San Bijbel e leri?

Gado e piki ala begi?

YU BEN O TAKI DATI A E PIKI DEN BEGI FU . . .

• ala sma

• son sma

• nowan sma

SAN BIJBEL E TAKI?

„Yehovah de krosibei . . . fu ala den wan di e bari kari en nanga wan krin ati.”​—Psalm 145:18.

SORTU TRA SANI WI KAN LERI FU BIJBEL?

• Gado no e arki den begi fu sma di no wani du san a e taki (Yesaya 1:15). Ma den sma disi kan „seti sani kon reti baka” nanga en te den e kenki den libi.​—Yesaya 1:18.

• Efu wan sma wani taki Gado piki a begi fu en, dan a begi fu en musu kruderi nanga a wani fu Gado soleki fa skrifi na ini Bijbel.​—1 Yohanes 5:14.

Wi musu sidon noso tanapu na wan spesrutu fasi te wi e begi?

SON SMA E BRIBI taki den musu saka kindi, den musu boigi den ede noso den musu fow den anu te den e begi. San yu e denki?

SAN BIJBEL E TAKI?

Gado arki den begi fu sma di „saka sidon”, sma di ben „opo tanapu”, sma di ben „saka kindi boigi nanga en fesi go na gron” nanga sma di „saka kindi” (1 Kroniki 17:16; 2 Kroniki 30:27; Esra 10:1; Tori fu den apostel 9:40). Gado no taki dati wi musu sidon noso tanapu na wan spesrutu fasi te wi e begi.

SORTU TRA SANI WI KAN LERI FU BIJBEL?

• Gado e arki den begi fu sma di abi sakafasi. ​—Psalm 138:6.

• Yu kan begi Gado awinsi sortu tongo yu e taki, noso yu kan begi na ini yu ati.​—2 Kroniki 6:32, 33; Nehemia 2:1-6.