’Furu nanga leynen’
NA BEYBRI buku Openbaring e taki fu wan fisyun fu „wan redi kloru busimeti, di ben furu nanga leynen”. A e de fu wan pisiten, dan a e go na ini wan peti di no abi gron, pe a e opo kon fu drape bakaten (Openbaring 17:3, 8). Tapu den bladzijde fu na tijdschrift disi furutron baka na redi kloru busimeti disi ben tyari kon na a fosi presi ini akruderi nanga na Folkubuntu èn baka dati nanga na bontu di ben teki en presi, na organisâsi fu na Verenigde Natie. Ma fu san-ede wi e taki fu na redi kloru meti taki a „furu nanga leynen”?
Na fosi ontwerp fu na handvest fu a Folkubontu, di abi leki fondamenti den prakseri fu Ingrisi nanga Amerkan kondre, ben tyari kon na ini buku na tapu 14 februari 1919. Na tra dey wan sma ben kan leysi na ini wan redactioneel artikel fu The Times fu Londen: „A de wan reyde fu regtfardiki heymemre fu feni na ini na handvest someni sani fu na wroko fu Ingrisiman. . . . Wi de so fri fu taki taki na handvest de a Moro prenspari internationaal papira di oyti ben tyari kon a doro.” George Thayer, wan preykiman fu na First Congregational Church fu Cincinnati na ini den Verenigde Staten, ben fruteri fu en leki „na Moro bun fruklari di meki bekenti èn di oyti ben poti tapu papira fu na wani èn na winsi fu na frulekti pipri di e libi na grontapu”. So srefi tu fu na sey fu dorosey koranti preyse ben kon. „A no de wan beybri”, na Fransi koranti L’Homme Libre ben taki, „ma a man du moro, fu di no na beybri èn no iniwan evangelium-preykiman ben tapu oyti sma fu kiri makandra. Idealisme e tron wan trutru tori.” Na Fransi nyunsukoranti Victoire ben fruteri fu en leki „na moro bigi muyti di du makandra fu sensi na bigin fu na grontapu fu poti yoystifasi nanga retidu na grontapu”.
Baka di na Folkubontu ben opo dan generaal Jan Smuts, di leki wan fu den sma di ben teki presi gi Bigi Britaniya èn di ben wroko makandra fu opo na Bontu, ben skrifi: „Na frubontu na wan fu den moro prenspari papira fu a libisma historiya. . . . A musu waka bun, fu di gi na tamara fu na beschaving no wan tra pasi opo. . . . Wan fru wan den pipri di no de ete na ini na frubontu sa poti den srefi baka na fraga disi di na libismaras sa waka na ondro en go na den winimarki fu vredefasi organisâsi nanga muyti.”
Ala den sortu fruwakti disi ben sori taki den falsi di na ini 1939 na Di Fu Tu Grontapufeti ben kon. Na Folkubontu ben misi a marki. A ben de soso wan libisma organisâsi, di ben abi onvolmaakti libisma na ini. Èn so a de tu nanga na organisâsi di teki en presi, na Verenigde Natie. Toku na a dey di den ben poti den nen na ondro na handvest fu na VN den ben kari en na ini wan redactioneel artikel na ini The New York Times „na vredebon” èn den ben taki moro fara: „Wan tumusi bigi howpu ben du kon . . . Kande bigi sani de fu psa.” So srefi tu a de, taki kerki tiriman ben kari na VN „na wan enkri howpu” èn „na lasti howpu”.
A de wan sani di e kosi Gado fu taki taki libisma organisâsi kan kon du den sani di soso Gado Kownukondre sa man fu du. Fu dati-ede meki na beybri e taki a fesi taki den VN baka wan syatu ten di a sa de „sa go na ini pori”. Soso Gado volmaakti heymel tiri kan gi na libismafamiri vrede di e tan. — Openbaring 17:11, 12; Yesaya 9:6, 7; Danièl 2:44.