Na gemeenteboekoestudi — Wan seti di Gado blesi

¹ „Ala di wi e fermane ibri sma èn e leri ibri sma na ini ala koni, foe kan pristeri dorodoro ibri sma na ini wanfasi nanga Kristus” (Kol. 1:28). Tapoe na fasi disi na apostel Paulus e taki foe a wroko foe ensrefi nanga den patna foe en. A e meki kon na fesi dati a ben poti persoonlek prakseri na tapoe „ibri sma” foe kan jepi en foe gro. Na ini a ten foe en grontapoe pasi, Jezus ben gi oen na eksempre disi. A ben e span ensrefi krakti foe poti prakseri na tapoe ibriwan sma persoonlek èn a ben leri den bakaman foe en foe doe a srefi (Joh. 21:15-17). A ben sa tron a jejefasi, di de wan marki foe den bakaman foe Kristus, foe poti prakseri na wan lobifasi tapoe ala sma tapoe wan persoonlek basis.

² Froekoe kaba na ini a modern historia foe Jehovah Kotoigi sma ben froestan dati a de prenspari foe poti prakseri na tapoe den „oso-famiriman foe bribi” aparti èn dati nanga dati wawan sma ben sa man foe feni jepi. Na ini na Ingrisi Wachttoren foe 1907 skrifi dati sowan foe den colporteurs ben e doe moeiti foe tjari den sma konmakandra di ben teki boekoe foe den èn di ben abi troetroe belangstelling gi na waarheid. Foe dat’meki den ben e orga konmakandra tapoe sonde ini wan oso. Tapoe so wan komakandra na colporteur ben e taki foe pisi foe a boekoe A plan foe Gado foe den jarhondro. Na komakandra disi ben teki pikin moro na heri sonde. Na tra wiki na colporteur ben gi na groepoe dek’ati foe hori den sortoe komakandra disi dorodoro. Te sowan toetenti memre foe so wan groepoe ben e agri nanga disi, dan disi ben e sreka go moro fara. Wan foe den sma di ben de drape di ben abi boiti wan boen sabi foe na waarheid, ma ben sori dati a ben gi ensrefi abra èn de serjoesoe, ben poti leki a owroeman ofoe leider foe den foe kan doe na studi foe na boekoe èn foe jepi na groepoe sotoe tapoe trafasi. Den groepoe nanga den gemeente di ben de kaba ben teki foeroe tron a fasi fa sani ben seti abra. So safrisafri na gemeenteboekoestudi seti ben gebore.

³ Di na ini 1921 na boekoe Na harpoe foe Gado ben kon na doro a ben gebroiki leki wan jepi foe hori bijbelstudi. Komoto foe na boekoestudi disi den ben e go toe na a prékiwroko èn den ben bigin srefi toe foe fisiti den di ben sori dati den abi belangstelling. Den fisitiman ben kon kisi safrisafri moro sabi foe na Wortoe foe Gado èn ben kon moro srapoe na ini na prékiwroko èn na gobakawroko. A ben de na studileider di ben e jepi sma so foeroe leki a kan foe kon na fesi, foe di a ben e poti en prakseri persoonlek tapoe den alamala. Foe di a ben de wan fanowdoe di ben e gro kon moro bigi foe abi wan moro betre organisaatsi instructie. Na ini ala foto pe wan groepoe ofoe wan gemeente foe Jehovah Kotoigi ben de kaba, now definitief sani ben seti dati den ben o konmakandra na ini pikin groepoe foe so wan toetenti na wan na ini particulier oso foe brada nanga sisa foe studeri na Wortoe foe Gado. Ala komakandra ben sa bigin nanga begi èn sotoe sroto nanga begi ala di wan brada, di a Genootschap ben poti ben sa doe a studi. Disi ben abi sosrefi toe na frantwortoe foe leri ala memre foe so wan groepoe foe doe a prékiwroko èn ooktoe foe jepi nanga mogelek persoonlek afersi. Gi ala gemeenteboekoestudileider na apostolis dek’ati di wi e lési na ini 2 Timotéus 2:1, 2 ben de: „Foe dat’ede, joe mi pikin, tan kisi krakti na ini na no-ferdini-boenfasi di abi foe doe nanga Kristus Jezus, èn den sani di joe ben jere foe mi nanga jepi foe foeroe kotoigi, gi den abra na getrow sma, di foe den sé sa de bekwaam nofo foe leri trawan baka.” Nanga na leri foe a gemeenteboekoestudieleider, na eksempre foe en, a prakseri di a abi persoonlek gi ibriwan, meki ibri memre foe a studi kan gro na ini jeje fasi èn kan feni jepi foe gro na ini a prékiwroko.

