Komakandra di e jepi wi foe meki discipel

WIKI DI E BIGIN TAPOE 6 APRIL

Singi 128 (60)

12 min: Wantoe sani foe na gemeente. Poti prakseri tapoe sani di de na ini na artikel „Meki na prati foe tijdschrift kon moro hé na ini april nanga mei”. Kari prékiman nanga pionier foe hé na persoonlek bestelling foe den fo uitgave disi foe Na Wachttoren. Gi dek’ati na ala sma foe teki prati na a tijdschrift-wroko na tapoe na di foe toe satra na ini a moen.

20 min: „Abi wan prati dorodoro na ini den activiteit ini april”. Hori wan takmakandra foe na artikel nanga aladi na zaal e teki prati na ini. Ferteri na gemeente te joe e taki foe paragraaf 3 foe na nomroe foe jepi-pionier di ben de ini april ini na gemeente na ini 1985; Gi dek’ati na ala sma di man foe doe dati foe gi den nen leki pionier ini na jari disi. Ferteri den brada nanga sisa te joe o taki foe paragraaf 5 sortoe moro owroe boekoe de na ini na gemeente foe prati na ini april na ini a veld.

13 min: Meki wan boen gebroiki foe Tori foe takmakandra. Sjatoe demonstratie foe a boen gebroiki foe na tori di wi e gebroiki now èn pe joe kan sori fa disi kan tai nanga na boekoe pristeri foe april. Gi dek’ati na ala sma foe tjari kon nanga den na a dienstkomakandra na Tak-go-tak-kon-boekoe.

Singi 181 (29) èn laaste begi

WIKI DI E BIGIN TAPOE 13 APRIL

Singi 65 (36)

8 min: Wantoe sani foe na gemeente, verslag, foe a moni afersi èn Theokratis njoensoe.

12 min: „Na gemeente boekoestudi”. Aksi-nanga-piki takmakandra, a moro boen taki wan owroeman di de wan studi-leider behandel disi. Taki moro foeroe foe punt di na gemeente foe joe abi foe poti prakseri a tapoe.

25 min: Gebroiki na gobaka a Tak-go-tak-kon nanga jepi foe den Boekoe. Lezing nanga demonstratie. Paulus ben teki a wroko foe wi gersi nanga wan gronman di no wawan e prani ma ooktoe o nati, èn moro fara te leki Gado „meki a gro”. Paulus ben prani foe di a ben tjari a boen njoensoe, Apóllos ben wroko a gron foe di a ben gi leri moro fara. Apóllos tapoe wan krakti fasi ben meki gebroiki foe den boekoe foe ’nati’, net soleki fa wi e doe dati foe di wi e tjari bodoi foe a bijbel kon a prakseri foe den sma di abi belangstelling. — 1 Kor. 3:5-7; Tori 18:27, 28.

Wan jongoe brada ini a zaal e opo en finga; aladi a bréti foe kan gebroiki now Tori foe takmakandra na ini a veld, a no ben tjari gobaka ete, a no de séker foe en zaak èn a abi pikinso ondrofeni na ini a gebroiki foe na bijbel. San a moe doe ofoe a oso-sma abi aksi pe a no sabi a piki foe en? A fesiman e kari a brada kon na a podium. A e tjari kon na krin dati Jehovah sabi san wi abi fanowdoe èn nanga jepi foe en organisaatsi a ben sorgoe ini wan jepi. A e meki a si fa na Tak-go-tak-kon-boekoe e taki foe difrenti sortoe tori nanga aksi. A e tjari kon a krin fa foe feni den bodoi foe di joe e meki gebroiki foe na index nanga a lijst na fesi foe na boekoe. A fesiman e pré sjatoe na rol foe na oso-sma di e taki dati a e bribi, dati, te Jezus Kristus e kon baka ala sma sa si en (Openb. 1:7). Dan a fesiman e jepi en foe feni den bodoi di e gi tapoe bladzijde 424 nanga 425. A jongoe brada, o gebroiki den bodoi ini a boekoe, e tak-go-tak-kon nanga a oso-sma èn a e taki dati a o gi en satisfaksi foe kan gi en piki; a abi now moro fertrow.

