Gebroiki a boekoe ’De wanfasi ini na troe anbegi’ na wan konifasi
1 Wortoe, wortoe, wortoe — miljardmiljard e druk ibridé. Ma wortoe no de di e wroko moro krakti leki den wortoe di e gron na ini na koni foe Jehovah. Leki wan eksempre joe no e firi fa joe denki nanga fasi foe tjari joesrefi ben ondrofeni wan krakti wroko foe di a boekoe De wánfasi ini na troe anbegi e studeri now na tapoe na gemeente boekoe-studie? Foe troe „den wortoe foe den koniwan de leki kawprin èn neleki spikri di naki go na inisé den sma di e gi densrefi abra foe tjari odotaki kon makandra; na wan herder ben gi den”. — Prék. 12:11.
2 Ini a boekoe De wánfasi ini a troe anbegi wi herder, Jehovah, ben gi wi ’koni wortoe’. Net soleki ’kawprin’ e gebroiki foe djoekoe meti foe den waka èn foe tiri den, a heri moi boekoe kan gebroiki foe jepi njoen sma foe go na fesi dorodoro tapoe na pasi foe Jehovah. Owroeman di e meki herderlek fisiti na inactiefwan noso a trawan di abi dek’ati fanowdoe, kan gebroiki a wan konifasi bepaalde kapiter noso pisi foe a boekoe „leki spikri di ben naki go na inisé” foe oribaka gi den di na grontapoe druk èn masi den èn foe jepi den foe kisi wan balans bribi. — Jes. 32:1, 2.
MEKI BOEN GEBROIKI FOE A BOEKOE NA TAPOE BIJBELSTUDIE
3 Prakseri a sma nanga soema joe e studeri, a no trobi efoe na wan njoen sma di abi belangstelling noso wan inactiefsma. San de na stap di e kon di a moesoe meki foe a kan tan go na fesi? Wan sani de di e endri en foe meki a stap dati? Joe ben taki disi makandra nanga en? Wan pisi de ini a boekoe De wánfasi ini troe anbegi di ben sa kan jepi en heri boen? Meki wi loekoe pikinso wantoe mogelekheden.
4 Joe studie abi te now ete takroe kompe? Teki wantoe minuut ten foe taki nanga en foe na materiaal tapoe bladzijde 44 nanga 45, ala di joe e soekoe den tekst. Joe ben sa kan aksi en efoe den kompe foe en e jepi noso e endri en foe poti na waarheid ini en libi. San moesoe doe, te joe e loekoe den bijbeltekst takmakandra nanga en, soleki fa en e denki foe loesoe na problema? Pe wan sma e feni boen kompe?
5 A e frede foe préki na publiki? Takmakandra foe wantoe foe den bijbelpunt na tapoe blz. 172 èn 173. Jepi en foe si taki Jehovah sa gi en krakti, net soleki a ben gi en getrow kotoigi ini a ten di psa krakti. Sori en san joesrefi e doe foe sreka joesrefi tapoe na dienst foe Jehovah. Ferteri en foe na prisiri di préki sondro frede e tjari kon gi joe.
OWROEMAN — GEBROIKI A BOEKOE NA JOE HERDERLEK WROKO
6 Fa owroeman kan gebroiki den bijbel takmakandra foe gi den brada nanga sisa dek’ati foe sori lobi èn doe heri boen wroko èn foe trowstoe den na jejefasi? Teki leki wan eksempre pikinso den sma di no e de geregeld ini na dienst. Den bodoi ondro den onderkopjes foe kapitel 11, „No meki na kownoekondrewaarheid stek” èn „Poti na kownoekondre na a fosi presi ini joe libi” e gi wan fundamenti foe wan takmakandra di kan gi boen dek’ati. Èn gi den sma di ben gi densrefi langa ten kaba abra na Jehovah, a kan gi den boen dek’ati foe loekoe nanga den den bijbeltekst ini kapitel 12 ete wan tron, di nen: „Na méne foe joe dopoe”.
7 Joe ben merk taki wan brada de di e gi toemsi foeroe ten na ontspanning noso grontapoe prisiri? Takmakandra nanga en foe den koni fermane ini na kapitel ’Na feti tége ogri jejekrakti’. Efoe a de so taki a ben laspasi, dan na rai foe Jehovah di ben gi ondro krakti foe santa jeje sa meki a kenki en fasi foe doe.
8 Son sma e feni en hebi foe feni en nanga trawan? Punt na ini kapitel 17 ondro den onderkopjes „San foe doe te problema e kon” èn „Soekoe fasi foe ’bradi joe ati’” kan de na fanowdoe bigin foe wini den problema disi.
9 Na grontapoe foe Satan e tjari wan lo boekoe kon na doro na ini san den kontra prakseri foe libisma di de onvolmaakti e poeroe kon na doro. Fa den kan broeja sma prakseri èn kan weri den! (Prék. 12:12) Kolokoe Jehovah ben sorgoe nanga jepi foe a bijbel nanga bijbel studie-jepisani ini krin èn ferstandiki tiri. Efoe wi e gebroiki den koni disi di druk èn di de foe Jehovah na wan boen fasi, foeroe sma sa kisi jepi nanga disi foe a pasi foe kolokoe di e tan foe tégo.