Komakandra di e jepi wi foe meki discipel
WIKI DI E BIGIN TAPOE 6 JULI
Singi 148 (81)
10 min: Wantoe sani foe a gemeente èn wantoe sani foe Wi Kownoekondredienst.
20 min: „Sori taki joe e go na fesi ini joe diniwroko.” Aksi-nanga-pikitakmakandra foe na artikel. lési den paragraaf èn tekst di den no skrifi na ini na paragraaf sofara a ten e gi pasi. Meki den brada nanga sisa si nanga jepi foe toe boen demonstratie di sreka a fesi èn di fiti fa na Tégo libi-boekoe kan pristeri na sma na ini na gebied foe a gemeente. Sori a tapoe dati Romeini 16:20 den e gebroiki na ini Tori foe takmakandra. Fiti na materiaal nanga den fanowdoe foe na gemeente.
15 min: A sreka di osofamiri moe sreka den srefi na tapoe na velddienst. Wan takmakandra foe wan osofamiri. A edeman foe na osofamiri e teki fosi na ini a takmakandra nanga oema èn pikin, pe joe abi a mindri wán pikin di no de wan tini ete èn wan moro owroe tini. A papa e poti a prakseri na tapoe den bodoi na tapoe bladzijde 11 na ini a Tak-go-tak-kon-boekoe nanga na ede „Osofamiri/Pikin”. A e tjari a prakseri kon na fesi taki den inleiding disi e fiti heri boen na a Tori foe takmakandra di wi e gebroiki now. Na oema e agri nanga disi. Den e aksi en fa en prakseri foe gebroiki den inleiding disi makandra nanga Tori foe takmakandra èn foe pristeri na Tego libi-boekoe. A abi a méne dati na pristeri disi sa de heri boen ini na gebied foe a gemeente pe foeroe osofamiri nanga pikinnengre e libi. A ben e feni en wan moi sani efoe wan foe den pikin kan go nanga en oso-foe-oso èn kan lési wan foe den tekst di a sa gebroiki. A papa e aksi wan moro owroe manpikin ofoe oemapikin fa jongoewan ben sa kan gebroiki na materiaal disi tapoe wan boenfasi na ini na oso-foe-oso-diniwroko. Baka te wan moro jongoewan taki na ososma odi a ben sa kan aksi efoe pikin de na ini na osofamiri èn kan aksi na ososma sortoe tamara en pikin ofoe tra jongoewan abi ini a ten disi leki fa en e prakseri. Na jongoe prékiman ben sa kan taki dati ala di foeroe jongoe sma e lasi ati foe san a ten di e kon abi gi den, en de nanga prisiri, tangi foe den sani foe a bijbel di a ben leri foe en bigisma. Disi ben sa kan tjari en go na tapoe Tori foe takmakandra di wi e gebroiki now. Moro fara na pikin di no de wan tini ete kan kisi jepi nanga wan sreka foe wan sjatoe pristeri di kan gebroiki foe pristeri na Tégo libi-boekoe ofoe den tijdschrift di wi e gebroiki now ofoe den ben kan sori fa a pikin kan pristeri wan tractaat ofoe kari efoe a e wroko nanga na papa ofoe a mama. A fesiman moe gi papa nanga mama dek’ati foe teki a ten foe jepi osofamiriman foe sreka densrefi a fesi na tapoe na oso-foe-oso diniwroko di wani taki wan sani.
Singi 126 (69) nanga laatste begi.
WIKI DI E BIGIN TAPOE 13 JULI
Singi 14 (6)
12 min: Wantoe sani foe a gemeente èn verslag foe na moni afersi. Prijse na gemeente foe na pikin fasi di den e gi na Kownoekondrewroko. Efoe na gemeente ben kisi wan bijdrage foe en dan dati kan lési gi a gemeente. Gi tranga na ala sma di kan foe teki prati na a tijdschrift-wroko ini a satra di e kon. Taki sjatoe foe hémarki foe den tijdschrift di wi e wroko nanga den èn di sma na ini a gebied sa abi belangstelling foe den. Demonstreer wan pristeri di fiti nanga jepi foe na Wachttoren èn wán nanga Ontwaakt! Den demonstratie moe de ter zake èn no moro langa leki wan minuut.
