Kon santa ini yu heri fasi fu tyari yu srefi
1 Neleki ini a ten di psa, na so Yehovah e winsi fu den futuboi fu en ini a ten disi taki den de santa. Fu dati-ede a de tranga fanowdu taki ibriwan fu wi no frustan krin nomo san santafasi wani taki, ma so srefi fa èn fu san-ede a musu de wan marki fu wi anbegi fu Yehovah. Fu dati-ede ini a programa fu a spesrutu dei konmakandra gi a dienstyari fu 1991 den e taki fu a thema „Kon santa ini yu heri fasi fu tyari yu srefi”.—1 Petr. 1:15.
2 Fu di den regtfardiki gronprakseri nanga wéti fu Yehovah e feni den bigin na en leki a Santa Gado, meki a regtfardiki posisi di wi e nyanbun fu en, de a wantewante bakapisi fu wi eigi krosibei matifasi nanga en. Fu dati-ede meki a programa sa taki fini fu wantu fasi fa wi kan meki wi matifasi nanga Gado kon moro bun. Na ini disi yu abi a gi fu yesi na den santa markitiki fu en, srefi na ini sani di wi ben sa kan si leki pikin sani (Luk. 16:10). Wi sa kisi yepi fu kweki wan moro dipi warderi gi den santa sani di Yehovah e aksi fu wi èn a sa memre wi fu san-ede a musu abi krakti tapu wi heri denki, wi heri fasi fu tyari wi srefi èn wi heri fasi fu handri.
3 Tu prenspari lezing di o hori de „Saka wi srefi na a kon krin na wan progresief fasi” èn „Na kon di den wroko fu na santa pipri fu Yehovah e kon moro furu”. Aladi den skreki sani di e psa na grontapu e spikri a tranga fanowdu fasi fu a ten ibri dei na ini wi yeye, a programa fu a spesrutu dei konmakandra fu a nyun dienstyari sa meki wi tan luku go na Yehovah fu kisi tiri èn fu tan du muiti fu plisi en fu di wi e santa ini a fasi fa wi e tyari wi srefi.—1 Petr. 1:14, 16.