’Wi abi eerlijk sma fanowdoe’

EERLIJKFASI na wan sani di no de foeroe na grontapoe na ini a ten disi. Tokoe a de wan prenspari sani di kresten moesoe abi. Paulus ben skrifi: „Wi wani de eerlijk na ini ala sani” (Hebrewsma 13:18). Disi na san Wilma, wan foe den Kotoigi foe Jehovah na Faenza, Italia, ben wani doe.

A koranti Il Resto del Carlino e froeteri taki di a ben feni wan portmoni nanga foeroe moni na ini, dorosei foe wan supermarket na ini en foto, a ben gi a portmoni na skowtoe „sondro foe tweifri” so taki den ben kan gi en baka na a sma di abi en.

Di a komsarsi ben jere a sani disi, dan wantewante a ben seni wan sjatoe brifi foe taigi Wilma tangi. „Na ini a nen foe a foto”, a ben skrifi, „mi e taigi joe tangi nanga mi heri ati gi a moi sani di joe doe. A pôpi foto foe wi, Faenza, abi boen èn eerlijk sma fanowdoe.”

Awansi sma e kon sabi den boen sani di wi e doe ofoe no, ala ten wi moesoe doe moeiti foe de eerlijk. Soleki fa den Santa Boekoe foe bijbel e froemane, „wi e proeberi foe doe boen no wawan na ini na ai foe Gado ma so srefi na ini na ai foe libisma”. — 2 Korentesma 8:21, The Jerusalem Bible.