Dienstkonmakandra gi september
WIKI DI E BIGIN 2 SEPTEMBER
Singi 165
10 min: Wan toe sani foe a gemeente nanga wan toe sani di teki a mindri trawan na ini Wi Kownoekondredienst. Gi wan ofoe toe idea gi tijdschrift pristeri di boen gi a kontren foe na gemeente èn gi ala preikiman deki-ati foe go ini velddienst na a kaba foe a wiki disi. Tjari na Taki-go-taki-kon-boekoe a wiki di e kon nanga joe na a dienstkonmakandra.
20 min: „Prèise na nen foe Gado dorodoro”. Aksi-nanga-piki takimakandra. Tapoe nanga wan demonstrâsi di sreka boen, pe den e sori fa a Tori foe Takimakandra di wi e gebroiki now, kan gebroiki. Fiti en na a situwâsi foe a kontren foe na gemeente. Wan preikiman—baka te a taki en nen na wan fasi di fiti ofoe a meki den sabi soema na en—ben sa kan taki disi: „ Tide wi e taki nanga wi birti sma foe na fanowdoe foe abi wan positief loekoe tapoe a tamara. Grontapoe tiriman e taki foeroetron foe den plan di den abi foe wan moro betre grontapoe. Tapoe san den gron a howpoe foe den? Joe e bribi taki libisma man foe tjari wan moro betre grontapoe kon [Gi okasi foe piki.] Na profeiti Jeremia ben abi wan sani foe taki foe disi, èn dati tanapoe na ini Jeremia 10:23. [Leisi] Wi kan si a tamara positief, soso foe di wi leri foe na pramisi di Gado srefi doe. Èn en pramisi no sa misi en marki. Djaso tanapoe san na apostel Petrus ben skrifi. [Leisi 2 Petrus 3:13.] Loekoe pikinso fa Gado en pramisi di de sondro fowtoe e tjari en kon a krin na ini a brochure disi.” Moro fara na preikiman e meki na ososma si bodoi di e fiti, na ini a brochure.
15 min: „Prani nanga gi watra—den stap foe a meki foe disipel”. Takimakandra nanga den arkiman, foe den par 1-9 na tapoe bladzijde 5 foe na inlegvel. Te joe e taki foe den paragraaf 7-9, dan sori wan praktis gebroiki foe a materiaal foe di joe abi wan sjatoe aksi takimakandra nanga den preikiman di ben man foe doe san taki drape, noso foe di joe e froeteri ondrofenitori foe a kontren di e agersi den penti. Sorgoe taki den ondrofenitori foe den aksi takimakandra de sjatoe èn krin.
Singi 130 nanga lasti begi.
WIKI DI E BIGIN 9 SEPTEMBER
Singi 72
10 min: Wan toe sani foe a gemeente. Moni afersi. Leisi na tangi brifi foe a Genootschap di e sori taki den ben kisi den bijdrage di na gemeente ben seni go. Prèise den brada nanga sisa toe foe a fasi fa den e sorgoe gi den moni fanowdoe foe a gemeente èn foe a horibaka foe den gi na kongreshalprojekt na ini wi kondre. Gi deki-ati foe teki prati na a velddienst na a kaba foe a wiki èn tapoe tra ten pe den sreka sani foe go na doro nanga wan groepoe foe gi kotoigi.
15 min: „De nanga joe heri-ati ini a velddienst—Pisi 2”. Lezing di e gi deki-ati, èn e leri sma wan sani na ini san den e behandel na materiaal foe na artikel èn pe den e gi eksempel foe a gebroiki foe a Taki-go-taki-kon-boekoe. Joe no abi foe demo den penti di kari, ma na wan makrikifasi a takiman kan tjari na fesi fa preikiman kan feni èn gebroiki den bodoi na ini a toemoesi moi velddienst jepisani disi. Meki na waarde foe oefen kon sjatoe a fesi, leki wan sreka na fesi gi na velddienst. Efoe a ten e gi pasi foe dati, joe kan meki wan preikiman froeteri fa den e doe dati.
20 min: „Prani nanga gi watra—den stap foe a meki foe disipel”. Hori, baka wan sjatoe inleiding pe joe e taki sjatoe foe na materiaal di ben behandel a wiki na fesi, wan aksi èn piki takimakandra foe den paragraaf 10-20 na tapoe bladzijde 7 nanga 8 foe a inlegvel. Son preikiman kan froeteri kande fa den meki a dienst foe den kon moro boen èn fa den bigin bijbelstudie foe di den gebroiki idea ini Wi Kownoekondredienst di ben kon na ini den trawan na fesi kaba.
Singi 48 nanga lasti begi.
WIKI DI E BIGIN 16 SEPTEMBER
Singi 174
10 min: Wan toe sani foe a gemeente. Theokrasia njoensoe. „Wroko tranga ini a doe foe Gado wani”. Gi den brada nanga sisa deki-ati foe meki plan na fesi foe fisiti na spesroetoe deikonmakandra foe 1992. Meki na dei nanga na presi pe a sa hori bekènti, te oen sabi dati. Gi, efoe ten e gi pasi foe dati, idea foe den artikel na ini den njoen tijdschrift, di so leki fa a sori de boen foe pristeri oso-foe-oso na a kaba foe a wiki.
20 min: „Pristeri na boen njoensoe—Na ini kontren pe wi wroko foeroetron”. Aksi nanga piki. Sori fa a gemeente kan gebroiki den bodoi na ini den kontren ofoe fiti den na den fanowdoe foe na gemeente.
15 min: „A seti foe na gemeenteboekoestudie—Pisi 2”. Wan lezing di e gi deki-ati, foe wan boekoestudieleider di abi boen bakapisi.
Singi 25 nanga lasti begi.
WIKI DI E BIGIN 23 SEPTEMBER
Singi 134
15 min: Wan toe sani foe na gemeente. Wan lezing di e froeteri foeroe foe den sani di seti ini na gemeente gi na velddienst èn foe san den e doe foe gi deki-ati na den pionier preikiman èn foe jepi den. Poti spesroetoe prakseri na tapoe den fanowdoe foe den wan di kande e bigin 1 oktober nanga a pionierdienst. Gi deki-ati foe go ini velddienst na a kaba foe a wiki disi èn memre den preikiman foe teki wan toe foe na Meki sani-boekoe foe gebroiki den ini a dienst, foe bigin foe toedewroko 1 oktober.
15 min: Fanowdoe foe a gemeente. Joe ben sa kan gebroiki den bodoi na ini den artikel foe na kafti foe na Ontwaakt! foe 8 juni 1991 leki fondamenti gi wan lezing noso foe wan takimakandra foe na tori foe gongosa.
15 min: „De grantangi foe na blesi foe Jehovah tapoe wi wroko”. Takimakandra foe fesimanopziener nanga so srefi pikinso prati na dati, foe na sei foe den sma na ini zaal. Tjari waarderi go abra gi a boen-ati foe Jehovah. Taki foe san a gemeente ben doe ini a tori foe den tori di den ben taki foe den. Prèise den brada nanga sisa èn gi deki-ati foe den tan gi jepi nanga boen-ati fasi na a kongreshalprojekt. So langa a ten e gi pasi foe dati, gebroiki sani di e fiti, èn di komoto foe den artikel na ini Wi Kownoekondredienst pe den ben sori go na en.
Singi 16 nanga lasti begi.