Meki kobroyki dorodoro fu den wrokosani fu wi fu tapu slag
Na ini a ten disi satan e kon feti nanga osofamiri na wan grofu fasi èn e du muyti fu pori den. Kresten sma sabi disi tumsi bun. Fa a ben sa de wan sari sani efu pikin ben sa moksi den srefi ini seks hurudu fasi, drungu, fowtu kobroyki fu drug ofu tra ogridu! Son sma si trutru fa den manpikin nanga umapikin drifi gwe fu Yehovah, fa den go fromu ini grontapu fasi fu denki nanga lostu (Odo 10:1; 17:21). Na a srefi ten furu yongu sma tan krin èn tan wroko faya ini Yehovah dienst. A fasi fu tyari den srefi ben tyari grani gi Gado èn ben tyari prisiri gi den papa nanga mama èn trawan (3 Yoh. 3, 4). Fa a difrenti du kon? Na ini furu geval a ben de na fasti bosroyti fasi fu papa nanga mama èn so srefi tu fu den pikin fu meki dorodoro kobroyki fu den sani di den ben gi wi nanga san wi kan tapu slag.
2 Na tapu a „Geregtigheid fu Gado”— distriktkongres den ben poti prakseri a den sani nanga san wi kan tapu slag èn di papa nanga mama abi fanowdu na ini a ten disi. Wantu fu den ben behandel ini a symposium „Gi tranga leri na ini regtvaardikifasi na ini na osofamiri” èn ini na lezing „Moreel krin-fasi de na moyfasi fu den yongu yari”. Yu kan memre den bodoy disi èn yu kobroyki den persoonlek èn ini yu osofamiri?
FRANTWORTU FU PAPA NANGA MAMA
3 Wan prenspari sani gi papa nanga san den ben kan tapu slag de fu frustan dorodoro san Yehovah e aksi fu wan edeman fu osofamiri èn erken na fanowdu fu frutrow tapu Yehovah fu kisi tiri. Efu wan edeman fu osofamiri wani leri en osofamiri bijbelgronprakseri, dan en srefi musu sabi den fosi. Ma sabi den wwan no de nofo. Den gronprakseri disi musu kobroyki efu na osofamiri wani nyan bun dorodoro fu den. Wan papa di gi ensrefi abra musu teki fesi na ini na osofamiri ini wan yeye programa fu begi, stuka nanga santa diniwroko (1 Tim. 5:8). Efu a wani taki en uma nanga pikin respeki en makti, a musu sori prisiri na ini en gi yesi a Gado nanga en organisâsi (1 Yoh. 5:3). Te wan papa e du leki Yehovah fu di tapu wan waran, lobi fasi èn konsekwentfasi a e ori kompe nanga en osofamiri, dan a sa wini a respeki fu den èn sani sa trusu den moro fu waka na baka den eksenpre fu en. Disi sa tyari prijse nanga grani gi Yehovah.
4 Yu e memre na kongresprati „Un papa nanga mama fiti na leri fu unu fu doro na ati fu unu pikin”? A ben abi na ini wan demonstratie di ben e sori wan osofamiri di ben e stuka wan artikel fu Na Wachttoren fu 15 februari 1987. A papa nanga mama ben ori ibri pikin na prakseri èn na fara di a de na ini koni fu man leri. A no ben de wan sondro fu prakseri aksi nanga piki gwenti, ma a papa nanga mama ben feti a baka fu doro na ati fu den pikin fu den nanga a waarheid. Unu sisa kande spesrutu kan memre yu-srefi fa a mama ben kan gi bisondru yepi na en masra, ala di a ben sori taki a ben saka ensrefi èn a so fasi ben gi wan bun eksenpre a den pikin.
UNU PIKIN — SAN YEHOVAH E FRUWAKTI FU UNU?
5 Net leki fa Satan e fadon kon feti nanga un papa nanga mama, na so disi de ooktu nanga unu. San na a sani nanga san unu o tapu slag? A gi yesi na Yehovah èn na unu papa nanga mama. Ini den kongres lezing tumsi moy bodoy ben gi fu yepi unu. Yu e memre den? Wán punt di yu e memre kande de dat yu ’no kan seyri go na ini a nyun grontapu leki wan sma di stowey na ini a sipi fu yu papa nanga mama’. Nanga tra wortu yu musu meki na waarheid de wan pisi fu yu. Yu papa nanga mama e gi yu nyanyan èn e yepi yu. Disi den du yari langa. Ma o moro yu e kon lepi, den e fruwakti fu yu taki yu e teki yeye frantwortu a yu tapu. Yehovah e fruwakti fu yu taki yu du dén den sani fu san yu sabi taki a de yoysti (Preik 11:9). Efu yu leri taki Yehovah . pasi de yoysti, dan a de na yu fu de so frustandiki fu waka a pasi disi.
6 O moro yu e kon owru, o moro a tyalansi fu tan moreel krin e kon moro tranga. Wan pestsiki fu krakti di no krin de na a heri grontapu lontu èn ala dey yu abi fu du nanga dati. Den sani nanga san yu kan tapu slag de disi, fu lobi san bun èn fu no wani si ogri na ay (Ps. 52:3; 97:10). Abi demakandra nanga den sma di lobi Yehovah. Leysi san e bow sma. Kibri san abi bun bakapisi gi yu (Fil. 4:8). Efu yu e kisi tesi, prakseri dan fa a ben waka gi a yongu man di no ben abi ati (Odo 7:6-27). Meki Yehovah tyari yu na ini den prakseri nanga den du fu yu èn yu sa tan bun na en sey.
7 Iya, papa nanga mama èn so srefi tu pikin musu tan na ay na ini a tori fu kefar di lontu wi alamala. Te wi meki dorodoro kobroyki fu den sani fu wi nanga san wi kan tapu slag, dan wi ka komoto na ini a feti leki winiman èn kisi a grani fu prijse Yehovah fu tégo.