Na kba fu ogridu de now krosibey!
DEKTA (skowtu) e pruberi fu lusu ogridu fu di den e ondrosuku sani fu kon sabi suma na den ogriduman èn fu tyari kon a krin san na den reyde fu ati di pusu den. Den methode nanga koni fu na dekta de a tori fu roman di de popi na ini na heri grontapu. Aladi na dekta te fu kba e man fu feni na ogriduman. dan toku en wroko e bigin ini algemeen te a de tumusi lati kaba, te na ogri du kaba.
So leki e kon na krin na ini moro furu ogridu, dan gi ibri ogriduman di den e kisi, yu abi furu trawan di e go du na ogridu. Fu puru na ogri na pasi, dan so bun moro musu du leki soso fu lusu na ogri di du kaba. San sa tapu sma fu tron ogriduman?
Na ogridu abi fu du nanga a moraal. Wi no abi muyti fu teki taki kiri sma, go ddon nanga tranga na wan uma èn tra ogri di e du na takrudu. Ma fa a de nanga a meki fu wan belastingpapira na wan bidrigifasi? Disi de so srefi tu ogridu, bika a de kontrari nanga den moreel markitiki fu eerlijkheid. Wan kba kan kon krinkrin na ogri te ala du di de kontrari na fondamenti moraal, e way puru.
Meki wi luku dri beybri eksenpre pikinso di no wwan sa meki na rutu fu ogridu kon na krin, ma so srefi tu sa sori na sortu fasi den kan komoto na pasi.
Frede gi Gado kontrari dyarusu
Luku grantangi pikinso den wortu fu na Psalmsingiman Asaf: „Mi ben kon dyarusu tapu den sma di e dyaf, di mi ben si moro nanga moro na vrede fu den gadolowsu wan” (Psalm 73:3). Iya, dyarusu nanga a bun libi èn libifasi fu wan ogriduman e tayri furu sma go so fara fu waka baka wan libifasi fu kruktudu. Na gi glori na a ogridu na tapu telefisi èn ini koranti e meki ogridu tron wan sani di sma e teki moro furu leki taki a e meki sma no wani si ogri na ay.
Toku na skrifiman fu Odo di ben abi Gado yeye ben gi na tranga: „No meki yu ati dyarusu nanga sondari, ma de na heri dey na ini na frede fu Yehovah.” Na buweygi fu ati nanga lostu fu wan sma de na rutu fu na problema. Ini wan moro bun fasi yu kan tapu den te yu bow wan gi di yu musu gi yu srefi na ini a frede fu Yehovah Gado fu no meki en ati bron. „Na ini a sani disi wan tamara sa de, èn yu eygi howpu no sa koti puru.” — Odo 23:17, 18.
Bribi kontra bigi-ay
Na ini na bakayari fu 33 G.T. Yeyses ben hari psa a foto Yeriko. Dati ben de na libipe fu Sakeyus, di na evangelium skrifiman e fruteri fu en leki wan „gran belastingman”, aladi a e taki moro fara ete taki ’a ben gudu’. Na fatu distrikt lontu Yeriko ben de wan spesrutu bun kontren fu teki belasting, èn so leki Sakeyus srefi ben taki, dan en wroko leki gran belastingman ben gi en okasi fu bidrigi sma. Ma Sakeyus no ben tan de wan ogriduman. — Lukas 19:1-8.
Sakeyus ben lon a fesi den ipi sma di ben lontu Yeyses èn ben suku wan bun presi fu kan luku, fu di a ben syatu, a kren go na ini wan murubey figabon. Yeyses ben si Sakeyus èn ben aksi en fu kon na ondro fu di na a fisiti disi fu en na Yeriko a ben wani tan na ini en oso. Bakaten ben kon na krin ini den wortu fu Sakeyus taki a ben kenki en fasi: „Afu fu mi gudu mi e gi den pôtiwan, èn san mi ben bidrigi wan sma nanga falsi kragi mi e gi en fo tron baka.” Fu pay den bidrigi moni baka ben sa tyari wan bigi kostu kon nanga en. Fu di a pramisi fu du disi, dan Sakeyus sori krin na bribi fu en na ini Yeyses. Iya, na fasi fu en di ben kenki ini fa fu luku sani ben abi wan bun bakapisi di yu kan si, wan gi baka fu ala moni di a ben teki sondro lantiwet ben gi pasi, makandra nanga ete dri tron a waarde dati, so taki a ben gl wan moni baka di ben de fo tron fu dati. Na so fasi Sakeyus ben meki a kruktu di a ben du kon reti baka èn a ben go srefi moro fara ete, san e buweysi na opregti fasi fu na libifasi fu en di kenki. — 2 Korente sma 7:11.
