Brifi fu a bijkantoro
Lobi brada nanga sisa,
Wan foe den marki di de krin foe si na mindri na pipel foe Gado na prisiri. Wán bijbelskrifiman di ben abi na santa jeje foe Gado, taki dati prisiri na wan krakti di e gi jepi. En wortoe skrifi na ini Nehemia 8:10: „Na prisiri foe Jehovah na joe fortresi.” Wi e feni en foe dat’ede boen foe prati wantoe foe den réde foe prisiri nanga oenoe.
Tapoe a momenti disi wan pikin nomroe sma nomo „tan abra” na ini na Betheloso ini Amsterdam èn wan bigi groepoe froisi go kaba na Emmen. Dati wi e froisi go na wan njoen presi, pe den wroko mogelekheid de moro foeroe, e meki wi kon foeroe nanga tangi èn oen abi na overtoigi dati komoto foe Emmen wi sa man foe dini oen alamala moro betre. Wi e firi wisrefi neleki David èn Israël di den ben tjari na ark foe Jehovah komoto foe na oso foe Obed-Edom go na Jeruzalem. Na ini 2 Samuël 6:15 a bijbel e taki foe disi: „Èn David èn a heri oso foe Israël ben go teki na ark foe Jehovah nanga prisiri èn nanga toetoebabari.”
Wi bréti toemsi taki na a momenti disi oen electronisch zetafdeling e wroko srefsrefi kaba. Wi de bézig now kaba foe poti a Jariboekoe ini a computer. Soema ben kan prakseri dati oiti? Disi e foeroe oen nanga bigi tangi. Te wi e skrifi na brifi disi dan wantoe brada de bézig foe installeer na rotatiepers. Foe na marki disi ede meki wan brada komoto spesroetoe foe Doisrikondre foe teki fesi na ini a tori disi. A no de foe taki dati na ini a bigin wi sa abi foeroe moeiti foe leri wroko nanga den njoen apparaat disi èn wi e bribi taki a sa de so, dati wi sa meki pikin fowtoe wawan lési, ma nanga jepi foe na jeje foe Jehovah a sa waka boen. Ma soso na prakseri taki djonsro wisrefi sa man foe druk wi égi tijdschrift, e prisiri wi kaba.
Na prisiri foe na oso foe Jehovah sa doro en hémarki te na inwijding sa de na tapoe 29 oktober. Disi moesoe de so leki fa Ezra 6:16 e tjari en kon na fesi: „Èn den pikin foe Israël, den priester èn den Levietsma nanga na fikapisi foe den fositen katiboman ben e hori na fesa foe inwijding foe a oso foe Jehovah nanga prisiri.” Den toe congreshal ini Bennekom nanga Heerenveen sa wroko makandra nanga na Betheloso ini Emmen èn so wi kan meki moro brada nanga sisa prisiri nanga na programma. Wi abi na overtoigi dati den begi foe oenoe sa miti na troon foe Jehovah spesroetoe tapoe na dé dati. Meki a de so dati Jehovah sa kanti en blesi tapoe wi alamala, bikasi „a blesi foe* Jehovah e meki sma kon goedoe, èn a no e poti sari na tapoe dati”.
Oen brada foe a bijkantoro na ini Emmen