Joe e gi den kownoekondre-afersi na fosi presi ini joe libi
1 Jezus ben de klarklari foe gi en libi foe a Kownoekondre foe Gado. Di a ben tanapoe na fesi foe Pilatus èn a ben de wan afersi foe en libi, a ben tan hori doro (Joh. 18:37). Srefi di a ben de leki wan ogriman di ben e dede na a pina-oedoe, a ben poti na prakseri tapoe Gado kownoekondre leki libisma howpoe nanga di a ben taigi na ogriman: „Joe sa de nanga mi na ini na paradijs.” — Luk. 23:43.
2 Wi kan ferstan foe san-ede Jezus ben si na kownoekondre so prenspari. Seni komoto foe hemel a ben kon foe „gi kotoigi foe na waarheid”, dati Gado kownoekondre bo tiri ini regtvaardikifasi èn ben sa meki a kan, taki en wani psa soboen na ini hemel soleki na tapoe grontapoe. San ben sa gi moro bigi prisiri leki na kenki foe grontapoe kon tron na Paradijs di ’ben de fosfosi na wani èn na bedoeling foe Jehovah. Èn fa Jezus ben poti a ferwakti a wi fesi foe wan wondroe ten — foe si na heri getrow libismafamiri di e gi jesi tapoe grontapoe lontoe na ini wánfasi ini soifri anbegi!
BEREKEN DEN KOSTOE
3 Foe waka na Jezus baka ini na poti foe den kownoekondre-afersi na a fosi presi ini wi libi, no de wan koemakriki sani. Ini a libi foe ibri wan kristen wi moe abi sani di e kisi fosi presi. Jezus ben leg uit taki a ben kon na grontapoe „foe seti wan faja na tapoe grontapoe” èn dati na ini osofamiri a Kownoekondre bo tron wan afersi foe trobi di ben sa tjari prati kon. — Luk. 12:49-53.
4 Foe de gi na kownoekondre foe Gado neleki Jezus ben de, wani taki tjari wan „pina-oedoe”, nanga ala san dati wani taki. ’Bereken den kostoe’ wani taki dati wan sma de bereid foe libi den grontapoe goedoe foe en efoe den e tapoe en foe doe a dienst foe Gado (Luk. 14:27, 28, 33). Tokoe Jezus ben gi alasma na dek’ati foe de ne bakaman èn foe prati a boen njoensoe nanga ta sma. Na kisi foe tégo libi ondro na tiri foe a Kownoekondre warti ala moeiti.
NO BROKO JOE EDE MORO LANGA
5 A de wan boen sani foe wi aksi wisrefi efoe wi e gi den kownoekondre-afersi na fosi presi ini wi libi. Jezus ben leg uit: „No wan sma kan dini toe meester leki srafoe . . . Joe no kan dini Gado èn Goedoe leki srafoe . . . No broko joe ede moro langa foe joe sili ede, na na sé foe san joe o njan noso san joe o dringi, noso foe joe skin, na na sé foe san joe o weri” (Matt. 6:24, 25). Wi abi nofo bribi ini Jezus rai foe soekoe a kownoekondre fosi, nanga na fertrow taki ala den tra sani disi sa kon na tapoe toe? Noso ’wi e broko wi ede foe wi sili ede’?
6 Joe e lasi komakandra foeroetron noso joe e misi velddienstaktie foe na gemeente foe di grontapoe wroko e teki joe ten èn joe abi na prakseri taki joe no kan trafasi leki foe go soleki joe wrokobasi e aksi foe joe? Son brada no ben teki wroko pe den bo kisi moro pai, foe di na wrokoschema bo gens den theokratis wroko. Foeroe ben kon si taki son wrokobasi sa wani foe drai anoe nomo foe kan jepi wan wrokoman na ini soema den abi wan betrouwbaar wrokoman di de klari foe wroko (Kol. 3:23, 24). Na gemeente e kisi boen dek’ati te owroeman, dinari ini na diniwroko nanga pionier e gi wan boen eksempre na ini disi.
MEKI PLAN NOW
7 Foe den jongoewan foe oenoe heri esi wan nomroe sa komoto foe skoro. Oenoe e meki now plan foe wan theokratis ten di de na oen fesi? Sonwan kande abi na ini prakseri foe wroko pikinso èn dan bakaten foe go pionier. Foe san-ede joe sa skoifi na grani foe abi wan heri prati na na Kownoekondredienst foe a boen foe na tjari kon na wan foe grontapoe goedoe? Foe san-ede joe no sa bigin doe na moro prenspari sani fosi? Efoe na kownoekondre e teki na fosi presi ini joe libi foe san-ede dan joe no e go pionier fosi? Te wan grontapoe wroko e kisi na fosi presi, dan na kefar de taki joe ati e kon hebi nanga den sorgoe di sa broko joe saka ini joe pionierplan. — Matt. 6:26; Luk. 21:34.
8 A grontapoe disi e aksi soleki a de kaba foeroe foe den sma di de klari foe dini en leki srafoe, ma a de fara moro betre foe poti fertrow na ini Jehovah, di sabi wi fanowdoe èn pramisi foe sorgoe foe dati. Foe di wi e gi den kownoekondre-afersi na fosi presi, wi libi sa abi wan troetroe méne èn wi sa kisi krakti nanga san de na wi fesi na prakseri foe tégo blesi ini a ten di e kon. — Matt. 6:32; 1 Tim. 6:18, 19.