Joe e memre disi ete?

Joe feni taki den uitgave foe A Waktitoren foe den moen di pasa, ben abi praktis waarde gi joe? Foe san ede joe no e proeberi dan, foe loekoe nanga den aksi di e kon now, san joe e memre ete:

▫ San na den wini di wi e kisi te wi e gi trawan pardon?

Te wi e gi trawan pardon, dan dati e meki boen matifasi kon (Efeisesma 4:32); no wawan a e tjari vrede kon nanga kompe libisma, ma a e tjari vrede kon toe na inisei foe wan sma (Romesma 14:19; Kolosesma 3:13-15); te wi e gi trawan pardon, dan dati e opo a pasi foe kisi pardon foe den sondoe foe wi (Mateus 6:14); èn a e jepi wi toe foe memre taki wisrefi moesoe kisi pardon (Romesma 3:23). — 1/9, bladzijde 7.

▫ Fa na eksempre foe a profeiti Amos e jepi wi ini wi preikiwroko?

Neleki Amos, wi no e kenki a boskopoe foe Gado noso e meki en kon swaki. Na presi foe dati, wi e meki a boskopoe bekènti, foe di wi e gi jesi, awansi san den sma di e jere en, e doe na tapoe. — 1/9, bladzijde 26.

▫ Na baka sortoe eigifasi foe Gado wi moesoe waka?

Toe prenspari wan, na a man di Jehovah man foe orga sani èn a kolokoe di a de kolokoe (1 Korentesma 14:33; 1 Timoteus 1:11). Den eigifasi disi foe Gado de na ini balansi, so taki a wan eigifasi no poti moro hei moro a trawan, foe na eigifasi dati no e lasi gowe. — 1/10, bladzijde 12.

▫ Sortoe aparti sani foe a gi di Jehovah e gi sma pardon wi moesoe proeberi foe doe?

Jehovah e gi pardon èn a e frigiti (Jeremia 31:34). Gi libisma mekisani disi na wan moeilek sani foe doe. Jesus ben poti krakti na tapoe o prenspari a de foe doe disi so leki fa a skrifi na Mateus 6:14, 15. — 1/10, bladzijde 30-32.

▫ San na dri sani di e hendri wi foe abi sari-atifasi?

Foe a sondoe eigifasi foe wi ede, meki djaroesoe firi kan opo ede kon ini na ati foe wi. Efoe wi e djaroesoe na tapoe wan sma, dan fa wi kan handri nanga en nanga safoe sari-ati? Wan tra sani di kan hendri wi, na te wi e poti wisrefi ini wan situwâsi pe ogridoe kan abi krakti na wi tapoe sondro taki a de fanowdoe. Disi kan meki taki wi e lasi a firi di wi abi gi a pina foe trawan. Moro fara, wan sma di e prakseri ensrefi nomo, kande no abi sari-ati (1 Johanes 3:17). — 1/11, bladzijde 13-15.

▫ Sortoe sani wi kan leri foe a tori di bijbel e froeteri foe Job?

A tori foe Job e meki wi kon froestan moro boen san na den sani di Satan e gebroiki èn a e jepi wi foe si fa na universeel soevereinfasi foe Jehovah abi foe doe nanga a soifri retifasi foe libisma. Neleki Job, ala sma di lobi Gado moesoe kisi tesi. Wi kan horidoro toe neleki fa Job ben doe dati, èn boeweisi taki Satan na wan leiman, èn njanboen foe den blesi foe Gado Kownoekondre. — 1/11, bladzijde 27.