Libisma de moro prenspari leki gudu
Na Romen tiriman Pilatus ben taki fu na Yeyses Krestes di sma ben tyari kragi fu en kon: „Mi no e feni no wan ogri ini na sma disi” (Lukas 23:4). Na presi fu gi en srefi abra na ogridu soso fu kisi gudu, dan Yeyses na ini a ten fu en grontapu diniwroko ben sori alaten baka wan lobi belangstelling gi sma. „Di a ben si den ipi sma a ben firi sari gi den, fu di den ben fufuru den èn ben drifi den go leki skapu sondro skapuman. Ne a taygi en disipri: ’Iya, na kotiwroko de bigi, ma pikinso wrokoman de. Begi fu dati-ede na Meystri fu na kotiwroko meki a seni wrokoman go na ini en kotiwroko’” (Mateyus 9:36-38). A de krin taki Yeyses ben poti libisma a fesi fu gudu, èn srefi a fesi fu en eygi makriki fasi nanga belang. Disi e kon na krin tu na ini a klari di a ben de klari fu poti en srefi na wan sey fu sorgu gl den disipri èn gi den ipi sma di ben kon luku en fu kisi leri nanga yepi (Mateyus 8:20; 14:13-16). Na ini disi Yeyses ben gi wi wan muderi fu waka na en baka. — 1 Petrus 2:21.
A de wan sani di kan gi libisma na ini na ten disi, fu waka na baka na muderi dati èn fu si konpe libisma moro prenspari leki gudu? Wi kan piki na aksi disi nanga iya. Luku Yehovah Kotoygi pikinso di de now moro leki dri nanga wan kwart milyun sma. Den e suku fu abi na yeyefasi fu Krestes èn sori disi na wan praktis fasi. Den e du muyti doronomo fu puru den gadolowsu lostu na ini den ati di e meki furu sma du ogri. Bifo den ben tron Kotoygi, ma ben e stuka na beybri èn ben kweki lobi gi Gado, dan disi ben seki son wan fu den di ben de ogriman so, taki den ben go abra fu pay fu den sani di na ogridu fu den ben tyari kon. Nôno den sortu sma disi no ben du disi fu kisi barinen, ma fu kon na ini wan vrede matifasi nanga Yehovah Gado èn fu kisi na so fasi wini fu en no frudini bunfasi so leki disi ben tyari kon na krin nanga yepi fu na frulusu ofrandi fu Yeyses Krestes. — 1 Korente sma 2:16; 6:11; 2 Korentesma 5:18-20.
Fu lobi ede gi den konpe libisma fu den meki den sortu kresten disi e teki na ten fu fisiti tra osofamiri èn e tyari kon na krin fa den osofamiri disi kan luku go a fesi fu kisi libi na ini paradeysi omstandigheid na ondro Gado Kownukondre. Ibri wiki Yehovah Kotoygi e hori geregeld konmakandra na ini den Kownukondrezaal fu den. Wán sma di ben taki fri taki a ben de wan fufuruman ben teki wan kari fu go na so wan konmakandra, fu si fa a ben de drape. A ben fruteri: „Mi ben fruwondru, fu taki en safri. A no ben de soy ofu fruferi srefi srefi so leki mi ben fruwakti. Na waran lobi di mi ben si ben de wan trutru wan. Na warderi di ibriwan fu den ben gersi taki a ben abi gi yeye afersi ben de wan sani di yu ben kan si so.” Disi ben fruwondru en so, taki a ben go doro fu de makandra nanga den, èn disi ben yepi en fu tyari kenki kon. Efu yu de ini ogridu ofu no, efu yu e abi demakandra nanga Gado futuboy, yu tu sa si na srefi opregti belangstelling gi sma na presi gi gudu. — Mateyus 22:39.
Ogridu puru kba a pasi?