⁴ Sma di ben abi belangstellling nanga soema wan osobijbelstudi ben hori, na den fosiwan di kisi na dek’ati foe fisiti na gemeenteboekoestudi. Drape den leri sabi moro brada, nanga sisa èn den ben kon sabi moro finfini na organisaatsi foe Gado. Den ben kisi na dek’ati foe fisiti ooktoe den komakandra na ini den Kownoekondre-komakandrapresi. Na gemeenteboekoestudileider ben e loekoe finfini fa den sma di ben abi belangstelling ben e gro èn a ben e hori ooktoe wan boen kontakti nanga den sma di e gi osobijbelstudi na den sma disi. Na so joe ben e kisi te wan pisiten tranga gemeenteboekoestudi di ben kan de leki wan fundamenti foe wan gemeente di e go na fesi. Now di wi kon si sortoe wroko na gemeenteboekoestudiseti ben doe fosten, a boen foe loekoe fa a seti disi e wroko na ini a ten disi.

DEN WINIMARKI FOE A GEMEENTEBOEKOESTUDISETI

⁵ A de krin foe si dati a boekoestudiseti abi foeroe winimarki. Na pikin di na groepoe pikin e meki wan krosbé banti de mogelek na mindri ala sma di den taigi en foe de na ini a groepoe. Den sma e leri sabi densrefi moro makriki èn a sfeer no de so formeel leki tapoe den bigi gemeentekomakandra. Foe di foeroe e anga foe soema de ini a groepoe, meki den owroeman sa tjari ten na ten kenki kon kande sodati ala sani kan prati na wan balansfasi leki a kan. Wan foe den moro prenspari wroko foe a gemeenteboekoestudi de foe jepi makandra foe kon kisi moro sabi èn ferstan foe na Wortoe foe Gado. Dat’meki den e studeri a bijbel finfini. A komakandra e hori neleki na Wachttoren-studi. A e opo èn a e sroto nanga begi. Wan sma e lési den paragraaf èn den sma di de drape mag taki wan sani tapoe ala paragraaf. Spesroetoe commentaar tapoe den tekst de welkom, èn efoe a ten gi pasi, dan den sa lési den tekst di skrifi. Foe spikri ala sani boen go na ini a ferstan, meki na a kaba foe a studi wan sjatoe overzicht e hori. Te wi e studeri makandra na so wan fasi dan oen kan bradi oen sabi foe na bijbel tapoe wan boen fasi. Dan oen sa kon ferstan ooktoe moro boen den réde foe san-ede Jehovah ben meki bepaalde sani ben skrifi èn oen sa man foe doe den sani di wi leri moro betre èn gi den abra na trawan. Tokoe oen sa kisi pas troetroe ala winimarki foe na gemeenteboekoestudi efoe ala wiki wi sreka wisrefi a fesi boen foe de tapoe den komakandra. Dan a de moro makriki gi wi foe gi commentaar sondro frede. Nanga wan boen sreka den kan piki nanga den égi wortoe prefoe den lési wan soso wantoe wortoe foe na paragraaf. Na studieleider kan doe foeroe foe meki na komakandra waka so dati a de mogelek foe miti a marki. Sosrefi wantoe wroko de di a boekoestudileider sa doe.