20 min: „Pristeri na boen njoensoe — Foedi joe o go wantewante baka na belangstelling di joe feni.” Aksi-nanga-pikitakmakandra. Te joe e loekoe paragraaf 4 meki wan prékiman demonstreer fa a e meki wan mofo na a fosi fisiti foe tjari wan gobaka bakaten na ini na srefi wiki. Baka te joe loekoe paragraaf 6 nanga 7 demonstreer fa ososma no e teki a pristeri èn a prékiman e go doro nanga wan sjatoe takmakandra foe a bijbel. Te na prékiman nanga na patna foe en e waka komoto foe na doro, den e taki foe san-ede den moe go baka.
13 min: „Joe kan teki tranga leri?” Wan lezing di e hori gi a gemeente èn di abi en fundamenti na tapoe na artikel di e bigin na tapoe blz. 26 foe Na Wachttoren foe 1 mei 1986.
Singi 138 (71) nanga laatste begi.
WIKI DI E BIGIN TAPOE 20 JULI
Singi 133 (68)
12 min: Wantoe sani foe a gemeente. Theokratis njoensoe èn na velddienst bericht foe na gemeente. Dienstopziener ofoe wan tra bekwaam brada e prijse a gemeente foe a go na fesi di meki na ini na velddienst èn e poti krakti na tapoe positief punt na ini na bericht. A kan gi rai di e fiti foe tra kenki di kan tjari kon èn o poti krakti na tapoe a wroko di a gemeente abi foe foe a préki foe a „boen njoensoe foe a Kownoekondre” (Mattéus 24:14). Poti prakseri na tapoe hépunt foe na dienst bericht foe april foe na heri kondre èn na prati di a gemeente ben abi ini disi.
18 min: „Tan de actief na ini a prékiwroko na ini den moen di e kon”. Wan lezing pe wantoe aksi e poti gi na zaal. Ferteri foe sortoe spesroetoe velddienst activiteit na gemeente sonten ben orga ini den moen di e kon. Gi dek’ati na osofamiri edeman foe seti sari foe go na ini a velddienst na a ten foe fakansi ofoe te den e fisiti na „Vréde foe Gado”-distriktkongres. Ooktoe ondrofenitori di fiti kan tjari kon na ini disi foe sani di ben seti èn di ben waka boen di sonwan ben doe na ini a jari di sonwan ben doe na ini a jari di ben psa ofoe wan sjatoe interview kan hori nanga wan famiri edeman ofoe groepoe ini a tori foe plan gi den moen di e kon.
15 min: Fanowdoe foe na gemeente ofoe „Begi na fesi foe trawan nanga wan sakafasi ati”. Lezing di abi en fundamenti na tapoe na artikel di e bigin na tapoe blz. 21 foe Na Wachttoren foe 15 mei 1986.
Singi 31 (99) nanga laatste begi.
WIKI DI E BIGIN TAPOE 27 JULI
Singi 144 (78)
10 min: Wantoe sani foe a gemeente. Ferteri fa na wroko nanga na Tégo libi-boekoe ben waka. Bijbelstudie ben opo? Gi tranga foe abi na a kaba foe a wiki disi wan prati na a velddienst dorodoro, èn ooktoe na a tijdschriftwroko tapoe a satra disi.
20 min: „Hori wan tranga bribi nanga jepi foe persoonlek studie”. Hori, baka wan sjatoe inleiding di abi en fundamenti tapoe paragraaf wan aksi-nanga-pikitakmakandra foe den tra paragraaf. Lési den paragraaf èn den tekst di no skrifi sofara na ten e gi pasi. Te joe e loekoe paragraaf 6 tjari wantoe praktis rai kon na ini di brada foe na gemeente ben gebroiki na wan fasi di ben tjari wini kon. Wan prékiman kan ferteri sjatoe ooktoe san ben jepi en foe meki en studie gwenti kon moro boen èn foe tranga en bribi.
15 min: Fanowdoe foe a gemeente ofoe behandel „Aksi foe lésiman” foe Na Wachttoren foe 1 mei 1986.
Singi 202 (24) èn laatste begi.