Komakandra di e jepi wi foe meki discipel
WIKI DI E BIGIN TAPOE 9 MAART
Singi 71 (32)
12 min: Wantoe sani di fiti foe Wi Kownoekondredienst èn wantoe sani foe a gemeente. Sori demonstratie foe wi tijdschrift pristeri nanga Ontwaakt! foe 8 februari. Gi dek’ati na ala sma foe teki prati na a tijdschriftwroko tapoe 22 maart.
18 min: „Tan pristeri abonnement tapoe Na Wachttoren”. Aksi nanga piki takmakandra nanga demonstratie, Aksi te joe e taki foe paragraaf 2 kommentaar ofoe ondrofenitori di abi foe doe nanga a pristeri foe abonnement na sma di sabi kaba dati wi de Jehovah Kotoigi. Poti na aksi te joe e taki foe paragraaf 3 foe san-ede a Tori foe takmakandra e fiti. Meki wan prékiman nanga ondrofeni èn di sreka ensrefi boen gi na demonstratie foe a gebroiki foe a Tori foe takmakandra èn na pristeri foe abonnement nanga Na Wachttoren foe 15 februari. Aksi efoe ten de ete na a zaal san ben meki na pristeri di den sori de wan boen wan. Gi dek’ati na ala sma foe leri, èn foe repeteer, èn foe gebroiki na Tori foe takmakandra. De positief na ini a pristeri foe abonnement. Sorgoe alaten dati joe abi abonnement formulier na joe. A kan psa heri boen dati Jehovah jeje bewégi na oso sma foe teki wan abonnement. Efoe nowan abonnement teki ofoe na oso sma abi en druk, dan toe tijdschrift kan libi na baka makandra nanga na brochure na ini Bakratongo di nen Na tiri di sa tjari na paradijs kon foe wan bijdrage foe f 1,30.
15 min: Tak-go-tak-kon nanga jepi foe den Boekoe. Takmakandra nanga na zaal foe na tori „Profétitori”, bladzijde 342-344.
(3 min.) Fesiman: Ferteri san profétitori wani taki èn gi eksempre foe bijbel profétitori di kontroe kaba.
(12 min.) Takmakandra nanga a zaal. Sortoe bijbel profétitori moe kontroe ete? (Poti prakseri tapoe Openbaring 21:3, 4) Foe san-ede kristensma abi foeroe belangstelling na ini a profétitori disi èn na ini tra profétitori? Na pisi foe na Tak-go-tak-kon-boekoe kan de boen te wi e gebroiki na Tori foe takmakandra. Aksi ala sma foe teki kon nanga den tra wiki na Tak-go-tak-kon-boekoe kon na a dienstkonmakandra. Gi tranga na ala sma foe teki prati na a weekend disi na oso-foe-oso prékiwroko.
Singi 187 (93) èn laatste begi.
WIKI DI E BIGIN TAPOE 16 MAART
Singi 196 (108)
15 min: Wantoe sani foe a gemeente. Taki foe den plan di de foe na Memrefesa. Loekoe wantoe fasi fa dek’ati kan gi den sma di abi belangstelling. Gi dek’ati na den brada nanga sisa foe bigin now nanga a kari foe sma di abi belangstelling. Behandel nanga jepi foe aksi nanga piki na artikel „Jepi trawan foe feni troe vrede nanga sékerfasi”. Wi sa pristeri na Troe vrede-boekoe na ini april.
15 min: Jehovah Kotoigi nanga skoro — Meki gebroiki now foe en? Lezing di abi en fundamenti tapoe na artikel na ini Na Wachttoren foe 1 oktober 1985. Tjari kon na ini a lezing sani san papa nanga mama èn jongoewan ben taki na ini na gemeente èn di ben abi winimarki nanga na brochure.
15 min: Na pristeri foe april. Sori na gemeente den owroe 192 bladzijde boekoe di na lektuurafdeling abi. Gi den prékiman dek’ati foe pristeri dri foe den boekoe di a gemeente abi foeroe foe den foe Sf 1,00 (wán koloe) foe wan. Poti ala-ten na owroe Troe vrede-boekoe efoe dati de ete. Aksi toe ofoe dri pionier ofoe tra prékiman nanga ondrofeni fa den sa pristeri den boekoe. Gi alaten te joe e prati na pristeri na Loekoe!-brochure foe soso. Efoe den sma no teki na pristeri foe den boekoe, gi na Loekoe!-brochure leki wan tra sani na ini en presi efoe disi de ete. Efoe na Loekoe!-brochure no de moro, pristeri toe tijdschrift na ini a presi. Gebroiki na prati foe na Loekoe!-brochure leki wan punt foe bigin wan bijbelstudie. Pristeri na oso sma foe behandel na bijbeltori di e behandel na ini a brochure na ini a pisten foe fo te siksi wiki. Disi de kande langa nofo foe wiki na belangstelling. Gi dek’ati na ala sma foe teki prati na a fosi sonde foe na moen na a velddienst.
Singi 32 (10) èn laatste begi.
WIKI DI E BIGIN TAPOE 23 MAART
Singi 5 (30)
13 min: Wantoe sani foe a gemeente. Aksi a zaal sortoe artikel den ben sa wani tjari kon a fesi na a pristeri foe na Ontwaakt! foe 22 februari èn foe san-ede. Dan meki wan koni prékiman demonstreer wan 60-seconde pristeri oso-foe-oso nanga na uitgave disi foe Ontwaakt! Aksi a zaal foe san-ede den e feni na pristeri disi boen.
15 min: Den fanowdoe foe na gemeente ofoe wan lezing di e go foe na artikel „Fa troe bribi kan jepi joe” foe Na Wachttoren foe 15 oktober 1985.
17 min: „Go séker baka”. Aksi nanga piki takmakandra di e tjari kon tapoe a gemeente. Te joe e taki foe paragraaf 5 nanga 6 loekoe situwasi foe na gemeente èn gi praktis rai nanga dek’ati.
Singi 30 (106) nanga laatste begi.
WIKI DI E BIGIN TAPOE 30 MAART
Singi 46 (20).
10 min: Wantoe sani foe na gemeente, verslag foe moni-afersi nanga theokratis njoensoe.
20 min: „Sori warderi gi na pionierdienst.” Aksi nanga piki takmakandra, èn baka dati wan féfi minut takmakandra nanga gewone ofoe jepi-pionier di famir’man ofoe trawan e jepi foe go na ini na pionierwroko. Fa den ben kisi jepi? San ben gi den dek’ati èn tranga den? San den ben doe densrefi foe tranga densrefi na ini a faste bosroiti foe den nanga na jepi foe Jehovah foe tan na ini a pionierwroko èn foe meki a waka boen? Gi leki wan bosroiti na ala sma di abi na okasi foe doe dati foe dini na ini april nanga mei leki jepi-pionier.
15 min: „Pristeri na boen njoensoe — Nanga Tak-go-tak-kon-boekoe”. Aksi nanga piki. Gi wan demonstratie foe den rai di kan gebroiki na ini a gebied foe oenoe: foe paragraaf dri nanga fo. Den demonstratie disi moe de sjatoe èn moe sreka boen a fesi. Meki a zaal gi kommentaar baka ibri demonstratie foe san-ede stof foe na boekoe sa de boen na ini a gebied foe a gemeente.
Singi 34 (8) èn laatste begi.