NA GEMEENTEBOEKOESTUDILEIDER

⁶ A de wan toemsi boen grani foe doe a wroko leki wan gemeenteboekoestudileider na ini wan gemeente. A abi wan toemsi bigi okasi foe jepi en brada nanga sisa na tapoe wantoe kontren. Foe di a e go dja foe wan serjoesoe frantwortoe èn foe foeroe sortoe foe wroko di de na ini a tori, meki den sa gebroiki moro foeroe owroeman foe doe den wroko disi. Efoe nofo owroeman no de, dan kande wantoe owroeman kan doe toe studigroepoe, èn disi e anga foe den omstandigheid. Ofoe kan de wan bekwaam dinari na ini na diniwroko kan doe disi te leki wan owroeman de di man doe en. Disi na wan sani di a skin foe owroeman sa seti. Den brada disi e bepaal ooktoe soema e sorgoe foe sortoe groepoe èn soema na den sma di sa de na ini den difrenti studigroepoe.

⁷ Na gemeenteboekoestudileider kan hori na komakandra disi soso tapoe wan boen fasi efoe ensrefi sreka ensrefi alaten heri boen. A no sa moesoe sabi nomo fa den piki na tapoe den aksi di skrifi de ma ooktoe a sa moesoe sabi sortoe réde a bijbel e gi foe dati. A sa man foe sori san de a waarde foe na lesmateriaal èn fa ala sma di de drape kan gebroiki san den leri. Disi e aksi foe na studileider, dati ala joeroe èn nanga wan krin konsensi a e span ensrefi. — Rom. 12:7.

⁸ Na lési foe den paragraaf abi wan prenspari wroko. Te a lési foe den paragraaf e doe tapoe wan fasi di e bodoi wan sani, dan ala sma di de drape sa abi ooktoe foeroe wini marki na dati (Neh. 8:8). Efoe a de fanowdoe dan wan moi pisten na fesi wan sma sa kisi a wroko sodati a kan sreka ensrefi boen na fesi. Foe disi, wan brada sa gebroiki di dopoe èn di e lési boen.

⁹ Ala di sontron foeroe stof moesoe studeri, tokoe a materiaal kan doe na ini a ten di ben poti foe behandel en efoe den studileider nanga ala sma di de drape sreka densrefi boen na fesi. Foe dat-ede ala sma sa wani kon froekoe sodati na komakandra kan bigin precies na a ten. Èn dan ten de ete srefi foe lési èn taki foe wantoe srototekst. A de alaten wan switi sani efoe a sma di lési a tekst, ofoe wan tra sma, kan meki wi si ooktoe fa a tekst kan gebroiki. Sontron den sma di e frede foe gi piki, kan kisi jepi nanga a lési foe bijbeltekst foe wini a frede disi. Ooktoe den pikin kan kisi jepi tapoe a fasi disi foe gi boen piki prefoe den e lési soso den edeprakseri ofoe foe lési gewoon wan sani san den papa ofoe den mama sori

¹⁰ Na sé a gi foe wan joeroe boen leri na tapoe na gemeenteboekoestudi, dan na gemeenteboekoestudileider abi ooktoe leki herder wan bigi wroko, di e tjari foeroe nanga en. A sabi den memre foe en studi persoonlek èn dati meki a kan jepi den tapoe wan persoonlek basis nanga rai èn doe. Te wan sma siki ofoe a abi brokoskin, dan wan persoonlek fisiti kan meki a firi boen. Te wan sma no ben man fisiti den komakandra foe wan pisten, dan na sé a persoonlek belangstelling gi na sikisma, joe kan taki ooktoe tapoe so wan fisiti foe jeje sani di e gi na sma krakti. Ondrofenitori kan prati nanga makandra ofoe wan sani kan ferteri foe na komakandra di a sma no ben man fisiti foe nowtoe ede. A de prenspari foe begi nanga a brada ofoe sisa. Disi de séker so gi brada nanga sisa di abi bigi problema. Ala sma kan fadon go na ini bepaalde problema. Jongoe osofamiri e fiti densrefi moeilek kande na den njoen situwasi èn den no e feni so esi wan soifri fasi foe doe sani. Rai di e gi na wan switi fasi foe na sé foe a boekoestudileider sa man foe jepi den séker. Toemsi boen rai de foe feni na ini na Osofamiri-boekoe èn a studileider di sabi den omstandigheid boen, kan meki den si fa bepaalde rai foe den boekoe kan gebroiki. Tra osofamiri e soekoe jepi foe tiri den pikin. Séker, den papa nanga mama di tanapoe foe wan bigi pisi den wawan, ben sa wani na boekoestudileider sote leki wan patna foe taki nanga makandra. Efoe foe a sé foe na studileider joisti prakseri e poti, dan ala den osofamiri disi èn aparti sma sa kisi na jepi di den abi fanowdoe.

