Wroko na a kownoekondregro ini 1985
1 Ini na kriboitaki foe na „Kownoekondregro”-congres di psa kaba den ben sori tranga, dati den brada foe wi na ini na heri grontapoe sabi heri boen, dati wi e libi na ini na ten foe kownoekondregro èn den ati e djompo foe wani foe doe moro foeroe. Na congres disi gi wan fundamenti no wawan foe wani foe doe moro ma ooktoe foe kan doe moro.
2 Te wi loekoe go na baka na ini 1984 dan e kon na krin taki wi sreka foe doe boen foeroe ini 1985. Na heri boen uitrusting foe wi, na tekstverwerking nanga jepi foe computer, na meki foe wi égi tijdschrift èn wan bigi vertaalafdeling di e meki den tekst klari foe den njoen boekoe, ala den sani disi ben meki a kan taki wi ini Bakrakondre sa kan meki Na Wachttoren kon na doro na a srefi ten nanga na Ingrisi èn tra uitgave. Na wroko ini na veld kon moro foeroe, wi abi moro pionier leki ini na jari di psa èn foeroe dopoe na jari di psa. Ija, na dienstjari 1985 e pramisi foeroe. Ma na san wi o wroko a jari di e kon moro foeroe?
NA PIONIER DIENST
3 Solanga leki den ben préki ini a kondre disi, pionier alaten ben de wan heri boen bijdrage foe a gro ben kon. Ini 1953 Sranan ben abi 4 pionier, 4% foe den totaal foe 100 prékiman. Ini den jari di ben e kon na nomroe foe pionier ben kren dorodoro èn na wroko ben e panja ensrefi kon moro bigi. A no de foe ferwondroe taki na ini na jari 1970 sowan 511 prékiman ben de. Degedege no de taki den pionier ben abi wan prenspari prati na ini na gro ini den dé dati.
4 Ini 1985 wi sa tan ori na pionierdienst na prakseri. A jari di psa na gro ini pionier ben gi satisfaksi. No wawan taki pionier te joe e taki foe ibriwan aparti e doe foeroe moro wroko ini na prékiwroko, ma na de di pionier de ini na gemeente e jepi na activiteit foe na heri gemeente. Moro prékiman kan bai ala den ten èn tron pionier? Disi ben sa tron van krakti poesoe gi na prékiwroko ini a kondre disi. Wi sabi séker taki heri ipi moro mogelekheid de.
GEREGELDHEID INI NA DIENST
5 Na psalm singiman di ben wroko ondro santa jeje ben skrifi: „Singi gi Jehovah, ségi en nen. Ferteri ibri dé baka na boen njoensoe foe na jepi di a e gi” (Psalm 96:2). A de wan bigi grani foe dini Jehovah geregeld leki kownoekondreprékiman. Njoensoe di e komoto foe na veld e sori taki a moro bigi pisi foe den prékiman de geregeld ini a dienst, ma dati na ini ibri gemeente wan moi percentage prékiman de toe di abi jepi fanowdoe foe abi ibri moen wan prati na a prékiwroko.
6 Prékiman di e préki a boen njoensoe geregeld ondrofeni taki den e wroko moro produktief. Den e ondrofeni moro prisiri ini a dienst èn na bakapisi de, dati foeroe foe den den e meki den skrifi den nen leki jepi- èn gewone pionier. Brada di e préki geregeld èn e miti den schriftuurlek aksi, e kisi wan kari foe teki moro bigi frantwortoe ini a gemeente.
7 Nanga disi na ini prakseri wi moe poti prakseri na den sma di no e skrifi den velddienstrapport regelmatig. Efoe ibri moen wi kan meki a kon sofara taki ibri prékiman tanapoe na ini na dienst, wi ben sa abi wan hémarki na ini prékiman. Moen de di fiti heri boen foe na moeiti dati. Wi e prakseri foe den moen oktober, nanga november nanga den pionieractiviteit di kon moro hé. Sosrefi toe april nanga mei de heri boen moen foe go nanga wan moro bigi nomroe ini na dienst. Ini 1985 wi kan doro foeroe nanga wan geregelde dienst.
PRATI FOE TIJDSCHRIFT
8 Na Wachttoren nanga Ontwaakt! e pré wan bigi rol ini na prati foe na boen njoensoe. Noiti bifo wi ben sreka so boen foe kan gi sma san den e aksi. Na fanowdoe foe kisi bodoi di e gi trowstoe bigi moro leki oiti bifo. Wi orga moro betre leki oiti bifo foe kan gi kotoigi na wan heri boen fasi nanga jepi foe den tijdschrift. Wi sa meki gebroiki foe ibriwan okasi di wi kisi ini 1985?
9 Di ini 1952 wi ben go ini na veld nanga den toe tijdschrift disi, ibriwan prékiman ben prati a jari dati, den pionier de na ini toe, gemiddeld 113,4 eksemplaar. Na nomroe disi ben kren èn na jari di ben psa a prati ben kren go doro te leki 182,4 tijdschrift, wan sani san ben de wan heri moi gro.
10 Efoe wi e tesi Jehovah ini na dienstjari di e kon foe di pe a kan nomo wi e meki wan dienst kon moro bigi foe pionier, foe di wi e doe wi dienst nanga wan moro bigi geregeldheid èn foe di wi e gebroiki den tijdschrift moro foeroe leki tjariman foe na boen njoensoe, wi kan froewakti foe dat’ede dati Jehovah sa opo den sroisi foe hemel èn sa kanti en blesi.