Gi Gado grani na wan makandrafasi nanga wán mofo
1 Di na ini 1879 na fosi eksemplaar foe Zion’s Watch Tower ben komoto kon na doro no wan sma foe a pikin groepoe foe Gado pipel ini a ten dati ben kan abi na prakseri taki nasrefi wrokosani disi ben sa de ete ini 1985 èn ben sa meki den jere en sten ini 102 tongo gi den pipel na grontapoe. Ma Jezus no ben taki a fesi dati na „getrow èn koni srafoe” di en ben gi aanstelling bo tan de druk bezig foe „prati njanjan na a reti ten”? (Matt. 24:45-47) A de wan sani di fiti, taki den toe fosi moen foe a njoen kalenderjari e gebroiki foe pristeri wan abonnement tapoe Na Wachttoren. A jari disi wi abi spesroetoe réde foe dati.
2 Sensi a jari disi Jehovah Kotoigi leki noiti bifo ini den modern historia ben man via Na Wachttoren foe „gi grani na wan makandrafasi nanga wán mofo na a Gado èn Tata foe wi Masra Jezus Kristus” (Rom. 15: 5,6). Fa so dan? Bigin nanga 15 december 1984, èn spesroetoe moro foe bigin nanga na fosi uitgave foe januari 1985, Na Wachttoren sa kon na doro ini Bakratongo èn 22 tra tongo simultaan. Foe di disi de, den tongo di e taki na ini bigi taalkontren, dan disi wani taki taki moro leki 90 procent foe ala sowan 2.8 miljoen prékiman ini na heri grontapoe sa pristeri densrefi artikel gi den sma ini den gebied. Leki wan eksempre ini na bigin foe 1985 den prékiman ini na heri grontapoe sa gi wan faja wánfasi kotoigi foe Armageddon! Fa disi de wan span sani foe kon ferstan taki tapoe na momenti di wi ini a kondre disi e pristeri den artikel disi na den sma, wi brada ini foeroe tra kondre e kon nanga densrefi artikel disi na den sma drape toe.
3 Foe di Jehovah tjari en pipel foe doe so wan bigi sani e sori a tapoe dati a wani taki ini den laatste dé disi foe Satan seti foe sani wi komoto go na doro foe ferteri den sma foe a fasi fa sani o waka gawgaw ini a ten di de na wi fesi. Ini na uitgave foe 1 januari den e poti na aksi foe san-ede sma e taki someni foe Armageddon, èn den e tjari krin kon na fesi san Armageddon no de. Na uitgave di e waka na en baka di foe 15 januari, sa bodoi den sma foe san-ede Armageddon no de nomo foe wan presi ini na Midden Oosten, èn na wan di e waka na baka na wan dati, na uitgave foe 1 februari e sori foe san-ede Armageddon e komoto foe wan Gado foe lobi en foe san-ede na feti disi moesoe stré. Joe ati no e djompodjompo foe na winsi foe wroko nanga den serie artikel disi foe joe kan abonneer someni sma leki a kan ini februari nanga maart tapoe na „njanjan disi na a reti ten”? Ma ete wan sani de di de wan span sani gi Gado pipel.
4 A ten doro taki moro foeroe foe den brada nanga sisa na ini na heri grontapoe ibri wiki sa studeri bijna tapoe na srefi momenti na ini wánfasi na srefi jeje njanjan. Disi toe na a bakapisi foe na simultaan kon na odro foe Na Wachttoren. Omoro na déleti e waka pasa ibri weekend na abra na grontapoe pe sma e libi, groepoe baka groepoe foe Jehovah pipel sa waka go na den Kownoekondrezaal foe kisi na srefi studi tapoe na srefi weekend. Wi kan froewakti nomo wan sani taki disi sa tjari wan moro bigi wánfasi kon a mindri Gado pipel. Ooktoe disi e tron wan ekstra réde foe de nanga tangi èn wan réde foe abi moro tranga lostoe leki iniwan ten bifo foe go nanga na jeje njanjan disi na ala sma. — Ps. 145:15, 16.
5 San joe sa doe ini februari nanga maart? We now, meki wi piki tjari kon na krin dati wi e grani Jehovah, na Gado èn Tata foe wi Masra Jezus Kristus, ’na wan makandrafasi nanga wán mofo’ èn meki wi pristeri nanga faja na ibri doro ini wi gebied wan abonnement tapoe Na Wachttoren noso wi loesoe tijdschrift efoe na ososma no teki na bosroiti ete foe teki wan abonnement.