Aksi boksoe

● Sortoe toe boekoe moesoe stoeka nanga njoen bijbelstudie?

Na wan heri pisi ten wi ben taki dati den sma di e hori wan osobijbelstudie moe studeri toe boekoe foe na Genootschap, krinkrin, sodati na sma nanga soema den e stoederi abi na okasi dorodoro foe kon kisi wan soifri sabi foe na waarheid. Na prakseri di ben tjari wi dati na sma di ben kisi leri no wawan moe kisi wan boen froestan foe den fundamenti leri foe na bijbel, ma sosrefi toe moe froestan finfini foe san na bijbel e leri foe den moreel markitiki, wan kristenlibifasi èn afersi di abi foe doe nanga dati. Wi abi na bribi dati a fasi disi wi moe waka te now ete na en baka. Wi wani doe ala san san wi kan foe sreka den sma nanga soema wi e studeer tapoe san didon ini a ten di e kon. Foe dat’ede wi wani leri den toe finfini Jehovah prakseri èn den hé kristenmarkitiki èn wet di tanapoe ini na bijbel. Efoe wan sma di e kisi leri e teki dopoe bifo a studeri den toe boekoe krinkrin, dan a ben sa boen efoe a studeer go doro baka en dopoe. Na ten, go-baka èn studi na prékiman sa skrifi tapoe en rapport te leki na tweede boekoe ben klari krinkrin foe studeer.

Efoe na bijbelstudie e hori na anoe foe na moro njoen boekoe, Joe kan libi foe tégo na ini wan paradijs na grontapoe, dan na tweede boekoe kan de „Joe Kownoekondre moe kon”. Efoe na fosi boekoe di bestuder de „Joe Kownoekondre moe kon”, dan na tweede boekoe kan de a „Tégo libi”-boekoe. A no de foe taki dati den brada nanga sisa efoe den boekoe disi no de ini na tongo foe den, moe gebroiki san den abi.