Komakandra di e jepi wi foe meki discipel

WIKI DI E BIGIN NANGA 5 OKTOBER

Singi 6

10 min: Wantoe sani foe a gemeente. Theokratis njoensoe. Ferteri foe den sani di seti foe a velddienst foe a wiki. Gi tranga na ala sma di abi wan prati na a diniwroko.

20 min: „Tan meki na kownoekondre foe Gado bekenti na alasé”. Na sekretarsi e taki foe na artikel makandra nanga a zaal. Loekoe tapoe wan faja fasi na hémarki foe a dienstjari 1986 èn tjari kon na inisé san na gemeente ben doe. Gi tranga na ala sma foe poti redelek marki ini a dienst a den fesi. Te joe e behandel a pristeri foe na Gado mekisani-boekoe, meki wan bekwaam prékiman hori wan eenvoudig lezing aladi a e meki gebroiki foe Kownoekondre njoensoe nr. 33, soleki tanapoe tapoe bladzijde 8 foe oen Kownoekondredienst foe december 1985. Demonstreer moro fara na pristeri aladi joe e gebroiki tori foe takmakandra.

15 min: Aksi-boksoe. Takmakandra di wan foe den memre foe na dienstcomité foe na gemeente e hori. Meki kon a fesi dati a dopoe kandidaat moe de wan sma di tai ensrefi nanga a gemeente di a gemeente feni boen, wan sma di de klari foe gi ensrefi abra na Jehovah ofoe di doe dati kaba. A de a moro boen sani dati na kandidaat no wakti te leti fesi wan bigi komakandra foe ferteri foe a winsi foe en foe teki dopoe.

Singi 202 èn laste begi.

WIKI DI E BIGIN NANGA 12 OKTOBER

Singi 116

10 min: Wantoe sani foe a gemeente èn foe a moni afersi foe a gemeente. Fa a de nanga den velddienst di seti èn sma e go na den? Ferteri ondrofenitori pe e sori den winimarki te wan sma e de na den velddienst seti. Gi dek’ati na ala sma foe teki prati na a satra di e kon na a tijdschriftwroko èn poti na prakseri tapoe punt foe takmakandra foe pristeri den tijdschrift di wi abi now.

15 min: „Jepi moro njoen prékiman”. Lezing nanga takmakandra nanga zaal. Gi dek’ati na wan brada nanga sisa foe seti sani foe wroko nanga difrenti njoenwan foe jepi den foe kon moro boen ini na velddienst.

20 min: Kweki belangstelling gi na Gado mekisani-boekoe. Lezing nanga demonstratie. Foeroe Gado mekisani-boekoe prati ini na veld. Wi de srekasreka foe go loekoe na belangstelling sodati dati no flaw ofoe dede? Meki toe prékiman taki nanga makandra foe a gebroiki foe a stof ondro na edeprakseri („Evolutie” ini na Tak-go-tak-kon-boekoe, foe bigin tapoe bladzijde 130. Poti spesroetoe na prakseri na tapoe den toe prakseri di e tjari kon na krin na tapoe bladzijde 135 nanga 136 pe wan foe den e tjari a bribi ini evolutie kon na fesi èn a trawan e èrken a de foe wan Mekiman. Meki den brada nanga sisa si fa wi kan gebroiki den bodoi disi ini na oso-foe-oso diniwroko ofoe tapoe gobaka. A fesiman e sori tapoe a Gado mekisani-boekoe, e poti krakti tapoe dati na toemsi moi materiaal no wawan e sori taki evolutie no de troe, ma e bow bribi toe. Sortoe tori ben sa abi na belangstelling foe na ososma? A boekoe meki nanga aksi foe sma kan studeri en. Kapitel 3 e go foe materiaal foe Genesis di wi sabi. Ofoe kande na materiaal ini kapitel 16, nanga 17 di e go „Foe san-ede Gado ben sa libi pina?” èn „Joe kan poti fertrow ini na bijbel?” ben kan taki nanga na ati foe na ososma. Efoe ten e gi pasi, dan toe prékiman kan demonstreer fa den kan opo studie foe di den e meki gebroiki foe na toemsi moi publikatie disi.

Singi 151 nanga laste begi.

WIKI DI E BIGIN NANGA 19 OKTOBER

Singi 191

7 min: Wantoe sani foe a gemeente èn wantoe sani foe Oen Kownoekondredienst di joe e feni boen.

20 min: „Oen jongoewan, oen de progressief ini a diniwroko”. Aksi-nanga-piki-takkimakandra, makandra nanga wan takmakandra nanga toe ofoe dri jongoewan di e poti krakti na tapoe marki di kari na ini na artikel.

18 min: Hori na waarheid foe na Gado mekisani-tori hé. Lezing nanga demonstratie di abi en fundamenti tapoe Ontwaakt! foe 8 juli 1983 blz. 12-15, èn Tak-go-tak-kon-boekoe blz. 386, a di foe dri pisi. Wan lezing foe féfi minuut moe tjari na difrenti kon a krin na mindri san den fundamentalistsma e taki dati den siksi meki-dé ben langa ibriwan 24 joeroe èn na bijbel leri dati Gado mekisani. Te wi e pristeri na Gado mekisani-boekoe, dan wi moe de srekasreka foe sori taki na fowtoe prakseri foe den fundamentalistsma èn a evolutie-theorie no boen. Demonstreer fa prékiman e taki nanga wan sma di no e bribi na ini evolutie ma e denki dati na meki di Gado meki sani ini dé foe twenti na fo joeroe a ben psa. Prékiman e gebroiki a materiaal foe a Tak-go-tak-kon-boekoe foe jepi na ososma foe tak-go-tak-kon foe na afersi èn foe meki a si fa so wan leri ben de wan ston gi sma foe naki foetoe, sma di ben abi pikin sabi foe na stoffelek universum. Ososma e teki a tori boen, e teki a boekoe èn e kari a prékiman foe kon baka. Fesiman e bosroiti foe di a e gi dek’ati na ala sma foe sabi den troe tori foe na bijbelleri dati Gado mekisani di tjari kon na krin na ini na publikatie foe na Genootschap.

WIKI DI E BIGIN NANGA 26 OKTOBER

Singi 13

10 min: Wantoe sani foe na gemeente. Gi dek’ati foe teki prati na a tijdschriftwroko tapoe a di foe fo satra foe na moen. Demonstreer toe tijdschrift pristeri di sreka boen èn gebroiki den Wachttoren di wi e wroko nanga den ini a wan èn den Ontwaakt! di wi e wroko nanga den ini wan tra lézing.

15 min: „Pristeri na boen njoensoe leki osofamiri”. Owroeman nanga dinari ini a diniwroko di de wan papa e taki nanga pikin foe difrenti libi marki. Baka a takmakandra den e gi spesroetoe kommentaar foe na fasi fa den abi na prakseri foe poti na rai ini den libi.

12 min: Fanowdoe foe a gemeente ofoe lezing ’Fa foe djompo abra na olo di de mindri bigisma nanga jongoesma.’ Efoe sani di a gemeente abi fanowdoe no de, dan owroeman e taki fa na wroko nanga jongoesma ini a dienst èn tra fasi sa de wan jepi foe hori na kommunikaatsi opo. Behandel den artikel „Joe kan djompo abra na olo mindri bigisma èn jongoesma?” ini Ontwaakt! foe 22 juli 1986.

8 min: Ondrofenitori foe na prati foe na Gado mekisani-boekoe. Teki ondrofenitori di e meki oen si den boen bakapisi te oen gebroiki theokratis rai ini a pristeri foe na Gado mekisani-boekoe.

Singi 20 èn laste begi.