Sai fayafaya, koti froktu nanga prisiri ini februari nanga maart
1 A sreka fu na grontapu sodati libisma ben kan libi a tapu ben go makandra nanga wondrufasi fa sani ben waka. Bakadi ini na fosi presi diffuus leti ben miti a grontapu, èn wan „loktu” sori ensrefi, dan wan sani ben psa di ben de wan nyun sani krinkrin. Ini a di fu dri ’mekidei’ Yehovah ben meki a wondru kon fu na REPRODUCTIE: fu na fositron wan sani di ben meki, ben sa kan meki en eigi sortu baka! Èn so a ben psa dati na a kaba fu na di fu dri pisten fu meki sani dri ede-sortu fu bon wiwiri gi na gron ben meki. Na tori e taki: „’Na grontapu mu meki grasi sproiti kon, bon di e meki siri, froktubon di e meki froktu na a sortu fu den, fu san a siri de na ini en, tapu na grontapu.’ Èn a ben de so.” — Gen. 1:3-11.
2 Yehovah ben kisi bigi nen fu na moifasi fu ontwerp, den tumsi moi kloru èn den difrenti sortu smeri fu na mekisani disi. Wan fundamenti ben poti fu libi go morofara na grontapu. Na zuurstof fu na loktu di libisma bakaten ben sa hari go na inisei, ben sa kon fu den grun wiwiri. Heri esi na libisma libi ben sa tai nanga na aladei wondru fu srefi a grun grasi ondro a futu fu den.
3 Furu yarhondro a baka Yesus ben gebroiki na proces fu sai èn a koti fu nyanyan leki wan agersitori fu leri sma prenspari waarheid, soleki e kon a krin na ini Matteus 13. Na so a ben teki ini a tori fu na preikiwroko „na wortu fu na kownukondre” gersi nanga siri di e sai (Matt. 13:18, 19). Disi de spesrutu fu belang gi wi leki dienstknegti fu Yehovah ini a ten disi fu na kaba, fudi a de na wroko fu wi fu gi wan kotoigi na a heri grontapu èn fu meki disipel. — Matt. 24:14; 28:19, 20.
4 Now wi sabi dati sai, te den bakapisi no de wantewante fu si, aksi muiti, ma na kotiwroko sma sabi leki wan tumsi prisiri ten (Ps. 126:5, 6; Yes. 9:3). Wi abi sobun pikinso dekati fanowdu fu sai fayafaya, fu kan koti bakadati ooktu nanga prisiri. Meki fu dat’ede wi go luku wán spesrutu pisi fu na saiproces di Yehovah ben poti fu moro krosibei.
WAN SPESRUTU FASI FU NA SAIPROCES
5 Na fasi di wi e bedoel kande moro bun wi kan sori en nanga wan eksempre di e taki nanga wi. Teki pikinso na moro bigi sani di e libi na grontapu — na kefarlek bigi sequoia. A bon disi a hei moro leki 90 meter. Moro leki wan meter tapsei fu na gron a kan abi a lontu fu en fu wan sani fu 11 meter. Wán bon abi nofo udu fu bow 50 oso di abi siksi kamra. Den rutu abi wan oppervlakte fu 12.000 te 16.000 m2. Ai libi moro leki 3000 yari. Na pikin siri na ini san na kefarlek bigi langa bon disi de ini, no ben de moro bigi leki wan pina-ede di lontu nanga pikin wiwiri leki frei. Ma fu ibriwan fu den milyunmilyun pikin siri di na sequoia e meki fadon wan nyun bigi bon e gro?
6 Wán buku, na buku Na wondru grontapu fu na natuur e ferklari: „Siri di e piripuru èn di a kefarlek bigi udu disi e meki, de so pikin, dati moro leki 10.000 siri e go ini wan ons. Sowan 96 èn 304 siri e de ini wan kegel, èn den kegel srefi de so kefarlek pikin — pikinmoro bigi leki wan bigi knopo fu leer. Den no e kon lepi bifo na kaba fu na di fu tu seizoen, èn moro fruku na a kaba fu na di fu di fu dri seizoen den e opo den buba èn e meki den pikin siri lusu fadon; den disi e kon no so bun fara fu na mamabon. Pikinmoro 14% fu den pikin siri abi nofo krakti fu gro. Èn langa bifo den bigin sproiti eekhoorn nanga Vlaamse gaai e fadon na den tapu. Furu e lasi ini den blad di e rot tapu a gron fu a busi. Fu 1 milyun siri na wan bon ini na bigi dreiten kande wán nomo e go sproiti, efu nanga na watra fu a sneeuw èn na son fu na lati lente ini den bergi finga di abi libi e fasi en.”
