Komakandra di e jepi wi foe meki discipel

WIKI DI E BIGIN NANGA 6 FEBRUARI

Singi 7

10 min: Wan toe sani foe na gemeente èn wan toe sani foe na kolom di fiti a gemeente. Memre den brada nanga sisa na den njoen serie publiki lezing di e bigin ini februari. Gi ala sma tranga foe fisiti den lezing disi èn foe den teki tjari nanga den na Tégo libi-boekoe foe marki spesroetoe punt di den kan gebroiki ini na velddienst.

20 min: „Hori bijbelstudie di e go na fesi.” Taki foe na stof nanga jepi foe aksi nanga piki, boiti paragraaf 7. Wi sa behandel a paragraaf disi nanga wan demonstratie di e sori fa wan sma di abi belangstelling wi kan sreka en na fesi te djens e kon foe na sé foe oso- noso famiriman, sma na en wroko, èn so moro fara.

15 min: „Wi de klari?” Bespreking. Meki brada nanga sisa si fa na Tori foe Takimakandra kan gebroiki ini a presteri foe na njoen boekoe. Tjari wan toe punt kon na fesi foe na fosi bladzijde foe wi Kownoekondre dienst èn teki punt foe na Tégo libi-boekoe di sa taki nanga na ati foe den sma di abi belangstelling. Meki den brada nanga sisa kon so waran gi na prékiwroko disi, dati den kon ini boewégi foe poti densrefi na baka nanga den heri ati èn gi extra ten na disi. Gi den tranga foe den go teki boekoe na a boekoetafra.

Singi 92 nanga begi.

WIKI DI E BIGIN NANGA 13 FEBRUARI

Singi 90.

5 min: „Wan toe sani foe na gemeente.

15 min: „Gebroiki wi ten na wan koni fasi.” Aksi nanga piki takimakandra. Demonstreer na paragraaf 9 sjatoe fa tapoe wan toemsi boen fasi wroko kan doe, oso foe oso, te wi sa taki foe spesroetoe artikel na presi foe wi gi den sma a tijdschrift sondro wi taki wan sani.

15 min: Hori wan lezing foe na tori „Den swakifasi dati wi kan wini” ini na Wachttoren foe 15 januari 1983, blz. 8-11, di e gi tranga.

10 min: Ondrofeni tori di e sori fa foe opo studie. Kari den brada nanga sisa di e hori wan noso moro studie èn di si winimarki ini na opo foe studie. (Meki mofo nanga den na fesi.) Aksi den: Joe e bribi taki na Tégo libi-boekoe sa de boen srefisrefi, èn foe sanede? Joe e feni en moro boen foe aksi na ososma sani wantron wantron ofoe a ben sa wani wan bijbelstudie, ofoe joe ben sa presteri na studie tapoe wan indirect fasi? Joe abi moro rai di leki fa joe prakseri de boen gi prékiman di e proeberi foe opo studie? Memre den prékiman na a di foe fo sonde foe a moen foe teki prati ini a velddienst.

Singi 87 nanga begi.

WIKI DI E BIGIN NANGA 20 FEBRUARI

Singi 5

7 min: Wan toe sani foe na gemeente. Gi tranga na ala sma foe fisiti ibri wiki na gemeente boekoestudie nanga den pikin foe den. Na stof di e go foe na doesoen jari kownoekondre de jeje njanjan di wi no kan misi foe kisi tégo libi, èn na demakandra nanga na groepoe foe wi boekoestudie de prenspari foe kan tan tanapoe ini na waarheid.

13 min: Lezing foe a tori „Foe sanede joe moe taki dati joe ben doe wan fowtoe” foe na Wachttoren 1 december 1982. Owroeman nanga den prékiman nanga sakafasi nanga opregtifasi moe piki dati den doe fowtoe èn no moe teki densrefi toemsi serieus. Disi kan gi tranga na ala sma.

10 min: Taki foe Aksidosoe. Na takiman moe poti krakti tapoe na lobi belangstelling gi na jeje tanboen foe ala sma èn a fanowdoe foe no meki trawan naki foetoe fadon.

15 min: Presteri na boen njoensoe — Nanga boen inleiding”. Aksi nanga piki takimakandra. Aksi den sma di e arki efoe den abi inleiding ini a tori foe na Tego libi-boekoe di den e feni toemsi moi. Gi tranga foe gebroiki den inleiding disi ini na weekend ini na velddienst. Memre ala sma foe teki nanga den a tra wiki Na Wachttoren foe 1 januari 1983 kon na a komakandra.

Singi 18 nanga begi.

WIKI DI E BIGIN NANGA 27 FEBRUARI

Singi 11

10 min: Wan toe sani foe na gemeente nanga wan toe sani ini na Kownoekondredienst. Taki foe na velddienst activiteit foe na gemeente ini februari, so toe omeni jepi pionier ben de, efoe oenoe ben abi jepi pionier. Verslag foe na moni afersi.

15 min: „Kenki di tjari kon na a Theocratis Diniwrokoskoro.” Na Theocratisskoro opziener e loekoe makandra nanga den sma di e arki a njoen regeling foe 1983 ini a tori foe gi rai. Poti krakti tapoe na fanowdoe dati ibri student sreka ensrefi boen èn nanga warderi e teki na lobi rai di e gi na tapoe skoro.

20 min: „Meki joe ati drai baka go na Jehovah.” Wan bekwaam owroeman e hori wan boen lezing di a meki foe na artikel ini na Wachttoren foe 1 januari 1983. Poti aksi gi na gemeente. Meki ten foe wan sjatoe demonstratie di e sori fa wan papa ofoe mama kan tjari na artikel disi na wan tactvolfasi na a prakseri foe en pikin di kon de inactief. Poti krakti a tapoe dati papa ofoe mama kande wani seni wan nomroe foe na artikel disi go na den pikin foe den, efoe den no kan gi den disi densrefi. Na artikel skrifi spesroetoe foe jepi ala sma di ben kisi kweki ini na waarheid, ma di gwe libi a waarheid (Opmerking: Na pisi tori disi séker moe behandel na wan tra okasi efoe na komakandra disi no e go doro foe di wan kringkomakandra ben hori ofoe foe wan tra rede.) Bigin na fosi weekend foe maart boen foe teki prati na a velddienst na a fosi sonde foe a moen.

Singi 82 nanga begi.