¹¹ Wan njoensoe foe wan gemeente foe a Zuid-sé foe Nederland e sori foe eksempre omeni joe kan doe na a fasi disi. Wan pisi foe a brifi di a Bijkantoro drape ben kisi e taki so: „Wan tra ondrofeni de dati oen boekoestudi ben kon moro bigi èn wi ben kisi a tapoe fo osofamiri (di ben kon swaki helemaal), di no ben e go moro na boekoestudi, 8 pikin nanga 9 bigisma, sodati oen ben de nanga 27 sma na tapoe a boekoestudi. Oen ben ’ferdrage’ den pikin foe den foe di na kweki foe den ben mankeri wan sani, èn wi bigin wroko. Den jejefasi ben kon moro betre, den alamala e gi piki, ooktoe den pikin, èn alamala e préki kaba, boiti wan. A kon tron wan model studi; ma brada nanga sisa, disi no e kon wán, toe, dri, dati oen sa ferstan ooktoe. Joe moesoe gi boen foeroe, no soso wan bijbeltekst, ma ooktoe froestan èn switifasi. Te den siki go wantron go loekoe den, loekoe den pikin wan lési toe èn kari den foe wan pikinso prisiri. Den boen bakapisi disi joe no e si tapoe wan velddienstbericht, ma a moro prenspari sani de, dati oen Gado Jehovah man foe si den sani disi.”

¹² Ala di a no afoe de na ala geval so, tokoe a abi winimarki te joe meki na fesi wan mofo foe tjari wan herderlek fisiti. Boiti dati a sma sreka ensrefi na tapoe a kon foe a studileider, dan ensrefi toe kan sreka ensrefi tapoe ekstra materiaal di a soekoe makandra. Disi sa meki wan herderlek fisiti sa wini jeje krakti. Wan herderlek fisiti no abi foe abi alaten sowan formeel karakter. A e gi boen dek’ati te a studileider, èn sosrefi toe en oema kan go éve nomo na den brada nanga sisa foe kan abi wan boen sociaal kontakti. Dan wan waran banti sa gro na mindri ala memre foe wan gemeenteboekoestudi èn den sortoe studi disi e tron makandra wan gesontoe gemeente.

¹³ Ete wan prenspari pisi foe na wroko foe a gemeenteboekoestudileider de a teki fesi na ini a velddienst. En geregeldheid, faja èn en lobi foe doe a dienst disi sa gi dek’ati na den brada nanga sisa. Den brada nanga sisa e warderi en efoe den kan wroko makandra nanga den boekoestudileider na ini na velddienst. Foe dat’ede meki a sa seti sani foe gi kotoigi nanga a groepoe tapoe ten di moro foeroe foe den kan teki prati. Efoe a de pikinso mogelek dan den moesoe tan ori na den seti disi. Na studileider e sorgoe dati alaten nofo gebied de, bikasi a e gi sari efoe wan sma moe go na oso bikasi a gebied kaba. No meki foeroe ten foe reis lasi foe soso foe di joe e teki gebied di didon toemsi fara foe makandra. Na studileider e hori na velddienst komakandra èn e kenki prakseri foe wantoe praktis punt foe na dienst. Ala di sowan komakandra kan de sjatoe, dan drape joisti na dek’ati kan komoto di de fanowdoe foe abi wan boen réde foe bigin nanga na prékiwroko. Te onfroewakti na studileider srefi no man kon dan a sa seti en so, dati wan tra owroeman, dinari na ini na diniwroko ofoe wan bekwaam prékiman hori na velddienstkomakandra. Komoto foe na boekoestudi, den kan regel en so dati gobaka kan meki. Te den e meki mofo nanga makandra, dan prékiman foe a groepoe kan leri foe den ondrofeni foe makandra èn a studileider kan jepi dati den sortoe mofo disi meki.