7 Disi e tyari wi kon tapu a seryusufasi fu na saiproces di wi wani poti krakti a tapu: furu moro mu sai leki te fu kaba o gro kon! A leri fu Yesus ben de ini akruderi nanga na gronprakseri disi ini na natuur. A ben taki fu siri di ’ben fadon a sei pasi, tapu den stonpresi, a mindri den maka’. Ma wantu siri ben fadon „tapu na bun gron èn ben go meki froktu” (Matt. 13:3-9). Now wi e ferstan moro bun fu san-ede na ’getrow èn koni srafu-klasse’ e poti someni krakti a tapu a prati fu lektuur. Omoro ’wortu fu na Kownukondre’, efu a de now nanga wortu di e taki ofu nanga wortu di druk, e sai, omoro bigi a kans de tapu wan moro bun koti fu froktu. Fu sensi na kaba fu na yarhondro di psa, te nanga now, dan na a heri grontapu sowan 9 milyard pisi lektuur prati, nanga na kefarlek bigi bakapisi dati now moro leki 3 milyun sma fayafaya èn nanga prisiri de ini na sai èn kotiwroko.
GEBROIKI NA GRONPRAKSERI TAPU NA ACTIVITEIT FU BUKU
8 Ini den mun februari nanga maart wi e wroko nanga na buku Libi fa a du kon . . . fu Sf 15,00 (bigi formaat). Nanga na bigi go a fesi tapu a kontren fu fototypeset nanga druk meki a Genootschap man noya fu tyari kon a doro tumsi moi buku, soleki fu eksempre na Schepping-buku disi.
9 Ini den yari di psa dan den activiteit fu prati buku ben waka tumsi bun. Bika, luku pikinso: o moi wi ben wroko nanga den nyun publikatie soleki na Tego libi-buku èn nanga na Schepping-buku. A de krin dati Yehovah ben blesi dan sortu fu muiti dati. Èn disi de gi na heri veld na a grontapu, bika wi kan firi wisrefi wan nanga wi brada ini den furu kondre, di abi den sortu activiteit disi. O kefarlek bigi èn furu na siri de di e sai na tapu a fasi dati!
10 Na a bigin fu na disiten activiteit fu yehovah Kotoigi ini den yari 70 fu na yarhondro di psa èn den yari baka dati ben abi leki marki na meki bekenti fu fundament bijbelleri di den ben go ferstan. Na dri-wanfasi bere ben puru kon a doro, èn a positie fu Yehovah Gado, en Manpikin èn na santa yeye leki na wrokokrakti ben kon na krin. Den ben ferstan dati a sili e dede, èn dati nowan tego pina ini wan helfaya de. Na waarheid fu Yesus ofrandi dede leki gronleri fu den Buku, den 144.000 di ben bai puru fu na grontapu èn di sa wiki go leki mede-erfgenaam ini na hemel Kownukondre, ben gi wan bun luku ini Yehovah prakseri. Na kon ferstan fu Kristus denoya sondro fu ai si en èn san na yari 1914 wani taki ben meki na firi fu wan tranga fanowdu fu a ten kon. Nanga den krakti waarheid disi sma ben man fu gwe libi falsi fasi fu anbegi èn tron prisiri prijseman fu Yehovah.
DEEL 2
11 Fa a ben sa de wan kefarlek moi sani efu wan pisi fu na bigi hoeveelheid siri disi ben sa gro èn ben sa tron bedinari na yeyefasi di e meki froktu. Ma fa a de now nanga ala den buku disi di e prati, ma di sma no e du wan sani moro te yu meki gobaka? A saiwroko dati de muiti di lasi? Go prakseri pikinso baka na ala den pikin siri fu na sequoia, di no ben abi krakti fu gro. Furu fu den ben dini tog wan marki a ben de so dati den eekhoorn èn den Vlaamse gaaien ben nyan bun fu den. Na so ooktu na prati fu ala den buku dati, ooktu awinsi den ososma bakaten no e teki sani na wan bun fasi, ben dini wan marki. Boiti dati a gi unu prisiri fu prati den, a de Yehovah nen di poti reti, kotoigi gi èn a pratiwroko go a fesi. Meki Yehovah blesi na tapu na faya fu wi alamala ini na saiwroko abi wan prisiri koti fu froktu leki bakapisi.
INI APRIL NANGA MEI
12 Te wi luku a sani bun dan wan gronman no kan prani èn koti ini a srefi seizoen wan bepaalde sortu fu sani di a prani. A mu wakti ’na diri froktu fu na gron èn sori pasensi’ (Yak. 5:7). Na yeyefasi a de wel mogelijk na a srefi pisten fu de bezig nanga sai èn kotiwroko te yu sa luku na wroko di wi kisi di de na tu pisi dati wani taki fu èn fu meki disipel (Matt. 24:14; 28:19, 20). Disi e meki na dienst fu wi ini na kotiten, „na bosroiti fu na seti fu sani”, de wan sani di e de afwisselend èn di e gi tumsi bigi satisfaksi (Matt. 13:39). Fa wi kan abi na ini disi wan moro bun prati?