Fesiman e go moro fara nanga en lezing. Foeroe sma e teki soso nomo lektuur sondro foe aksi sani ofoe sori spesroetoe belangstelling. Na ini foeroe geval wi kan poti na fondamenti foe gobaka foe di wi o poti wan aksi. Demonstratie: Baka te, na oso-sma teki na pristeri na prékiman e kon baka tapoe na tori foe takmakandra èn ai aksi: „Fa wi kan de séker dati wi sa si ete den toestand disi di Gado ben pramisi na ini a ten foe wi libi? Mi ben sa wani kon nanga ala prisiri baka wan toe dé na joe foe meki joe si a piki di, Jezus ben gi tapoe na aksi dati.” Na oso-sma e agri nanga dati. Na fesiman e aksi a prékiman san a abi na prakseri foe taki na a gobaka. A prékiman e sori na materiaal ondro na ede „laatste dé” ini na Tak-go-tak-kon-boekoe èn na wan toe punt di a wani gebroiki foe go moro fara tapoe san a ben taki foe en na wan okasi na fesi. Na gebroiki foe den rai disi na ini na velddienst kande sa meki wan bijbelstudi kon.

Tapoe na takmakandra foe di joe e sori krin dati wan gobaka no afoe de wan langa takmakandra; kande joe e gebroiki soso toe ofoe dri punt foe a bijbel. Kande difrenti fisiti de fanowdoe bifo jeje apéteit foe na oso-sma opo nofo foe teki wan bijbelstudi (Matt. 5:3). Na Tak-go-tak-kon-boekoe kan de wan jepi foe di a abi foeroe punt pe sma nofotron e aksi sani foe en èn e gi piki nanga jepi foe den Boekoe, Gi ala sma dek’ati foe poti ten na wan sé gi gobaka. Fertrow a tapoe dati Jehovah sa hari sma nanga wan opregti ati kon na a waarheid. — Tori. 16:14

Singi 156 (83) nanga laatste begi.

WIKI DI E BIGIN TAPOE 20 APRIL

Singi 197 (57)

10 min: Wantoe sani foe a gemeente èn wantoe sani foe oen Kownoekondredienst

15 min: „Pristeri na boen njoensoe — Foe di joe e wroko a gebied finifini”. Aksi nanga piki. Poti krakti na tapoe punt di abi te make nanga na situwasi na ini a gebied foe na gemeente. Ferteri wan ofoe toe boen ondrofenitori foe a gobaka a sma di no ben de na oso.

20 min: „Troe vréde nanga sékerfasi”. Lezing foe 5 minut foe paragraaf 1-4. Meki sma ori fo sjatoe demonstratie pe joe e gebroiki punt foe paragraaf 5-8. Na paragraaf 5 nanga 6 den demonstratie kan bigin baka a lési foe Openbaring 21:3, 4. Go taki nanga a zaal foe den demonstratie, efoe ten e gi pasi foe dati èn tapoe nanga punt foe paragraaf 9.

Singi 97 (50) nanga laatste begi.

WIKI DI E BIGIN TAPOE 27 APRIL

Singi 84 (30)

5 min: Wantoe sani foe na gemeente.

15 min: Sani di a gemeente abi fanowdoe, ofoe lezing foe na artikel „Jehovah de eenvoudig kefarlek bigi!” foe Na Wachttoren foe 1 december 1985.

15 min: Jariboekoe 1986. Owroeman e teki fesi ini takmakandra nanga toe ofoe dri prékiman di de wan boen eksempre èn di e taki foe wan toe moi velddienst ondrofenitori. Teki a mindri den di e kon now: yb86, blz. 16, par. 1; blz. 18, par. 4, 5; blz. 21, par. 1, 3; blz. 22, par. 3; blz. 29, par. 2; blz. 33 par. 2; blz. 44, par. 2. (Tra ondrofenitori kan ferteri toe.) Gi dek’ati na ala sma foe lési na Jariboekoe 1986 foe kan njan boen foe en na jejefasi.

10 min: Ferteri foe den sani di seti foe velddienst. Memre na gemeente omeni sma de ini april na ini a jepi-pionierdienst èn dati a no lati ete foe gi wan aksi foe de pionier ini mei. Aksi wan toe ooktoe na ini na zaal foe ferteri fa den e njan boen foe na Troe vréde-boekoe èn foe san-ede den e prakseri dati a sa de boen gi na gebied.