Boekoe, boekoe, boekoe!

„Wan kaba no e kon na a meki di sma e meki foeroe boekoe”, na so a koni kownoe Salomo foe owroeten ben skrifi (Preikiman 12:12). Na ini 1995 pikinmoro wán njoen boekoe ben tjari kon na doro gi ibri 580 sma na Ingrisikondre, èn dati meki taki a kondre de tapoe a fosi presi foe den kondre di e tjari njoen boekoe kon na doro. China di abi moro foeroe sma na ini a kondre, ben de a di foe toe na tapoe a lijst, nanga 92.972 boekoe, te joe teki en gersi nanga den 95.015 na Ingrisikondre. Baka dati dan Doisrikondre ben de (67.206 boekoe), èn baka dati joe abi Amerkankondre (49.276), èn dan Fransikondre (41.234). „A de di Ingrisikondre de na tapoe a fosi presi foe heri grontapoe, na moro foeroe bika foe na Ingrisitongo”, na so The Daily Telegraph, wan koranti foe London, e taki.

Verslag e sori taki a boekoe bisnis ben go na baka wan toe jari kaba, èn now soso 80 procent foe den bigisma na Ingrisikondre e bai wán noso moro boekoe na ini wan jari. Ma sma e leisi ala den boekoe di den e bai?

Wán boekoe di tan de a boekoe di prati moro foeroe èn di sma e leisi moro foeroe, na bijbel, di de foe kisi now na ini pisi noso heriheri na ini moro leki 2120 tongo. Efoe joe no abi wan bijbel ete, meki kontakti dan nanga a kantoro foe a Waktitoren Genootschap di de moro krosibei foe joe, foe man kisi wan. Efoe joe abi wan bijbel, teki en èn loekoe den tekst di de na ini den artikel foe a tijdschrift disi. Te joe e doe disi, dan joe sa kon sabi a sabi foe bijbel di e gi libi.