Efu libisma no o tyari den srefi moro leki ogriduman, dan disi o wani taki dan taki den de volmaakti? Fara fu dati! Neleki tra sma na so Yehovah Kotoygi abi sondu di wi kisi fu wi fosi libisma ppa, Adam (Romen 5:12; 1 Yohanes 1:8), Ma den de now wan na ini a dini fu Gado, so leki e kon na krin na ini a preyki nanga leriwroko fu den na a heri grontapu. Disi de wan krakti buweysi fu na kon tru fu Yesaya profeytitori: „A musu psa na ini a lasti fu den dey taki na bergi fu na oso fu Yehovah sa poti steyfi na tapu na ede fu den bergi èn na drape ala nâsi sa lon go na Yehovah hey anbegi èn wani kisi leri na ini den pasi fu en. Yu kan de wan fu den sma di e nyanbun fu disi fu di yu e abi demakandra nanga sma di e tan farawe fu ogridu.
Den fruwakti fu na puru fu ogridu
Na kon moro furu fu ogri na ini wi ten e sori te yu luku en bun taki Gado heri esi sa opo du wan sani fu puru ala ogriduman makandra nanga ala sma di e du takru du. Bika den ogrisma srefi den sa koti puru . . . ete wan syatu ten èn na gadolowsu sma no sa de moro; èn seyker yu sa poti prakseri tapu en presi, èn a no sa de” (Psalm 37:9, 10). Na kba fu ogri de now trutru krosibey, bika wi de leti na fesi na ten pe den sa tay èn iti na fosi ogriduman, Satan Ddibri, go na ini a peti di no abi gron (Openbaring 20:1-3). Fa a sa de wan prisiri fu sabi taki fu frede ogri èn na pen di den sma e nyan di ogri miti den, heri esi sa de fu a ten di psa!
Ma fa a de nanga den milyun milyun sma di sa dray kon baka na ini a opobaka fu libi na grontapu? (Tori fu den apostru 24:15) Efu nanga tranga ede den e weygri fu kenki den fositen persoonlekheid nanga fasi, dan den no sa bigin nanga wan nyun skwala fu ogridu? No wan reyde de fu frede fu dati. Nanga den wortu di e kon Yeyses e pramisi wan fufuruman taki a ben sa kisi wan opobaka: „Fu tru, mi e taygi yu tide: yu sa de nanga mi na ini na Paradeysi” (Lukas 23:43). Disi seyker e sori taki den sma di e opo baka sa musu tyari kenki kon; noso na nyun grontapu no ben sa de wan paradeysi.
Neleki fa ogriduman di konsensi dede musu go fiti den srefi na a libi bifo den kan go baka na ini na libimakandra sondro fu meki problema kon, na so ondro Gado kownukondre wan bigi leri programa sa de fu yepi den kownukondre onderdaan fu de sma di lobi orde (Openbaring 20:12, 13). Fu di den sma di e dray kon baka fu na opobaka abi na krin winimarki taki sma fu a paradeysi sa de lontu den, èn di e gi yesi na Gado wet, meki den sa prisiri na ini wan bun libimakandra di seti bun nanga wan balansi ekonomiya (Yesaya 65:21-23). Regtfardiki tiriman sa poti na wroko èn tranga ati ogriduman kande sa ondrofeni taki a fasi fu den e tyari dede kon (Yesaya 32:1; 65:20). So bun ala reyde de fu frutrow taki te fu kba wan kba sa kon na ogridu.
Aladi te now ete wi de a mindri fu wan grontapu di ogridu e marki en, toku yu kan sori frutrow nanga wan korostu ati na ini Yehovah, di e pramisi fu pay en kotrow futuboy nanga volmaakti libi na ini wan paradeysi. Du disi now fu di yu e nyanbun fu wan osobeybristuka seti di de fu soso èn di Yehovah Kotoygi e pristeri sma (Yohanes 17:3). Fu san-ede te yu miti den wan tra leysi, yu no ben sa aksi den fu kon sabi sani moro fini fini? Ofu yu ben sa kan skrifi go na a moro krosibey adres di de tapu bladzijde 2 fu na tijdschrift disi. A de seyker wan sani di e pay fu du muyti fu disi, bika na kba fu ogridu de now krosibey!
[Prenki na tapu bladzijde 7]
Na bribi fu Sakeyus ben pusu en fu pay baka san a ben puru na sma skin
[Prenki na tapu bladzijde 12]
Wan leriprograma sa leri den onderdaan fu Gado kownukondre fu lobi orde