Teki prati ibri wiki na a diniwroko e gi moro prisiri
1 „Wi no kan tapu fu taki fu den sani di wi si èn yere” (Tori. 4:20). Den wortu disi fu na apostel Petrus nanga Yohannes e tyari kon a krin taki na preyki fu na bun nyunsu ben de wan tumsi prenspari pisi fu den libi. Fu ala den apostel a beybri tori e fruteri wi: „Sondro fu tapu den ben tan gi leri ibri dey ini a tempel èn oso fu oso èn ben tan meki na bun nyunsu fu Krestes Yeyses, bekenti.” — Tori. 5:42.
2 Na ala ten a srefi faya nanga san den ben meki na bun nyunsu bekenti, ben de ooktu na fasi fu na apostel Paulus, bika „ibri sabbat a ben abi na gwenti fu hori wan lezing ini na snoga èn ben hari den dyu nanga Griki kon na en sey” (Tori. 18:4). Srefi di den ben hori en leki strafman ini en eygi oso ondro na ay fu waktiman, a ben abi na gwenti fu preyki geregeld èn fu gi leri fu na bun nyunsu fu na Kownukondre. — Tori. 28:30, 31.
3 Teki prati geregeld na a bun nyunsu ben gi wi brada nanga sisa na ini na fosi yarhondro furu blesi nanga prisiri. Sonwan fu den di den ben si leki sma di no ben kisi leri èn gewoon sma, ben kisi frifasi fu taki sondro frede èn bekwaamfasi fu di den ben waka a baka Yeyses na ini den fasi fu taki (Tori. 4:13). Fa a ben musu fu gi den prisiri fu sabi taki na leri fu den ben wani taki frulusu gi furu regtvaardiki sma!
NYAN BUN FU DEN ALA WIKI VELDDIENSTREGELING
4 Wan schema fu tanapu geregeld ala wiki ini a diniwroko e kon moro bun èn na ala wiki ini na diniwroko, kan yepi yu fu teki prati na ini den sortu blesi disi. Na tapu wi kalender na fosi sonde èn ooktu na di fu satra fu ala mun den e sori a tapu den leki spesrutu dey gi na velddienst. Yu e hori yu na a schema disi? Te yu e du disi èn efu yu poti ete wan weekend na en, yu ben sa abi ala wiki wan prisiri prati na a velddienst. Furu sma sreka den afersi so taki no moro mendri leki ibri kba fu na wiki den e go ini na velddienst. Gemeente e seti ibri satra nanga sonde, regeling gi velddienst-komakandra. Furu gemeente orga ooktu velddienst aktie na mindri wiki.
5 Efu yu no e teki geregeld prati na a diniwroko na tapu na fosi sonde èn di fu tu nanga fo satra fu a mun, fu san-ede yu no ben sa poti disi leki marki na yu fesi èn ben sa pruberi na so fasi fu abi prati na a diniwroko ibri wiki? Yu bukustukaleider sa gi yu nanga prisiri na fanowdu yepi fu seti wan praktis schema di fiti yu persoonlek situwâsi. Hori na in prakseri taki na bun nyunsu musu preyki na ini ala nâsi (Mark. 13:10). So bun fu san-ede yu no ben sa luku den bodoy di den gi dyaso na ondro begi so taki yu ooktu kan teki prati ibri wiki na a prenspari wroko disi?
BLESI DI YU KAN KISI
6 Kande yu no man fu abi net so wan bigi prati na a preyki fu na bun nyunsu leki den pionier. Ma efu yu go ala wiki geregeld na ini na diniwroko, dan yu diniwroko e kon moro bun èn na so fasi akruderi dati yu prisiri sa kon moro furu. Di Yeyses ben seni den 70 sma go na doro, ’den ben dray kon baka nanga prisiri’ èn ben fruteri den ondrofenitori (Luk. 10:17). Srefi na ondro muylek omstandigheden, na teki prati furutron na a preykiwroko sa meki yu prisiri kon moro bun.
7 Wi e gi ala sma deki-ati fu meki ten fu prati a bun nyunsu nanga trawan ibri wiki. Te yu du disi, yu bekwaamfasi leki sma di e gi leri sa kon moro bigi èn yu prisiri sa kon moro furu, disi fu na glori èn grani fu Yehovah.