DINI LEKI YEPI-PIONIER
13 Na kotiten na wan spesrutu ten gi gronman. Den no kan denki — èn dati den no e du ooktu — dati na normaal go fu sani bun nofo, dati san no kan du tide, kan du tamara. Na koti fu froktu mu tyari kon na inisei te a lepi. Ala wrokoman tapu na gron sabi dati ooktu ten no de fu lasi. Tra sani di no de so fanowdu e poti a wan sei. Den de klari fu wroko fu son opo te son dongo tapu den gron.
14 Na dramatis situatie di den e ferteri fu en èn di ben gi na Yohannes ini wan visioen ini Openbaring 7:1-3. A ben si „na den fo uku fu na grontapu fo engel tanapu, di ben hori den fo winti fu na grontapu steifi”. Olanga den ben sa hori „den fo winti disi”? Soso ’te baka den poti wan seigelmarki na den srafu fu wi Gado a den fesi-ede fu den’. Omeni ten dati sa teki ete? Na a ten fu na memrefesa fu 1986 moro mendri leki 9.000 sma ben ferteri dati den de wan fu den 144.000 sma, di Openbaring 14:4 e ferteri fu den leki „fosi froktu”. Now di a gersi sobun dati a moro bigi pisi fu den fosi froktu tyari kon a wan, dan a de krin dati na tra pisi fu na koti fu froktu bigin kon moro a fesi. Disi ben kon fu si nanga san Yohannes moro fara ben si ini a visioen: „Baka den sani disi, mi ben si, èn luku! wan bigi ipi, di nowan sma kan teri, fu ala natie èn lo èn pipel èn tongo.” Yohannes kisi fu yere: „A de den disi di komoto fu na bigi benawtu” (Openb. 7:9-14). Pikinso ten abra ete fu klari na tyari kon makandra fu na „bigi ipi”. Te den sa lusu den „fo winti dati fu na grontapu” èn nanga dati a marki sa gi fu a bigin fu na „bigi benawtu”, dan a sa de tumsi lati! Wi e si fu dat’ede o tranga fanowdu a de fu abi moro wrokoman ini a koti fu froktu fu tyari den ipi-ipi sma di mu feni ete kon na inisei?
15 Den sma di alaten abi prisiri ini a dienst, de den sma di no e meki den furu mi no-kefasi fu ososma meki den lasi ati, ma di e prisiri fu na ’wan moi fasi fu sma di arki’ èn den e poti densrefi tapu dati. Asrefi sani den e du nanga na tra sma di e teki sani bun, èn na trawan na en baka, èn so moro fara, te leki a diniwroko fu den heri esi abi na marki fu ala sortu prisiri ondrofeni. Na yepi-pionierdienst ini maart nanga april e gi wan tumsi moi okasi fu ondrofeni na waarheid fu na redenatie disi èn fu doro bun bakapisi di e gi dekati. Gi furu sma april, nanga feifi satra, sa de moro bun mun; trawan kande sa man fu teki prati na a yepi-pionierdienst ini maart èn april.
16 Ini na kotiwroko no wawan na hoeveelheid ten e prei wan rol, ma ooktu doeltreffendheid e kon a fesi. Disi e kon krin a fesi ini Odo 10:4, 5, pe tanapu: „Wan sma di e wroko nanga lesi anu, sa abi pikinso sani, ma a de na anu fu na sma di e wroko fayafaya di e meki wan sma kon gudu. Na manpikin di e handri nanga ferstan fu si sani e tyari kon makandra fu na ten fu dreiten. Na manpikin di tapu wan syenfasi e handri e sribi dipi ini a ten fu koti froktu.” Na presi fu „sribi dipi” ini activiteit, wi wani sobun de „fayafaya” èn „handri nanga ferstan” fu kan tyari kon makandra. Fa wi kan sori now nanga wi preikiwroko dati wi abi na ferstan fu sani, èn na sofasi si moro bun winimarki?
17 Te wi e meki wan bun gebroiki fu ala den tumsi moi rai di gi. Den lo artikel ini Wi Kownukondredienst fu oktober 1986 te maart 1987 na ondro na thema „Tan preiki a bun nyunsu moro bun” ben abi spesrutu materiaal di e yepi wi ini a ten fu wi preikiwroko fu handri nanga ferstan. Fertrow ben e bow ini Yehovah èn ini a tru tori dati en e gi na gro; ooktu wi ben kisi yepi fu si a wini fu a wroko ini pikin grupu fu fo te siksi preikiman. Tra sani di ben behandel ben de: waka na baka Yehovah nanga Yesus nanga yepi fu sari-ati, switifasi nanga tact; gebroiki na koni fu leri sma; na yoisti luku tapu èn behandeling fu no-beladres. Èn leki laatste wi ben kisi na dekati fu sorgu bun gi a veld di ben wroko fudi wi e tyari bun go-baka. Fu san-ede yu no ben sa go leisi den lo artikel disi bifo den mun kon fu hei activiteit, èn skrifi na san yu wani go wroko na en?
