri grontapu. Ala pe na grontapu nyunsu e kon na ini koranti alaten baka fu kaping, hori gon gi sma èn fufuru den, go ddon na wan uma nanga tranga èn tra ogridu di e du nanga tranga, èn den nyunsu disi e hari na prakseri fu sma moro furu leki tori fu ogridu pe tranga no kobroyki. A de fu dati-ede krin taki yu èn yu gudu kan de a marki fu ogridu. Ma fu san-ede? San e tyari sma go so fara fu tron ogriduman?
Furu ogriduman de sma di e kobroyki okasi di e opo gi den. Fu dati-ede meki tiriman e pruberi fu stòp na gro fu ogridu fu di den e gi sma tranga fu sabi san e psa na ini na birti fu den. Den sortu koni dati fu feti sani kan kobroyki dan ini wan muyti fu tapu ogridu, ma den e tapu sma fu tron ogriduman? Nôno
Na persoonlijkheid di wan sma abi fu du ogri na wan tori di sma e stuka furu. A de wan moy sani fu si taki Gado Wortu, na beybri, e tyari na prakseri fu wan ogriduman kon na doro fu di a e warskow yonguman gi den sma di na wan kori fasi e taki: „Kon nanga wi, wi wani si brudu, wi e go kiri wan sma. Nôno, a no du noti kweti kweti. Kon man: A no sa grati psa wi anu, wi e seni en go na dedekondre! Noti wi e libi abra fu en, wi e yepi en go na grebi! Fa wi o feni diri sani; wi kan furu wi oso nanga dati. Kon dyoyn wi, wi e prati ala sani eerlek!” (Odo 1:11-14, Bigi Nyunsu Beybri). Iya, gridifasi, bigi-ayfasi èn a lobi di wan sma lobi gudu e meki ogridu kon.
Na fowtu kobroyki fu drugs èn na prisiri di wan sma e prisiri en lostu e basi na denki fu furu sma na ini na twenti yarihondro disi. Wan sma abi moni fanowdu fu kan pay yayolibi, awinsi a wani taki tu taki wan sma du wan trawan ogri ofu kiri en fu kisi na moni. Na ini ’a muyliki ten disi di tranga fu psa’ yu kan taki trutru fu wan lo sma di e kon moro furu taki ’den trowe den srefi go na ini ogridu èn e feti fu trowe brudu’. — 2 Timoteyus 3:1, 3, 4; Odo 1:16, The New English Bible.
Wan ogridu na „wan seryusu sondu, spesrutu kontrari na moraal”, Webster’s Ninth New Collegiate Dictionary e taki. Wi e libi ini wan pisiten fu a fadon fu a moraal. Na apostru Paulus ben warskow den krestensma na ini Efesiy gi sma di „[e waka] na ini na sondro froktu fasi fu den denki fu den, di kon dungru leki den de na ini den frustan èn kon de freymd fu na libi di de fu Gado, fu na donfasi di de na ini den, fu na no firi esi-esi fu sani fu na ati fu den. Den lasi ibri frustan fu bun gwenti.” Na so tu wi musu luku bun na ini na ten disi. — Efesiya sma 4:17-19.
Na kon moro furu fu takru-ati video opname, na gi glori na bigi fetl èn na gridifasi feti na baka lostu di no mag, a no de so taki den alamala meki son sma tron ogriduman aladi sma di no du noti e tron a marki fu na ogri? Ma ete wan sani de na ini na bruya fu triki nanga ogri. Sortu sani na disi?
A de Satan Ddibri. Na atibron fu en e gi faya na tranga ogridu di de fu soso èn ogridu di de leki wan marki fu na disiten grontapu (1 Yohanes 5:19; Openbaring 12:12). A poti leki marki na en fesi fu dray ala sma puru fu na tru Gado, Yehovah. Aladi disi kande e luk en na furu sma, toku na beybri e tyari na profeyti fasi kon na krin taki a no sa kan broko na soyfri retifasi fu Gado tru futuboy. Te fu kba den sa puru Satan na pasi. Ma srefi efu Satan no de moro, dan disi sa de dan na kba fu ogridu? Èn na kba fu orgidu de now krosibey?