STUDIE-WAKTITOREN

Dusundusun yari kaba, Yehovah e taki nanga den futuboi fu en na ini difrenti tongo. Den tu artikel disi e sori taki den difrenti tongo di a gebroiki no tapu en fu taki nanga libisma. Wi o si tu fa a Nyun-Grontapuvertaling di wi ben gebroiki fosi nanga a nyunwan di kon na doro na ini Ingrisitongo na ini 2013, ben de wan bun sani di yepi wi fu santa Gado nen èn fu fruteri sma a wani fu en.

Gado meki libisma na so wan fasi taki den man taki. A sani disi na wan moi kado. Na artikel disi o taki fu dri sani di e yepi wi fu gebroiki wi tongo bun. A o gi wi deki-ati tu fu teki na eksempre fu Yesus di gebroiki a moi kado disi fu gi Gado grani èn fu yepi tra sma.

Wi alamala kan kon siki. Sobun, fa wi musu si den tori na ini Bijbel di e taki fa Gado dresi sma? San wi musu du te trawan e gi wi rai di abi fu du nanga dresi, noso nanga wi gosontu? Na artikel disi o yepi wi fu feni piki tapu den aksi disi èn fu teki bun bosroiti.