18 Den sortu tori disi tanapu, na tapu na programma fu na pionierskoro. Ini a tori fu na gebroiki fu na rai fu „sori persoonlijke belangstelling” difrenti pionier e taki: „A gersi leki na velddienst ben kon nyun krinkrin gi mi.” Ooktu yu kan kisi ondrofenitori di e gi yu tranga te yu e gebroiki na rai di gi. Na sei fu dati yu abi ete furu rai ini na Tak-go-tak-kon-buku, di wi kan tyari ini wi velddiensttas di srefi ini a ten fu a velddienst wi kan luku.
19 In na gemeente yepi de ooktu, fu eksempre ini den gewone pionier. Ini a nyun dienstyari 1988 moro leki 10 nyun gewone pionier poti ini a pionierwroko; dati wani taki tapu ibri dri gemeente wán pionier ekstra de fu wroko nanga en èn a no de fu taki dati na dienstopziener èn tra owruman sa wani seti nanga ala prisiri ekstra activiteit, èn sorgu dati nofo gebied de èn ooktu dati nofo lektuur nanga tijdschrift de. Èn no frigiti spesrutu, boiti fu meki wan persoonlek schema èn fu taki na afersi nanga tra famirman, fu Yehovah yepi èn blesi na ini begi; leki Masra fu na kotiwroko a sa yere den begi fu unu di e kon na en fayafaya. — 1 Yoh. 5:14.
20 Baka na wiwirikampufesa na 32 G.T. soso siksi mun ben de bifo Yesus ben ondrofeni dede na wan pina-udu. Fu dat’ede a ben du wan sani fu meki a wroko go a fesi. A ben seni seibitenti disipel èn aladi den ben de a pasi e go na den difrenti toewijzing fu den, den wortu fu Yesus ben bari ete ini den yesi fu den: „Na kotiwroko de trutru bigi”! Ooktu now pikinso ten de fu wan kefarlek bigi wroko, èn so bun ooktu wi mu meki a go moro esi te wi e sai fayafaya èn e koti froktu nanga prisiri. — Luk. 10:1, 2.
DEEL 3 — MEMREFESA
21 Tapu freida 1 april 1988, baka te son dongo, dan Yehovah pipel na a heri grontapu sa tyari kon na wan fu memre na dede fu Yesus, na dede di abi bakapisi di e go morofara leki di fu iniwan tra sma. Fa a de fu dat’ede wan sani di fiti fu sori na bigi tangi fu wi gi na moro bigi sori fu Yehovah lobi na ini den mun maart na april lontu na prenspari datum disi fudi wi o du ekstra activiteit. Ooktu „na lobi di Kristus abi”, sa pusu wi ’no fu libi moro langa gi wisrefi, ma gi en di ben dede gi wi èn di ben opo baka’. — 2 Kor. 5:14, 15.
22 Na prakseri dati ’Gado na lobi’ de ooktu tapu na gedrukte kari fu de tapu na Avondmaal, fu san seiker wi wani meki wan bun gebroiki fu en fu kari ala sma di e bribi dati Yehovah na a Mekiman èn di e respeki en wortu èn di abi warderi gi na ofrandi fu Yesus (1 Yoh. 4:8). Na pisten disi wan owruman sondro degedege sa seti sani bun efu a kan fu abi wan aparti komakandra, efu a de now ini den eigi Kownukondrezaal ofu ini wan komakandrapresi di den yuru. Fudi den o abi aparti komakandra, èn no moro wan ini na srefi kownukondrezaal tapu a neti dati, dan ibri gemeente sa abi wan maximale mogelijkheid fu poti bun prakseri a den nyun sma, den inactiefwan èn den tra sma di abi belangstelling.
23 Spesrutu na a ten fu na Memrefesa a de krin fu si dati den gron de weti fu koti nyanyan (Yoh. 4:35). Yu ben abi 4425 tapu na Avondmaal, 3202 moro leki na nomru fu preikiman ini Sranan ini a mun april! Efu yu sa luku den moi bericht fu a kondre fu nyun bijbelstudie di bigin, dan a sa de mogelijk fu psa a nomru disi na ini 1988. Fa de wan kefarlek bigi frantwortu di ala disi e poti tapu wi leki wrokoman ini na kotiwroko, ma fa wi e kisi wan bigi prisiri na a srefi ten aladi na ati fu na Masra fu na kotiwroko e prisiri.