Bow bribi na ini Gado Wortu
1 Efu oyti wan ten ben de pe wan tranga bribi ben de fanowdu, dan now a de na ten. Furu sma no abi bribi kwetikweti èn no abi howpu gi na tamara. Kerkifesiman nanga politikifesiman wiki falsi howpu so furutron taki libisma na fesi fu ala sma e sori taki den lasi-ati krinkrin. Nanga reti na apostru Paulus ben fruklari: „No ala sma abi bribi” (2 Tes. 3:2). Ma Yehovah Kotoygi abi bribi. Wi abi na dorodoro frutrow taki den pramisi di tanapu na ini Gado Wortu, sa kontru.
2 Na sani di e meki Yehovah Kotoygi de tra fasi leki tra sma, de den tranga bribi. A e gi faya fu du tumusi bun wroko, di e tyari wini gi trawan sobun leki wi srefi, ala di den e gi Gado grani. Sowan sortu bribi de na bakapisi te wi e meki Gado Wortu oefen krakti tapu wi libi. Na internationaal bradafasi fu tru kresten na ini na ten disi e sori na waarde fu bow bribi na ini na beybri leki Gado Wortu di skrifi nanga yepi fu en yeye. — 2 Tim. 3:16.
FU SAN-EDE WI MUSU YEPI TRAWAN FU BOW DEN BRIBI
3 Fu di libi de ini a tori, meki wi abi wan krakti reyde fu yepi trawan fu bow den bribi. Nanga disi na ini prakseri meki ini a preykiwroko na ini a mun april wi sa pristeri fu na fositron na buku Na beybri — Gado wortu ofu di fu libisma? Na marki fu na nyun buku disi de fu yepi sma fu si taki na beybri de Gado Wortu. A e taki èn fruteri finifini furu fu den falsi kragi di tyari kon teyge Gado Wortu. A e gi piki, di e gi satisfaksi, na tapu wantu aksi, soleki: Na beybri no de wetenschappelijk? A e taki kontrari ensrefi? A abi soso anansitori èn fositen tori fu santawan na ini? Den wondru di skrifi na ini na beybri psa trutru? Den ondrosukuman man fu sori taki a e kruderi nanga historiya? Boyti fu dati na publikâsi disi e gi furu tumusi bun buweysi taki na beybri skrifi nanga yepi fu Gado yeye. Na buku e poti so srefi na prakseri tapu den profeytitori di noyti e misi èn na wondrufasi fu na wanfasi fu na beybri.
4 Na dipi, praktis koni fu na beybri èn en krakti fu kenki libisma fu na bun fu den, de wan pisi nomo fu na buweysi materiaal di e sori taki na beybri na Gado Wortu. Wi abi na frantiwortu fu yepi sma fu kon sabi na buweysi materiaal disi. Fu dati-ede wi musu leri den fosi fu bribi san na beybri e taki.
5 Fa na moro bigi pisi fu wi ben kisi yepi fu bow bribi na ini Gado Wortu? Seyker disi ben psa nanga yepi fu wan osobeybristudi di wan sma ben lèy nanga pasensi na wi. Na prati fu wan beybri ofu buku sobun no de na kba fu wi muyti fu bow bribi; a de soso na bigin. Fu di wi feni wini fu en taki wan sma studeri nanga wi, meki wi sa wani fu go so srefi esbiten na den wan na suma wi e prati lektuur èn pristeri wan osobeybristudi fu yepi den fu bow den bribi.
NA NYUN BUKU E YEPI WI FU BOW BRIBI
6 Te na buweysi materiaal e wegi na wan eerlijk fasi, dan nowan opregti sma kan misi fu teki na beybri leki Gado Wortu. Na nyun buku disi e gi furu fu na buweysi materiaal dati na ini wan makriki fasi gi ala sma. Wi wani gi trawan deki-ati fu teki na beybri leki Gado Wortu èn fu libi na ini akruderi nanga en ray di a skrifi nanga yepi fu en yeye. Den wan di e du dati, kan moksi den srefi nanga prisiri na a psalmsingiman di ben begi opregti: „O luku taki mi ben lobi yu komando, O Yehovah, hori mi na libi na ini akruderi nanga yu no frudini bunfasi. Na heri inibere fu yu wortu de tru, èn ibri regftfardiki krutu bosroyti fu yu e tan te ten di no abi marki.” — Ps. 119:159, 160.
7 Nanga yepi fu en Wortu, na beybri, Yehovah e sorgu na wan lobifasi gi tiri gi ala sma di e suku en pasi di e kibri wi psa na „bigi banawtu” (Mat. 24:21). Na ini april wi kan gi trawan deki-ati fu leysi Gado Wortu èn studeri en fu di wi e pristeri na buku Na Beybri — Gado Wortu ofu di fu libisma? fu wan bijdrage fu Sƒ 3,-.