Oefen joe powa foe si sani
1 Pikinso tron ofoe noiti wan sma foe oenoe kan psa ini na libi sondro foe tanapoe, na fesi prenspari bosroiti foe teki. Son bosroiti abi bigi krakti tapoe a ten di de na wi fesi èn tapoe wi kolokoe, kande srefi na tapoe na matifasi foe wi nanga Gado. Foe eksempre: Datra e tan taki, taki joe o dede efoe joe no teki broedoetransfusie. Na „moi” boi na skoro wani meki wan mofo nanga joe. Mati e kari joe foe go pionier makandra nanga den. Joe tanapoe troetroe na fesi prenspari bosroiti
2 Sma e teki na difrenti fasi bosroiti te den kon tanapoe na fesi. Son sma e poti den na wan tra ten. Tra sma e proeberi meki wan tra sma teki na frantwortoe foe na bosroiti — mama, papa, wan mati, den owroeman ofoe na Genootschap kande. Son sma e kon siki na skinfasi foe a teki di den no man teki bosroiti! Ma tra sma de klari èn man foe teki joisti bosroiti, foe di den „ben oefen den powa foe si sani foe si boen foe ogri” (Hebrewsma 5:14). Paulus e taki, taki den disi de „lepi sma”. Den doro na marki dati den kan teki lepi bosroiti na ini bigi afersi, sondro taki tra sma a foe ferteri den san den moe doe. Fa a doe kon taki den kan doe dati? Paulus e gebroiki na ini Hebrewsma 5:4 toe wortoe di de wan sroto: „nanga gebroiki” èn „tranga njanjan”.
A DE FANOWDOE FOE OEFEN
3 A powa foe wi foe si sani e kon oefen te wi gebroiki en, èn disi e psa te wi e gi wisrefi alaten njanjan nanga na jeje njanjan di de foe feni na ini na bijbel. Boiti foe dati wi e kisi jepi foe teki joisti bosroiti, te wi e njan boen dorodoro foe den boen seti foe na „koni srafoe”. Ondrofeni na ini na teki foe boen bosroiti aladé e gi wi na oefening di de fanowdoe foe teki joisti bosroiti na ini prenspari afersi, pe a doe foe na wani foe Gado de ini a tori.
EKSEMPRE FOE BIJBEL
4 Joe kan tjari kon ini joe memre sma di a bijbel e kari èn di ben poti den fertrow tapoe na tranga njanjan foe a Wortoe foe Gado na ini na teki foe joisti bosroiti? San wi ben o taki foe Jezus, di a ben tanapoe na fesi dri tesi na a momenti di a ben swaki foe di a ben faste fotenti dé langa? Na ini ibriwan foe den tesi disi Jezus ben sori taki en powa foe si sani ben oefen foe si boen nanga ogri. A piki di a ben gi na Satan sondro foe go denki wan momenti, ben abi en roetoe na ini a Wortoe foe Gado. — Mattéus 4:1-11.
WAN TROETROE JEPI NA INI NOWTOE
5 Wi e libi na ini wan ten pe na alasé druk e kon na wi tapoe foe na sé foe na seti foe sani foe Satan di o go pori. Leki wan bakapisi foe na ogri-ati ros foe na Gado foe na seti foe sani disi di ati e bron, meki bosroiti moe teki na ini ala sortoe afersi. Ma a gado foe wi Jehovah ben gi wi na fanowdoe jepi. Pikinmoro no wan afersi kan kon efoe a behandel na ini a ten foe den 104 jari di Na Wachttoren kon na doro. Te wi e meki gebroiki foe na praktis index na ini den uitgave foe 15 december foe ibri jari, dan wi kan teki jeje njanjan poeroe foe na goedoe maksin disi èn kisi jepi foe kakafoetoe foe den tesi foe Satan.
6 Joe abi wan égi abonnement tapoe Ontwaakt! èn Na Wachttoren? A theokratis bibliotheek foe joe na oso abi den warti jepisani disi? Foeroe oldtimer kan sori jaargang foe den tijdschrift disi di den ben kisi na ini den jari di psa. Den ben kibri den égi eksemplaar èn ooktoe tra boekoe foe na Genootschap foe kan go baka na den.
7 Foe di wi sabi na waarde foe den betrouwbaar tijdschrift disi, Na Wachttoren nanga na Ontwaakt! meki wi kan rikomanderi den na tra sma na wi sé nanga overtoigi. Now di wi wroko pikinso kaba nanga na pristeri foe den tijdschrift èn sabi den, dan wi kan gebroiki den na ini na tra pisi foe mei nanga juni moro boen èn moro faja. Sosrefi toe na powa foe si sani foe tra sma sa moe kon oefen foe kan si boen foe. ogri, te den wani tan na libi. Pristeri den soboen na jeje njanjan disi di de so tranga, fanowdoe, bika den libi anga foe en! — 1 Timotéus 4:16.