Aksiboksu

● Fu san-ede wi musu studeri tu publikatie nanga nyun sma, srefi efu kande den teki dopu bifo den tu buku klari?

Te wi e leri nyun sma na waarheid, dan sonwan sa ferstan èn teki dati moro gaw leki trawan. Sonwan na ini wan kefarlek syatu pisten bifo a dopu kan kon so fara. Ma a de prenspari dati ala sma di e leri sabi Yehovah ’mu kon furu nanga soifri sabi fu en wani, ini ala koni èn yeye ferstan fu sani, sodati den mag waka na tapu wan fasi di de warti gi Yehovah fu plisi en dorodoro’ (Kol. 1:9, 10). Te nyun sma studeri na Tego libi-buku krinkrin èn baka dati na Tyari kon na wan ini na tru anbegi-buku ofu Tru vrede-buku, dan den sa kisi yepi fu du disi.

Fudi biginbigin na studenti e studeri wan buku fu den fundamenti leri, èn bakadati wan buku di e go fu kristen eigifasi, dan a e kisi wan bun sabi. A e leri ooktu fu sabi fundamenti gronprakseri di e bepaal na persoonlijk waka nanga libi èn na anbegi èn di de fu bigi belang fu tron wan tru kristen. Ibriwan sma di e kon na ini Yehovah organisatie, mu tron wan bigisma ini ferstan fu si san de ini na fundamentele kristendom. — 1 Kor. 14:20.

Boiti fu dati, na ondrofeni ben sori taki, fu kon de wan bigisma ini ferstan, na yepi fu wan lepi leriman de fanowdu. O prenspari a de ooktu fu leisi den publikatie persoonlijk èn fu fisiti komakandra pe den e studeri disi, toku disi no alaten e tyari na koni èn na yeye ferstan fu sani di na nyun sma abi fanowdu fu dini Yehovah tapu wan fasi di a e teki. Fu doro na hei fu wan bigi sma ini ferstan, dan wan persoonlijk bijbelstudie nanga wan leriman de wan sani di wi no kan tan sondro en (Tori. 8:30, 31). Dus efi srefi wan sma kan de e kisi dopu bifo en studie fu den buku di kari dya na tapsei klari, dan koni e sori dati en osobijbelstudie mu go doro te leki a klari a studie fu den tu buku nanga wan fu Yehovah Kotoigi. Na sma di e hori a studie mag teri a ten, na gobaka èn na bijbelstudie te leki a tweede buku klari, srefi awinsi na studenti ben dopu.