Yu kan poti bribi na ini beybri?

„A DE trutru wan yoysti sani fu taki taki efu yu miti wan sma di e taki taki a no e bribi na ini evolutie, na sma dati no sabi noti, a don ofu law.” Fa yu e feni den wortu disi fu na bioloogman Richard Dawkins? Efu yu e poti bribi na ini beybri, dan seyker kande yu e bribi taki Gado meki sani èn no e bribi ini na evolutietheorie. Disi e wani taki, fu di yu e bribi na ini beybri, taki yu no sabi noti, de don ofu law?

Luku tu den wortu disi: „Koniman fu na Nyun Testamenti ben sori sondro wan enkri reydelek tweyfri taki a de so, taki na Yeyses fu den fruku kresten buku de te na wan seyker marki wan tori di no de tru fu na kresten denki.” Den wortu disi na ini The Weekend Australian ben kon fu na mofo fu dr. Robert W. Funk, heyleriman fu kerki studi èn skrifiman fu wan lo kerkibuku fu tyari sani kon a krin.

Dr. Funk ben bigin nanga wan project di sma sabi leki na Yeyses-wrokogrupu, wan grupu fu moro leki hondro beybri koniman di makandra ben luku finifini den wortu fu Yeyses di de na ini beybri. Wan fu den sani di den kon na wan bosroyti ben de taki a no Yeyses ben meki na Wi Tta-begi, taki Yeyses no taki taki den safri-ati sma sa kisi grontapu ofu taki den sma di e meki vrede den ben sa kari den manpikin fu Gado èn taki a no ben taki: „Mi na a opobaka èn na libi. A sma di e sori bribi na ini mi . . . seyker no sa dede noyti.” — Yohanes 11:25, 26; Mateyus 5:5, 9; 6:9, 10.

Ala di den bosroyti fu den kande sa seki yu, toku den no de ongewoon. Den de nyunten fasi fu feni fowtu tapu na beybri, èn den srefi sortu denki disi den leri wan pisiten kba tapu skoro fu tron kerkileriman. Kande yu kon gwenti den wortu fu sabidensiman di e taki teyge beybri. Ma te kerkifesiman e tweyfri na a waarheid kotrowfasi fu tori fu beybri, dan kande yu e aksi yu srefi efu na ten doro fu luku yu eygi posisi nyun baka. A de wan logika sani fu bribi na ini beybri efu tapu na kontren fu fasi fu anbegi someni sma di tyari ede no e du dati?