¹⁴ Moro fara a de so, foe sensi januari 1979 dati ala gemeenteboekoestudileider e doe foe a boen foe en groepoe a wroko di a „bijbelstudi-opziener” ben e doe na fesi. A e gi jepi nanga rai na ini a gobakawroko na opo èn hori foe bijbelstudi èn a tjari foe den sma di abi belangstelling go na Jehovah organisaatsi (Matt. 28:19, 20; Jes. 2:2, 3). Fa joe kan kenki a fasi fa joe e gi studi kon moro boen, so dati joe kan miti na ati foe na discipel? Fa joe kan jepi en foe kan wini gens? Tjari den go na den komakandra? Ofoe kari en go na a velddienst? Joe studileider abi belangstelling foe jepi joe nanga joe bijbelstudi foe go na fesi.

¹⁵ Ten na ten na gemeenteboekoestudi e kisi fisiti foe na dienstopziener. Efoe na fisiti foe a dienstopziener sreka boen na fesi èn a groepoe sabi foe en kon, dan oen sa kisi ala winimarki foe na kon foe en. Na so a boekoestudileider kan takimakandra nanga en sortoe verbetering kan tjari kon na ini a velddienst. Nanga disi ala sma kan doe en diniwroko moro boen. Wan kenki prakseri sosrefi toe kan de foe boen praktijkondrofeni èn oen kan meki plan foe meki ala velddienstseti so praktis leki a kan gi ibriwan sma.

¹⁶ Na a bigin foe ala njoen moen wan boen wrokomakandra moe de na mindri na boekoestudileider nanga na sekretarsi. Neleki fa a ben de na a fosi gemeente, na so wi abi ete bigi belangstelling foe den bakapisi foe a wroko di wi e doe makandra. Na ini na fosi jarhondro foeroe dek’ati ben e komoto foe ala bericht foe na velddienstactiviteit (Tori. 2:5-11, 14, 47). Te na boekoestudileider kan meki ala memre foe en studi si dati a de prenspari foe gi den velddienstrapport biten èn dati te a de fanowdoe dati na sekretarsi moesoe piki en foe den velddienstbericht di den misi, dan precies na a ten wan heri bericht kan meki foe na activiteit di na gemeente ben doe.

¹⁷ Te wi e prakseri so foe den sani disi, dan a de wan bigi wroko foe dini leki wan boekoestudileider. Ma fa a wroko disi de wan sani di e gi prisiri! Fa joe kan feni prisiri foe jepi trawan foe go na fesi! Makandra nanga Paulus ala gemeenteboekoestudileider kan taki: „Mi e taki Kristus Jezus, mi Masra, di ben gi mi a krakti, tangi foe di a ben feni mi getrow èn ben gi mi na diniwroko” (1 Tim. 1:12). Den memre foe wan gemeenteboekoestudi sa kon goedoe nanga wan studileider di troetroe tanapoe klarklari gi den bikasi a no de soso nanga den tapoe a joeroe foe a gemeenteboekoestudi-komakandra, ma sosrefi toe tapoe tra ten a de klari nanga rai èn nanga a doe foe sani gi den. Nanga jepi foe na gemeenteboekoestudiseti a marki e doro dati ibrisma e kisi fermane èn ibri sma e kisi leri foe kan pristeri tori ibri sma na ini wanfasi nanga Kristus’. Foe dat’ede, meki wi alamala gi nanga oen heri ati steun na a gemeenteboekoestudi seti foe gebroiki someni leki wi kan den foeroe dienst foe na gemeenteboekoestudileider. A de troetroe wan ’presenti foe Jehovah’ nanga jepi foe soema wi e feni jepi now foe tan go na fesi. No wawan foe moro bigi grani gi oen hemel Tata, ma séker ooktoe gi oen égi kolokoe. — Jes. 48:17, 18,

[Faki na tapoe bladzijde 9]

Njan boen dorodoro foe a wroko foe joe boekoestudileider foe di

. . . joe e de alaten na a gemeenteboekoestudi

. . . joe go makandra nanga en na ini a diniwroko

. . . joe e kari en kon na joe oso